Hundahúfa
Besti vinur mannsins, hundurinn, er á mörgum heimilum.
Sérstaklega þykir barnabörnunum mínum gaman að koma í heimsókn og leika sér við Sindra, labradorinn okkar.
Þess vegna þótti okkur alveg tilvalið að prjóna svona hundahúfu handa henni Hrafnhildi en hún á boxer sem heiti Mia og myndin á húfunni líkist mest þeirri tegund.
Gaman væri ef einhver ætti munstur af fleiri hundategundum og vildi leyfa okkur að nota það.
Stærð: s-m/l-xl.
Prjónar nr. 4.
Efni : Sport garn svart og hvítt fæst á www.garn.is og í Bjarkarhóli á Nýbýlavegi.
1 dokka af hvorum lit.
Prjónfesta: 10x10 sm gera 23 L og 29 umferðir.
Aðferð: Húfan er prjónuð í hring, í síðustu 3 umferðunum, sem eru svartar, eru teknar saman 2 og 2 lykkjur í seinni 2 umferðunum og síðan bandið dregið í gegnum síðustu lykkjurnar og gengið vel frá því.
Gerður dúskur úr hvítu og svörtu garni og festur vel á.
Húfa:
Fitjið upp 100-110-120 l og prjónið stroff 2 sl 2 br 3-4 umferðir.
Prjónið því næst eftir munstrinu gætið þess að sums staðar í myndinni eru langir þræðir á bak við, gætið þess að festa þá.
Þegar munstrinu lýkur er tekið úr samkvæmt aðferðarlýsingunni.
Gengið frá endum og húfan þvegin.
Passa að skola vel þegar svart og hvítt er þvegið saman í fyrsta sinn, gott að setja smá borðedik í síðasta skolvatnið.
Lögð slétt til þerris.
