Vinsamlegast athugið að þetta efni er eldra en 4 ára.
Alþjóðasamtök mjólkurframleiðenda, FIL/IDF, segja um það bil 86% af fóðri búfjár ekki hentugt til manneldis og samanstendur af grasi svo og aukaafurðum sem falla til við ræktun sem annars myndu valda álagi á umhverfið.
Alþjóðasamtök mjólkurframleiðenda, FIL/IDF, segja um það bil 86% af fóðri búfjár ekki hentugt til manneldis og samanstendur af grasi svo og aukaafurðum sem falla til við ræktun sem annars myndu valda álagi á umhverfið.
Fréttir 2. september 2019

Rangt að SÞ leggi áherslu á samdrátt í kjöt- og mjólkurframleiðslu

Höfundur: Hörður Kristjánsson
Fjölþjóðleg loftslagsnefnd Sameinuðu þjóðanna um loftslags­breytingar (Intergovernmental Panel on Climate Change - IPCC) sendi frá sér skýrslu þann 8. ágúst síðastliðinn. Þessi skýrsla hefur verið af mörgum fjölmiðlum túlkuð sem áskorun um að dregið verði úr kjöt- og mjólkurframleiðslu í heiminum. Alþjóðasamtök mjólkurframleiðenda FIL/IDF segir þessa túlkun ekki vera í samræmi við niðurstöður skýrslunnar. 
 
Í yfirlýsingu sem FIL/IDF sendi frá sér kemur fram að í skýrslu IPCC hafi verið til skoðunar áhrif loftslagsbreytinga á sjálfbærni,  landnýtingu og fæðuöryggi. Skýrslan sé í góðu jafnvægi en þar komi fram að athafnir mannsins hafi valdið miklum skaða á landi og mikilla breytinga sé þörf á hvernig hægt sé að nýta land til að draga úr hlýnun jarðar. Síðan segir: 
 
„Til allrar óhamingju hafa fréttir sumra fjölmiðla mistúlkað niðurstöður skýrslunnar og kosið að leggja áherslu á að aðalmótvægið felist í því að draga úr kjöt- og mjólkurneyslu. Það er hins vegar ekki málið.“
IPCC-pallborðið fór ítarlega yfir núverandi vísindaritabókmenntir varðandi landnotkun og hlutverk hennar í fæðuframleiðslu úr jurta- og dýraríkinu. Skýrslan snýst þó ekki um ráðleggingar um mataræði og engin sérstök ráð eru sett fram um að færa mataræði verulega frá matvælum úr dýrum. Matvælaframleiðsla er aðeins eitt af fjölda möguleika sem fjallað er um í skýrslunni.
 
Að auki segir í skýrslunni, „matur úr dýraríkinu, framleiddur með sjálfbærni í huga og með tilliti lítillar losunar gróðurhúsalofttegunda, býður upp á mikil tækifæri til aðlögunar og mótvægis og skapa umtalsverðan ávinning af heilbrigði manna.“ IPCC segir einnig: 
 
„Mismunandi búskapur og vistkerfi geta dregið úr losun vegna búfjárframleiðslu. Það fer eftir búskap, vistkerfi og þróun. Samdráttur í losun vegna afurðaframleiðslu úr dýraríkinu getur leitt til hlutleysis í losun gróðurhúsalofttegunda. 
 
Hin alþjóðlega mjólkur­framleiðsla fagnar aukinni umræðu um hvernig hægt sé að vinna saman með öllum hlutaðeigandi að því að draga úr loftslagsbreytingum.“
 
