Vinsamlegast athugið að þetta efni er eldra en 10 ára.
Nýtt skýrsluhaldskerfi fyrir geitur
Fréttir 13. maí 2016

Nýtt skýrsluhaldskerfi fyrir geitur

Höfundur: Vilmundur Hansen

Nýtt rafrænt skýrsluhaldskerfi fyrir geitfé verður tekið í notkun fljótlega hjá Bændasamtökum Íslands. Gagnagrunnurinn, sem kallast Heiðrún,  byggir á skýrsluhaldskerfi fyrir sauðfé og kallast Fjárvís.

Birna Kristín Baldursdóttir, umsjónarmaður Erfðalindaseturs Landbúnaðarháskóla Íslands, segir að gagnagrunnurinn, sem kallast Heiðrún, tengist Fjárvís sem er skýrsluhaldskerfi fyrir sauðfé. Verkefnið er samstarfsverkefni Tölvudeildar BÍ, Erfðalindaseturs LbhÍ, Geitfjárræktarfélags Íslands, RML og var styrkt af Framleiðnisjóði landbúnaðarins. „Það er búið að forrita grunninn og sem stendur er verið að villuprófa grunninn og geri ég ráð fyrir að hann verði kominn í notkun í lok þessa mánaðar.“

Geta fært inn vorbækur

Að sögn Birnu geta geitfjárræktendur á landinu fljótlega farið að færa vorbækur sínar inn í kerfið og farið að nota það. „Hingað til hafa geitfjárskýrslur verið handskrifaðar en með tilkomu Heiðrúnar verður skýrsluhaldið rafrænt og um leið fljótlegra að skrá inn upplýsingarnar. Á sama tíma verður aðgengi að öllum upplýsingum mun auðveldara. Í grunninum verður hægt að finna upplýsingar um ættir íslenskra geita, burð, frjósemi, liti og kaup og sölu gripa svo dæmi séu nefnd. Grunnurinn nýtist því vel þegar kemur að ræktun geitfjár og til að hægt sé að fylgjast betur með skyldleikarækt innan stofnsins.“

Geitfjárræktendur á landinu er um 110 og geitur um eitt þúsund og fjöldi þeirra hefur tvöfaldast á tæpum áratug.

Verið að skrá inn eldri skýrslur

Birna segir að byrjað sé að skrá inn eldri handskrifaðar geitfjárskýrslur í skýrsluhaldsgrunninn en að héðan í frá geti geitfjárbændur sótt um stofnskráningu og skráð inn upplýsingar sjálfir.

„Skráningar af þessu tagi eru gríðarlega mikilvægar fyrir geitfjárrækt í landinu og gerir okkur mögulegt að fylgjast enn betur með stofninum en hingað til, ekki síst þegar kemur að ræktun og viðhaldi stofnsins, auk þess sem það er  gott tæki til að vinna gegn hinni miklu skyldleikarækt sem hefur verið að aukast undanfarna áratugi.“

Námskeið í notkun Heiðrúnar

Boðið verður upp á námskeið í notkun skýrsluhaldsgrunnsins og eru geitfjárræktendur hvattir til að nýta sér það. Nánari upplýsingar veitir Birna Kristín Baldursdóttir í síma 4335011 eða birna@lbhi.is.

Þjónusta Microsoft liggur niðri
Fréttir 13. nóvember 2026

Þjónusta Microsoft liggur niðri

Vegna vandræða í kerfum Microsoft liggur tölvupóstur Bændablaðsins tímabundið ni...

Matarmót Austurlands á laugardaginn
Fréttir 12. nóvember 2026

Matarmót Austurlands á laugardaginn

Matarmót Austurlands verður haldið í sjötta sinn í Sláturhúsinu á Egilsstöðum la...

Miðdalur fyrirmyndarbú
Fréttir 11. nóvember 2026

Miðdalur fyrirmyndarbú

Ábúendur í Miðdal í Kjósarhreppi fengu viðurkenningu sem fyrirmyndarbú deildar n...

Grænbók um landgræðslu og skógrækt í Samráðsgátt
Fréttir 11. nóvember 2026

Grænbók um landgræðslu og skógrækt í Samráðsgátt

Grænbók um landsáætlun í landgræðslu og skógrækt var nýlega sett í Samráðsgátt s...

Blásið til sóknar í lífrænum landbúnaði
Fréttir 10. nóvember 2026

Blásið til sóknar í lífrænum landbúnaði

Fagráð í lífrænum landbúnaði stendur fyrir málþinginu „Tíföldum lífræna framleið...

Fleiri fluttu til en frá öllum sveitarfélögum Vesturlands
Fréttir 10. nóvember 2026

Fleiri fluttu til en frá öllum sveitarfélögum Vesturlands

Búferlaflutningar hafa verið hagfelldir á Vesturlandi undan-arin fimm ár. Fleiri...

Heildarlög um loftslagsmál
Fréttir 10. nóvember 2026

Heildarlög um loftslagsmál

Jóhann Páll Jóhannsson umhverfis-, orku- og loftslags- ráðherra mælti fyrir frum...

Aðgerðir til verndar líffræðilegri fjölbreytni
Fréttir 10. nóvember 2026

Aðgerðir til verndar líffræðilegri fjölbreytni

Út er komin aðgerðaáætlun um líffræðilega fjölbreytni. Meðal forgangsaðgerða er ...

https://bestun.airserve.net/banner_bundles/de3e87e0d8dde67f98882b3ac12f8b2f