Vinsamlegast athugið að þetta efni er eldra en 3 ára.
Mögulega slakað á skilyrðum um innflutning á heyi til Noregs
Mynd / ÁÞ
Fréttir 8. ágúst 2018

Mögulega slakað á skilyrðum um innflutning á heyi til Noregs

Höfundur: Tjörvi Bjarnason

Töluverð umræða hefur verið um það meðal bænda og í fréttum að Matvælastofnun (Mast) geri strangari kröfur til útflutnings á heyi en Norðmenn gera til innflutnings. Samkvæmt upplýsingum frá Matvælastofnun setur stofnunin engar reglur um útflutning á heyi og engin skilyrði til slíks útflutnings.

Hjalti Andrason, fræðslustjóri Mast, segir að öll skilyrði séu sett af innflutningslandi eins og er almennt með heilbrigðisvottorð, í þessu tilviki af norskum stjórnvöldum.

„Norsk stjórnvöld krefjast heilbrigðisvottorðs sem gefið er út af Matvælastofnun og stjórna þau innihaldi vottorðsins,“ segir Hjalti.

Í vottorðinu þarf að staðfesta eftirfarandi að kröfu Norðmanna: „The hay/straw product(s) described above has(ve) been harvested from a region where there are no restrictions due to contagious animal disease.“ Á íslensku útleggst það sem: „Heyið sem lýst er að ofan er slegið á svæði þar sem eru engar kvaðir vegna smitandi dýrasjúkdóma“.

Af þessari ástæðu getur Matvælastofnun ekki skrifað undir heilbrigðisvottorð fyrir hey úr varnarhólfum þar sem riða hefur greinst á síðustu 20 árum. Á þeim svæðum ríkja höft vegna smitsjúkdóma í dýrum.

„Það er rétt að taka fram að þessar kröfur lágu ekki fyrir fyrr en í lok júlí. Það verður þar af leiðandi ekki séð að tafir á útflutningi séu af völdum Matvælastofnunar en útgáfa heilbrigðisvottorða samkvæmt skilyrðum Norðmanna hófst í byrjun ágúst,“ segir Hjalti.

Unnið að breytingum

Bændablaðið hefur heimildir fyrir því að þrýstingur sé á norsku matvælastofnunina, Mattilsynet, að breyta orðalagi í heilbrigðisvottorði á þá vegu að í stað þess að banna innflutning frá ákveðnum svæðum á Íslandi verði einstaka bæir skilgreindir sérstaklega þar sem bannað er að kaupa hey. Þá gildi reglan um að minnst 10 ár séu frá því að riða eða garnaveiki greindist á bænum.

Hjalti Andrason staðfestir, í samtali við Bændablaðið, að Norðmenn séu nú að endurskoða þetta ákvæði á vottorðinu að beiðni Matvælastofnunar en á meðan krafan stendur óbreytt af þeirra hálfu þá getur Matvælastofnun ekki gefið út heilbrigðisvottorð fyrir útflutningi á heyi frá sýktum varnarhólfum til Noregs.  

Skylt efni: heyskapur | heysala | Noregur

Stjórnlaus skógareyðing
Fréttir 17. janúar 2022

Stjórnlaus skógareyðing

Þrátt fyrir allt tal stjórnvalda í Brasilíu um verndun skóga sýna loftmyndir að ...

Viðurkennd verndandi arfgerð gegn riðu finnst í sex einstaklingum
Fréttir 17. janúar 2022

Viðurkennd verndandi arfgerð gegn riðu finnst í sex einstaklingum

Sex einstaklingar fundust fyrir skemmstu með tiltekna verndandi arfgerð (ARR) ge...

Vegagerðin greiðir 70% kostnaðar
Fréttir 17. janúar 2022

Vegagerðin greiðir 70% kostnaðar

Skrifað hefur verið undir samkomulag milli Svalbarðsstrandarhrepps og Vegagerðar...

Frægasta jólafuran kom úr Laugalandsskógi
Fréttir 17. janúar 2022

Frægasta jólafuran kom úr Laugalandsskógi

Feðgarnir Bradley og Barney Walsh voru meðal þeirra fjöl­mörgu sem heimsóttu Lau...

Gæti orðið mikilvægt framlag í orkuskiptum samgangna á Íslandi
Fréttir 14. janúar 2022

Gæti orðið mikilvægt framlag í orkuskiptum samgangna á Íslandi

Greint var frá því í Bændablaðinu fyrir jól að áform væru um að reisa áburðarver...

Verkmenntun í garðyrkju á tímamótum
Fréttir 14. janúar 2022

Verkmenntun í garðyrkju á tímamótum

Framtíðarstaða garðyrkjunáms á Reykjum er enn óljós og hægt gengur með yfirfærsl...

Fimm íslensk náttúruverndarsvæði tilnefnd til evrópskra verndarsvæða
Fréttir 14. janúar 2022

Fimm íslensk náttúruverndarsvæði tilnefnd til evrópskra verndarsvæða

Ísland hefur tilnefnt fimm íslensk náttúruverndarsvæði sem hluta af neti verndar...

Fyrsti vetnisknúni trukkurinn til að keppa í Dakar-rallinu verður Gaussin
Fréttir 13. janúar 2022

Fyrsti vetnisknúni trukkurinn til að keppa í Dakar-rallinu verður Gaussin

Franski vinnuvéla­fram­leið­andinn Gaussin afhjúpaði í nóvember síðastliðnum H2 ...