Könnun á meðal sauðfjárbænda
Höfundur: Erla Hjördís Gunnarsdóttir
Atvinnuvega- og nýsköpunarráðuneytið hefur fengið rannsóknarfyrirtækið Maskínu til að framkvæma könnun á meðal sauðfjárbænda. Hún fjallar um viðhorf sauðfjárbænda til innri og ytri aðstæðna í greininni, framtíðarhorfur og viðhorf til umhverfis og loftslagsmála.
Könnunin er liður af aðgerðaráætlun til eflingar íslensks landbúnaðar sem sjávarútvegs- og landbúnaðarráðherra kynnti í febrúar og snýr að sértækri vinnu vegna sauðfjárræktarinnar. Niðurstöður könnunarinnar munu gefa greinargott yfirlit yfir stöðu greinarinnar og nýtast m.a. við stefnumótun tengt endurskoðun sauðfjársamnings. Haft verður samband við þátttakendur í könnuninni með símtölum og tölvupósti. Sauðfjárbændur eru hvattir til þátttöku.
