Vinsamlegast athugið að þetta efni er eldra en 5 ára.
Eiður Gunnlaugsson, stjórnarformaður Kjarnafæðis. Myndir / MÞÞ
Eiður Gunnlaugsson, stjórnarformaður Kjarnafæðis. Myndir / MÞÞ
Fréttir 23. ágúst 2018

Kjarnafæði og Norðlenska hefja viðræður um samruna

Höfundur: Margrét Þ. Þórsdóttir

Tvö af stærstu matvæla­fram­leiðslu­fyrirtækjum á Norðurlandi, Norð­lenska og Kjarnafæði hafa komist að samkomulagi um að hefja viðræður um samruna félag­anna. Viðræður eru með fyrirvara um gerð áreiðan­leika­k­annana, samþykki Sam­keppnis­­eftirlits og samþykki hluthafafundar Bú­sældar, eigenda Norðlenska.

Betur í stakk búin sameinuð

Eigendur félaganna tveggja, Kjarnafæðis og Norðlenska, meta stöðuna á þann veg að sameinað félag sé betur í stakk búið að veita viðskiptavinum sínum og birgjum, ekki síst bændum, gæðaþjónustu á góðu verði. Verði af fyrirhuguðum samruna verður til öflugt félag í íslenskri matvælaframleiðslu sem að baki sér hafi sterk og vel þekkt vörumerki. Um 320 ársverk eru unnin hjá félögunum tveimur, m.a. á Akureyri, Svalbarðseyri, Húsavík og Höfn í Hornafirði.

Um 190 starfsmenn hjá Norð­lenska og um 130 hjá Kjarnafæði

Norðlenska varð til alda­móta­­árið 2000 með samruna Kjö­tiðnaðar­stöðvar KEA og Kjötiðunnar Húsavík og bætti við sig ári síðar þremur kjötvinnslum Goða. Eigandi Norðlenska er Búsæld, félag kjötframleiðenda í Eyjafirði, Þingeyjarsýslum og á Austur- og Suðausturlandi, en að baki Búsældar standa um 500 bændur á þessum svæðum. Um 190 ársverk eru unnin hjá félaginu. Stórgripasláturhús og kjötvinnsla er á Akureyri, á Húsavík fer fram sauðfjárslátrun og kjötvinnsla fyrir sauðfjárafurðir og þá er rekið sláturhús á Höfn í Hornafirði auk þess sem söluskrifstofa er starfrækt í Reykjavík. 

Hjá Kjarnafæði starfa um 130 manns og eru höfuðstöðvar þess á Svalbarðseyri þar sem starfsemi þess fer að mestu fram. Til viðbótar á Kjarnafæði SAH-Afurðir á Blönduósi, tók við rekstri þess árið 2016, en hann hafði þá verið fyrri eigendum sínum þungur í skauti um árabil. Kjarnafæði hafði frá árinu 2005 átt liðlega þriðjungshlut í SAH-Afurðum á Blönduósi. Kjarnafæði á einnig 34% hlut í Sláturfélagi Vopnfirðinga þar sem rekið er sauðfjársláturhús.

Erfitt rekstrarumhverfi

Fimm sláturleyfishafar á norðanverðu landinu, Kjarnafæði, SAH-Afurðir, Norðlenska, Fjallalamb og Sláturfélag Vopnafjarðar, sem Kjarnafæði á ríflega 30% hlut í hafa tapað umtalsverðum fjármunum undangengin ár, samanlagt tap þeirra nam á bilinu 800 til 900 milljónir króna, að því er fram kom hjá Eiði Gunnlaugssyni í Bændablaðinu í ágúst í fyrra. 

„Það segir sig sjálft að þetta gengur ekki lengur, það verður að taka á málinu fyrr en seinna,“ sagði Eiður á þeim tíma.

Rekstrarumhverfi kjötafurða­stöðva hefur verið erfitt síðustu ár líkt og fjallað hefur verið um í Bændablaðinu og kemur skýrt fram í nýútkominni úttekt á afurðastöðvum sem KPMG vann fyrir atvinnuvega- og nýsköpunar­ráðuneytið.

Ítrekað hefur komið fram í máli stjórnenda beggja félaganna að staðan sé afar þröng hjá fyrirtækjum sem sækja tekjur sínar eingöngu, eða að stórum hluta, í sölu á innlendum kjöt­vörum. 

Með þekkt vörumerki innanborðs

Verði samruninn að veruleika verður sameinað fyrirtæki með sterka flóru vörumerkja á innlendum markaði fyrir kjötafurðir.

Ágúst Torfi Hauksson, framkvæmdastjóri Norðlenska. Myndir / MÞÞ.

Helstu vörumerki Norðlenska eru Norðlenska, Goði, Húsavíkur­hangikjöt, KEA og Bautabúrið og helsta vörumerki Kjarnafæðis er Kjarnafæði. 

Bæta má orkunýtingu í landbúnaði talsvert
Fréttir 8. desember 2023

Bæta má orkunýtingu í landbúnaði talsvert

Unnt er að spara allt að 1.500 GWst árlega á Íslandi og þar af um 43 GWst í land...

Opnunarhóf í Miðskógi
Fréttir 8. desember 2023

Opnunarhóf í Miðskógi

Byggingu nýs kjúklingahúss í Dölunum er lokið og verður tekið í notkun 1. desemb...

Skilgreina opinbera grunnþjónustu
Fréttir 8. desember 2023

Skilgreina opinbera grunnþjónustu

Unnin hafa verið drög að skilgreiningu á opinberri grunnþjónustu, ásamt greinarg...

Innleiða þarf vistkerfisnálgun
Fréttir 7. desember 2023

Innleiða þarf vistkerfisnálgun

Tímabært þykir að innleiða vistkerfisnálgun á Íslandi með skipulögðum hætti. Fræ...

Verðmætasköpun eykst og mikil sala
Fréttir 7. desember 2023

Verðmætasköpun eykst og mikil sala

Æðarræktarfélag Íslands (ÆÍ) hélt aðalfund að Keldnaholti 18. nóvember. Alls mæt...

Tilraun til að bjarga færeyska hrossakyninu
Fréttir 6. desember 2023

Tilraun til að bjarga færeyska hrossakyninu

Færeyska hestakynið er í útrýmingarhættu en í dag eru til 89 færeysk hross og af...

Nýr stjórnarformaður
Fréttir 6. desember 2023

Nýr stjórnarformaður

Daði Guðjónsson er nýr stjórnarformaður markaðsstofunnar Icelandic Lamb, sem fer...

Margir fengu vel í soðið
Fréttir 6. desember 2023

Margir fengu vel í soðið

Útlit er fyrir að rjúpnaveiði hafi í ár verið allt að 20% meiri en í fyrra. Meða...