Vinsamlegast athugið að þetta efni er eldra en 7 ára.
Ráðstefna um landbúnað á norðurslóðum
Fréttir 30. ágúst 2016

Ráðstefna um landbúnað á norðurslóðum

Höfundur: Vilmundur Hansen

Níunda ráðstefna Samtaka landbúnaðarins á norðurslóðum verður haldin á Hótel Sögu 6. til 8. október næstkomandi. Samtökin eru óformleg og samanstanda af áhugafólki um landbúnað í löndunum í kringum Norðurpólinn.

Megináherslan á ráðstefnunni er lífhagkerfi norðurslóða og hvernig það tengist landbúnaði.
Áslaug Helgadóttir, prófessor við Landbúnaðarháskóla Íslands, segir að ráðstefnan sé vettvangur fyrir alla sem hafi áhuga á landbúnaði á norðurslóðum og ekki síst bændur til að kynnast nýjum rannsóknum, stefnum og straumum og kynna sín sjónarmið. „Í mínum huga er þetta ekki eingöngu ráðstefna þar sem fræðimenn kynna sínar rannsóknir fyrir öðrum fræðimönnum, heldur samstarfsvettvangur fyrir alla sem hafa áhuga á landbúnaði á norðurslóðum.

Burðarásar ráðstefnanna eru þekkingarstofnanir í landbúnaði í þátttökulöndunum, einkum háskólar og rannsóknastofnanir. Matís er í forsvari fyrir ráðstefnuna að þessu sinni auk þess sem Landbúnaðarháskólinn kemur einnig að henni. Ráðstefnurnar eru einnig skemmtilegur vettvangur fyrir þá sem eru í ráðgjöf tengdri landbúnaði, bændur og þá sem vinna að einhvers konar nýsköpun í landbúnaði.“

Í annað sinn á Íslandi

Samtökin voru formlega stofnuð í Tromsö í Noregi árið 1995 í kjölfar ráðstefnu um landbúnað á norðurslóðum sem var haldin í Yokon í Kanada þremur árum áður. Verkefni félagsskaparins er að halda ráðstefnur þar sem fjallað er um landbúnað á norðurslóðum með fjölbreyttum hætti, svo sem eins og nýjustu þekkingu, hvernig hann er stundaður og fjalla um stefnumörkun hans í löndunum sem eiga fulltrúa innan þeirra.

Samtökin standa fyrir ráðstefnum á þriggja ára fresti og er ráðstefnan í október sú níunda í röðinni og í annað sinn sem hún er haldin hér á landi.

Óformleg mörk

Áslaug segir að löndin sem eru virkust í starfi samtakanna séu Ísland, Noregur, Kanada, Nýfundnaland, auk Alaska og Rússlands. „Mörkin sem miðað er við þegar er talað um norðurslóðir er heimskautabaugurinn en við og Nýfundnaland erum til dæmis fyrir sunnan hann þannig að mörkin eru ekki alveg skýr. Formlega séð eru hluti af Finnlandi og Svíþjóð á norðurslóðum en þau lönd hafa ekki verið virk innan samtakanna.“

Lífhagkerfi norðurslóða

Áherslan á ráðstefnunni að þessu sinni er lífhagkerfi norðurslóða og hvernig það tengist landbúnaði. „Við komum því til með að leggja áherslu á matvælaframleiðslu á norðurslóðum og nýsköpun á þeim vettvangi.

Nánari upplýsingar um ráðstefnuna má nálgast hér

Listeríusýkingar vaxandi vandamál
Fréttir 27. maí 2024

Listeríusýkingar vaxandi vandamál

Tíðni listeríusýkinga í Evrópu fer vaxandi og samkvæmt greiningum á fyrstu þremu...

Göngustígar hjá Geysi
Fréttir 27. maí 2024

Göngustígar hjá Geysi

Framkvæmdir við nýtt gönguleiðakerfi á Geysissvæðinu í Haukadal í Bláskógabyggð ...

Minnsta framleiðsla í ríflega sextíu ár
Fréttir 27. maí 2024

Minnsta framleiðsla í ríflega sextíu ár

Alþjóðlegu vínsamtökin International Organisation of Vine and Wine (OIV) segja í...

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...