Vinsamlegast athugið að þetta efni er eldra en 1 árs.
Iðnaðarsvæðið á Hólaheiði sem gert er ráð fyrir að hægt verði að nýta undir vindmyllur.
Iðnaðarsvæðið á Hólaheiði sem gert er ráð fyrir að hægt verði að nýta undir vindmyllur.
Fréttir 6. janúar 2021

Skipuleggja iðnaðarsvæði með 35 vindmyllum

Höfundur: Margrét Þóra Þórsdóttir

Fyrirhugað er að breyta landnotkun á Hólaheiði á Melrakkasléttu sunnan norðausturvegar, Hófaskarðsleiðar, þar sem gert verður ráð fyrir vindorkuveri. Í megindráttum felur breytingin í sér að landbúnaðarlandi verður breytt í iðnaðarsvæði til orkunýtingar en landbúnaður verður einnig heimill. 

Sveitarstjórn Norðurþings samþykkti á fundi nýverið að kynna skipulags- og matslýsingu vegna breytinga á aðalskipulagi sveitarfélagsins vegna uppbyggingar vindorkuvers.

Markmið með breytingu á aðalskipulagi Norðurþings 2010-2030 er að auka framboð endur-nýjanlegrar raforku á Íslandi með því að skilgreina nýtt iðnaðarsvæði til orkunýtingar þar sem gert verður ráð fyrir nýtingu á vindorku ásamt því að landbúnaður á svæðinu verður áfram heimilaður. Svæðið er skilgreint sem landbúnaðarsvæði í gildandi aðalskipulagi. Þar eru engin tún eða ræktað land en svæðið að einhverju leyti nýtt til sauðfjárbeitar.Gert er ráð fyrir að sú nýting geti verið að mestu óbreytt samhliða uppbyggingu og rekstri vindorkuvers á svæðinu. 

Gert ráð fyrir 35 vindmyllum á svæðinu

Á fyrirhuguðu iðnaðarsvæði er gert ráð fyrir u.þ.b. 35 vindmyllum ásamt tengivirki, rafmagnsköplum, vegum og öðrum mannvirkjum sem tilheyra vindorkuveri. Aðkoma að svæðinu verður af þjóðvegi 85, Hófaskarðsleið. Gert er ráð fyrir að uppbygging geti farið fram í 2 áföngum þar sem fyrsti áfangi gerir ráð fyrir uppbyggingu á um 10-15 vindmyllum og seinni áfangi gerir ráð fyrir um 20-25 vindmyllum.

Svæðið sem á þessu stigi kemur til greina og er til skoðunar er um 30 km2 að stærð en gera má ráð fyrir að land sem fari undir mannvirki, þar á meðal vindmyllur, vegi og tengivirki, geti orðið samanlagt um 6 km2. Endanleg stærð iðnaðarsvæðis og staðsetning mannvirkja innan iðnaðarsvæðis mun byggja á niðurstöðum vindmælinga ásamt niðurstöðum rannsókna sem ráðist verður í við mat á umhverfisáhrifum framkvæmdarinnar og snúa m.a. að landslagi, fuglalífi og öðru náttúrufari á svæðinu. 

Mikil þróun er í hönnun vindmylla sem meðal annars hefur áhrif á nýtni þeirra og umfang, sú þróun hefur mikil áhrif á hæð vindmylla og fjölda þeirra þar sem orkuframleiðsla og nýtni eykst með hæð og umfangi spaða. Á þessu stigi hefur ekki verið ákveðið hvaða gerð vindmylla verða reistar á svæðinu en áætla má að hæð masturs verði um 120 metrar og að þvermál spaða verði um 162 m. 

Nægt og flatlent landrými til staðar

Skipulagssvæðið er sunnarlega á Melrakkasléttu, á Hólaheiði sunnan Hófaskarðsleiðar nr. 85. Örnefnið Hnotasteinn er að finna á Hólaheiði og dregur verkefnið nafn sitt af því. Athugunarsvæði fyrirhugaðs vindorkuvers er um 100-180 m.y.s. og nær yfir landsvæði á jörðum Katastaða, Presthóla og Efri-Hóla. Landið er talið henta vel fyrir nýtingu á vindorku þar sem staðsetningin uppfyllir allar helstu kröfur sem gerðar eru til slíkra svæða. Nægt landrými er til staðar, svæðið er tiltölulega flatlent og þar er lítill kjarr- eða trjágróður eða annað sem getur haft neikvæð áhrif á vindstyrk.

Svæðið er fremur flatlent með grónu mólendi, hraunlendi, ógrónum melum og nokkrum minni vötnum. Í um 850 m fjarlægð frá jaðri athugunarsvæðis er gangnamannaskáli sem er aðallega nýttur við smölun á haustin. Næsta íbúabyggð er í um 3 km fjarlægð frá jöðrum svæðisins og næsta þorp er Kópasker í um 6,5 km fjarlægð frá svæðinu. 

Skylt efni: Vindmyllur

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...

Spretthópur skipaður til að bregðast við afkomuvanda bænda
Fréttir 3. júní 2022

Spretthópur skipaður til að bregðast við afkomuvanda bænda

Tilkynnt var um það á vef matvælaráðuneytisins í morgun að Svandís Svavarsdóttir...

Orkuframleiðsla með kolum jókst um 18%
Fréttir 2. júní 2022

Orkuframleiðsla með kolum jókst um 18%

Þrátt fyrir allt tal um að draga verði úr losun koltvísýrings (CO2) þá jókst not...