Vinsamlegast athugið að þetta efni er eldra en mánaðar gamalt.
Elín Oddleifsdóttir og Eiríkur Egilsson tóku við viðurkenningunni úr hendi Rafns Bergssonar.
Elín Oddleifsdóttir og Eiríkur Egilsson tóku við viðurkenningunni úr hendi Rafns Bergssonar.
Mynd / smh
Fréttir 22. febrúar 2024

Seljavellir fyrirmyndarbú ársins 2024

Höfundur: Sigurður Már Harðarson

Seljavellir í Nesjum í Hornafirði var útnefnt fyrirmyndarbú nautgripabænda Bændasamtaka Íslands árið 2024 á Deildarfundi nautgripabænda 13. febrúar.

Á Seljavöllum búa þau Elín Oddleifsdóttir og Eiríkur Egilsson og veittu þau viðurkenningunni viðtöku á fundinum, sem haldinn var á Hilton Nordica hótelinu.

Sómi sinnar sveitar

Í rökstuðningi fyrir útnefningunni kemur fram að búið sé glæsilegt í alla staði, sómi sinnar sveitar og ásýnd þess sé ábúendum og mjólkurframleiðendum til mikils sóma. „Kýrnar á búinu eru afurðasamar auk þess sem búið hefur lagt hinu sameiginlega ræktunarstarfi til kynbótagripi. Rekstur búsins er traustur og allar ákvarðanir teknar að vel athuguðu og ígrunduðu máli. Þá hafa þau Elín og Eiríkur tekið virkan þátt í félagsstörfum, bæði heima fyrir og á vettvangi greinarinnar, og njóta bæði trausts og virðingar,“ segir í rökstuðningnum.

Þar kemur enn fremur fram að byggt hafi verið nýtt legubásafjós með mjaltaþjóni árið 2005 og ársframleiðslan sé nú 500 þúsund lítrar mjólkur og kýrnar séu um 65 talsins.

Kartöflurækt og mjólkurframleiðsla

Býlið var stofnað á sjötta áratug síðustu aldar úr landi Árnaness af foreldrum Eiríks, Agli Jónssyni og Halldóru Hjaltadóttur.

Árið 1978 stofnuðu þau félagsbú með sonunum, Eiríki og Hjalta, og var þar einkum stunduð mjólkurframleiðsla og kartöflurækt.

Árið 1999 var búinu skipt upp í tvær sjálfstæðar rekstrareiningar og tóku Hjalti og Birna, kona hans, við kartöfluræktinni en Elín og Eiríkur mjólkurframleiðslunni.

Samhent fjölskylda

Eiríkur segir í samtali við blaðamann að ákvörðunin um uppskiptinguna á búinu hafi verið tekin meðal annars vegna þess að það var tímabært að ráðast í endurnýjun á húsakosti, bæði í mjólkur- og kartöfluframleiðslunni.

„Svo var talið hentugt fyrirkomulag að skipta búrekstrinum bara upp eftir áhugasviðum okkar.

Fjölskyldan hefur verið samhent og börnin virkir þátttakendur. Það er kannski aðalástæðan fyrir því að okkur hefur gengið vel,“ segir hann. „Við höfum alltaf haft metnað til að gera betur í dag en í gær.“

Elín bætir við að varðandi einstaka þætti í búskapnum þá hafi þau lagt áherslu á eigin heilfóðurframleiðslu á undanförnum árum eftir að þau fengu sinn heilfóðurblandara og þá notað minna af aðkeyptu kjarnfóðri.

„Þá opnuðust svo margir möguleikar,“ heldur Eiríkur áfram. „Við höfum til dæmis ræktað korn og nýtt kartöflur, frá Hjalta bróður og frændum okkar í Akurnesi, til okkar eigin fóðurframleiðslu,“ segir hann.

Nýtt Bændablað kom út í dag

Skylt efni: nautgripabændur

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...