Setningarathöfn Búnaðarþings 2021 í streymi
Höfundur: smh
Setningarathöfn Búnaðarþings 2021 verður streymt beint í gegnum Facebook-síðu Bændasamtaka Íslands (BÍ) í hádeginu í dag klukkan 12:30 frá Súlnasal Hótel Sögu.
Vigdís Häsler, framkvæmdastjóri BÍ, stýrir athöfninni sem verður blanda ræðuhalda og tónlistarflutnings.
Gunnar Þorgeirsson formaður BÍ flytur setningarræðu auk þess sem forsætisráðherra, sjávarútvegs- og landbúnaðarráðherra og loks forseta Íslands ávarpa þingið.
Fundur hefst svo á Búnaðarþingi klukkan 13:30, en gert er ráð fyrir að að fundarlok verði eftir klukkan 15, á morgun þriðjudag.
Stærsta mál þingsins er tillaga sem gengur meðal annars út á sameiningu BÍ og búgreinafélaganna – og breyta þar með félagskerfi landbúnaðarins.
