Vinsamlegast athugið að þetta efni er eldra en 2 mánaða.
Fulltrúar Búnaðarþings unnu úr og samþykktu fjölbreyttar tillögur er komu frá Búgreinaþingi, stjórn og einstaklingum. Í pontu er Einar E. Einarsson þingforseti.
Fulltrúar Búnaðarþings unnu úr og samþykktu fjölbreyttar tillögur er komu frá Búgreinaþingi, stjórn og einstaklingum. Í pontu er Einar E. Einarsson þingforseti.
Mynd / H.Kr.
Fréttir 8. apríl 2022

Samþykktar tillögur á Búnaðarþingi

Höfundur: Guðrún Hulda Pálsdóttir

Nýr samstarfsvettvangur bænda og fyrirtækja í landbúnaði, efling kornræktar og aukinn félagslegur stuðningur voru á meðal samþykkta Búnaðarþings sem fór fram 31. mars og 1. apríl sl. á Hótel Natura.

Félagsgjöld Bændasamtaka Íslands verði óbreytt að undanskildu því að hámarksfélagsgjald miðist við 400 milljóna króna veltumark
á árs grundvelli samkvæmt samþykkt þingsins.

Þá verður sett í gang vinna með stjórnvöldum um lækkun fjármagnskostnaðar við framleiðslu búvara á Íslandi. Í þeirri vinnu á að leggja sérstaka áherslu á að auka möguleika Byggðastofnunar til að veita búvöruframleiðendum á landsbyggðinni betri fjár- mögnunarkosti en nú eru í boði.

Í greinargerð kemur fram að vaxtakjör jarðarkaupa- og kynslóða- skiptalána hjá Byggðastofnun séu 4,5% auk verðbóta en lækka þurfi kjörin um a.mk. 50% svo samkeppnisstaða búvöruframleiðslu á Íslandi sé ásættanleg með hliðsjón af fjármagnskostnaði.

Önnur stoð Bændasamtakanna

Tillaga stjórnar um samstarfs- vettvang Bændasamtakanna og fyrirtækja í landbúnaði var samþykkt. Lagt er til að unnið verði að því að skilgreina og koma á formlegu samstarfi bænda, afurða- og þjónustufyrirtækja í land- búnaði um þau málefni sem varða sameiginlega hagsmuni svo sem tollamál, markaðs- og neytendamál. Komið verði á ákveðnu verklagi og fjármögnun vegna hagsmunagæslu og eftirfylgni þeirra mála.

Efling kornræktar verður sett á oddinn þar sem stjórn BÍ var gert að beita sér fyrir því að í umræðu um fæðuöryggi verði tekið til skoðunar að auka kornbirgðir í landinu og stuðla að aukinni innlendri kornrækt.

Þá var samþykkt endurskoðun á þingsköpum Búnaðarþings í samræmi við breytt skipulag Bændasamtakanna. Einfalda á inngönguferli inn í BÍ. Auk þess á að stefna á það að boðin sé ásættanleg þóknun fyrir störf stjórnarliða í þágu búgreina sinna.

Hvetja til að auka námsmöguleika

Þingið samþykkti einnig að stjórn BÍ myndi samstarfshóp með sérfræðingum og fulltrúum allra búgreina kjötframleiðenda um innflutning, útflutning og innanlandsneyslu kjöts með það að markmiði að efla samstöðu kjötframleiðenda um heildstæða markaðssetningu, efla greiningar á áhrifum innflutnings á innlenda framleiðslu og til að fylgjast með hvort íslenskar afurðastöðvar nýti útflutningskvóta á kjöti.

Þá fær Landbúnaðarháskóli Íslands hvatningu frá Búnaðarþingi um að auka námsmöguleika í þeim greinum sem skólinn hefur ekki sérhæfingu. Átt er við greinar eins og alifuglahald, geitfjárrækt, eggjaframleiðslu, minkarækt, svínarækt og sérhæfingu í akuryrkju.
Í samþykktinni segir að nauðsynlegt sé að stuðla að fjölbreyttari þekkingu, hæfni og rannsóknum á íslenskum landbúnaði og efla þurfi samkeppnishæfni og nýsköpun með hækkuðu menntastigi.

Aukið fjármagn í nýliðunarstuðning

Bændasamtökin munu beita sér fyrir auknu fjármagni í nýliðunarstuðning í landbúnaði við næstu endurskoðun búvörusamninga samkvæmt sam- þykktri tillögu þingsins. Tryggja skjal jafnræði í umsóknarferlinu milli búgreina, m.a. með því að endurskoða stigagjöf og forgangsröðun með þarfir viðeigandi búgreina í huga. Þá skulu upplýsingar um skilyrði og stigagjöf nýliðunarstuðnings vera aðgengilegar í upphafi árs.
Félagslegur stuðningur við bændur var ræddur á þinginu og tillaga um viðbrögð félagskerfisins, einkum er snúa að andlegum þáttum, samþykkt. Auka á félagslegan stuðning og fræðslu um áhættuþætti í starfi bænda.

Berjast á fyrir nýju fjármagni til skógræktar, skjólbeltagerð, umhirðu skóga og landgræðslu í komandi búvörusamningum. Einnig á að fara yfir verkferla við söfnun og flutning rúlluplasts, svo og álagningu og ráðstöfun úrvinnslugjalds plastsins.
Þá á að vinna að eflingu loftslags- aðgerða allra búgreina með það að markmiði að landbúnaður losi eins lítið og bindi eins mikið af kolefni og frekast er unnt.

Bændur eru hvattir til að koma upp skjólbeltum á bújörðum sínum samkvæmt samþykktri tillögu. Jafnframt er þar vakin athygli á nauðsyn þess að auka framleiðslu skógarplantna.

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...

Spretthópur skipaður til að bregðast við afkomuvanda bænda
Fréttir 3. júní 2022

Spretthópur skipaður til að bregðast við afkomuvanda bænda

Tilkynnt var um það á vef matvælaráðuneytisins í morgun að Svandís Svavarsdóttir...

Orkuframleiðsla með kolum jókst um 18%
Fréttir 2. júní 2022

Orkuframleiðsla með kolum jókst um 18%

Þrátt fyrir allt tal um að draga verði úr losun koltvísýrings (CO2) þá jókst not...