Þá dregur FIL/IDF saman það sem þeir segja staðreyndir í málinu:
  • Árið 2016 undirritaði mjólkur­iðnaðurinn og FAO fRotterdam-mjólkur­yfir­lýsing­una sem er skuldbinding til að draga enn frekar úr kolefnislosun á hvert kg af próteini sem framleitt er (www.dairydeclaration.org).
  • Heildarframlag mjólkur­framleiðslu, vinnslu og flutninga nemur 2,7% af losun gróðurhúsalofttegunda í heiminum (http://www.fao.org/3/k7930e/k7930e00.pdf).
  • Mjólkurgeirinn dregur verulega úr losun. Skýrsla Matvæla- og landbúnaðarstofnunar Sameinuðu þjóðanna (FAO) sem gerð var á vegum Global Dairy Platform, sýndi að frá 2005–2015 hafi losun frá framleiðslu mjólkur minnkað um 11%.
  • Jórturdýr nota landbúnaðarland og umhverfisauðlindir á skilvirkan hátt. Mjólkurkýr geta nýtt graslendi til beitar sem ekki er hægt að nýta til ræktunar annarra nytja. Til dæmis er meira en 85% lands sem nautgripum er beitt á í Bandaríkjunum ekki hentugt fyrir ræktun. (https://www.ers.usda.gov/data-products/major-land-uses.aspx).
  • Um það bil 86% af fóðri búfjár er ekki hentugt til manneldis og samanstendur af grasi svo og aukaafurðum sem falla til við ræktun sem annars myndu valda álagi á umhverfið. Nautgripir stuðla þannig að alheimsfæðuöryggi þar sem þeir þurfa aðeins 0,6 kg af fóðurpróteini sem annars mætti nota til manneldis til að framleiða 1 kg af dýrapróteini. Það hefur hærra líffræðilegt gildi og gerir það að verkum að nettó framlag til alþjóðlegrar manneldispróteinsframleiðslu verður meira (Mottet o.fl., 2017, 2018; FAO, 2018b).
  • Fyrir jórturdýr keppir aðeins 5% af fóðrinu beint við mannamat (aðallega korn og eitthvað sojabaunamjöl) (Mottet o.fl. 2018).
Árið 2013 hleypti alheims mjólkurgeirinn af stað rammaáætlun um sjálfbærni mjólkurafurða til að gera atvinnugreininni kleift að bæta og sýna fram á (með skýrslu) aðlögun og mótvægisframvinda hafi náðst með fyrir­byggjandi hætti. (www.dairysustainabilityframework.org). 
 
Ársgamall kjúklingur enn í verslunum
Fréttir 16. júlí 2024

Ársgamall kjúklingur enn í verslunum

Þrátt fyrir að meira en ár er liðið frá síðustu sendingu kjúklingakjöts frá Úkra...

Mannelski og sjálfsöruggi gæðingafaðirinn
Fréttir 16. júlí 2024

Mannelski og sjálfsöruggi gæðingafaðirinn

Olil Amble og Bergur Jónsson á Syðri-Gegnishólum hafa náð einstökum árangri í hr...

Ráðuneytið svarar ESA um óvissuatriði
Fréttir 15. júlí 2024

Ráðuneytið svarar ESA um óvissuatriði

Matvælaráðuneytið segir í svari við fyrirspurn ESA, Eftirlitsstofnun EFTA, að sa...

Farsæll áhugaræktandi
Fréttir 15. júlí 2024

Farsæll áhugaræktandi

Þrír synir undan heiðursverðlaunahryssunni Álöfu frá Ketilsstöðum komu fram á La...

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.

Til þess var leikurinn gerður
Fréttir 11. júlí 2024

Til þess var leikurinn gerður

Stjórn Búsældar hefur fyrir sitt leyti samþykkt söluna á Kjarnafæði Norðlenska t...

Skammur aðdragandi að sölunni
Fréttir 11. júlí 2024

Skammur aðdragandi að sölunni

Bræðurnir Eiður og Hreinn Gunnlaugssynir hafa sem áður segir samþykkt kauptilboð...

Kaup Skagfirðinga á Kjarnafæði Norðlenska
Fréttir 11. júlí 2024

Kaup Skagfirðinga á Kjarnafæði Norðlenska

Meginmarkmið kaupa Kaupfélags Skagfirðinga (KS) á Kjarnafæði Norðlenska (KN) er ...