Vinsamlegast athugið að þetta efni er eldra en 5 ára.
Jón Baldur Lorange, fram­kvæmda­stjóri Búnaðarstofu Matvæla­stofnunar.
Jón Baldur Lorange, fram­kvæmda­stjóri Búnaðarstofu Matvæla­stofnunar.
Mynd / HKr.
Fréttir 26. september 2017

Ríkið greiðir bændum í fyrsta skiptið „landgreiðslur“

Nú í haust geta bændur í fyrsta skipti sótt um svokallaðar landgreiðslur, sem er nýr styrkjaflokkur í nýjum búvörusamningum. 
 
Landgreiðslur eru greiddar út á allt ræktað land sem er uppskorið til fóðuröflunar. Landgreiðslur eru ekki greiddar út á land sem eingöngu er nýtt til beitar og er skilyrði fyrir greiðslum m.a. að til sé viðurkennt túnkort fyrir spildur sem sótt er um framlög fyrir og að spildurnar séu uppskornar á því ári sem framlag er greitt enda liggi fyrir uppskeruskráning í jarðræktarforritinu JÖRÐ. Framlög til landgreiðslna eru 250.153.606 kr. skv. fjárlögum 2017. 
 
Jón Baldur Lorange, fram­kvæmda­stjóri Búnaðarstofu Matvæla­stofnunar, segir innleiðingu þessa nýja styrkjaflokks vera eitt af fjölmörgu sem nýir búvörusamningar, sem tóku gildi um síðustu áramót, fólu í sér og hefur verið áskorun fyrir starfsfólk Matvælastofnunar að bregðast við. 
 
Umsóknarfretsur til 20. október
 
,,Við gerum ráð fyrir að opna fyrir rafrænar umsóknir um landgreiðslur samhliða umsóknum vegna jarðræktarstyrkja á Bændatorginu og að við náum því í næstu viku. Umsóknarfrestur jarðræktarstyrkja hefur verið 10. september undanfarin ár en verður að þessu sinni 20. október. 
 
Skýringin er að í nýjum búvörusamningum er skilyrði fyrir framlögum skil á skýrsluhaldi í jarðrækt þar sem m.a. er gerð krafa um uppskeruskráningu ásamt skráningu á ræktun og að fyrir liggi túnkort af öllu ræktuðu landi umsækjanda.“ Umsækjandi þarf að hafa heimild til nýtingar lands, ef sótt er um stuðning fyrir landi sem ekki er í eigu hans. Ef hún liggur ekki skriflega fyrir er hægt að nálgast staðlað eyðublað hjá Bændasamtökum Íslands.
 
Mikilvægt að ljúka lögbundnu skýrsluhaldi í JÖRÐ
 
Að sögn Jóns Baldurs er þess vegna þýðingarmikið fyrir bændur að vera búnir að ganga frá lögbundnu skýrsluhaldi í jarðrækt í skýrsluhaldsforritið JÖRÐ áður en opnað er fyrir umsóknir á Bændatorginu. 
 
„Ef það hefur ekki verið gert er hvorki hægt að sækja um jarðræktarstyrki né landgreiðslur. Bændur eru flestir komnir með aðgang að JÖRÐ en þeir sem eru ekki þegar með aðgang geta leitað aðstoðar hjá Ráðgjafarmiðstöð landbúnaðarins til að halda utan um skýrsluhaldið. Þeir bændur sem hafa ekki látið teikna túnkort af þeim ræktunarspildum sem þeir hyggjast sækja um styrk vegna, og hafa heimild til að nýta, verða að snúa sér til búnaðarsambanda vegna túnkortagerðar.
 
Framlög vegna jarðræktarstyrkja í fjárlögum 2017 eru 373.611.292 kr. sem er um 150.000.000 króna hækkun frá fyrra ári. Samtals eru styrkir vegna jarðræktar og landgreiðslna því að þessu sinni  623.764.898 krónur sem undirstrikar þær nýju áherslur sem voru lagðar í nýjum búvörusamningum. Á sama tíma felur það í sér meiri ábyrgð í tengslum við stjórnsýsluframkvæmd,“ segir Jón Baldur.
 
Ljóst er að bændum verða ekki greiddar neinar bætur að þessu sinni vegna ágangs gæsa og álfta.
Framkvæmdanefnd búvörusamninga tók ekki ákvörðun um að nýta heimildina áður en frestur rann út þann 20. september.
Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...

Stakkhamar 2 skýst upp á toppinn yfir afurðahæstu kúabúin miðað við meðalnyt
Fréttir 26. janúar 2023

Stakkhamar 2 skýst upp á toppinn yfir afurðahæstu kúabúin miðað við meðalnyt

Stakkhamar 2 í Eyja- og Miklaholtshreppi á Snæfellsnesi hefur skotist á toppinn ...