Vinsamlegast athugið að þetta efni er eldra en 8 ára.
Líf hefur aftur færst í fjósið á Refsstöðum.
Líf hefur aftur færst í fjósið á Refsstöðum.
Mynd / smh
Fréttir 20. febrúar 2015

Fjósið á Refsstöðum aftur í notkun - Myndskeið

Höfundur: smh

Í desember á síðasta ári fengu hjónin Brynjar Bergsson og Anna Lísa Hilmarsdóttir afhent fjósið á Refsstöðum í Hálsasveit Borgarfjarðar, sem þau höfðu þá fest kaup á. Nú í febrúar var þar byrjað að mjólka.

Fjósið rúmar130 kýr og hafði þetta stóra fjós staðið ónotað frá 2010 en það var tekið í notkun árið 2008.

 

„Þetta lítur bara vel út allt saman núna. Þegar við tókum við fjósinu innréttuðum við allt upp á nýtt, enda var það galtómt. Við útbjuggum flokkunarhlið og smíðuðum eitt og annað sjálf, eins og til dæmis kjarnfóðurbása, segir Brynjar en þau Anna Lísa búa sjálf á Sleggjulæk í Stafholtstungum – í um 20 km fjarlægt frá Refsstöðum og voru þar með lítið básafjós.

„Ég heyjaði hér í fyrra og þá kviknaði þessi hugmynd,“ segir Brynjar. „Við hófum búskap á Sleggjulæk árið 2012, með 20 mjólkandi kýr og fjölguðum svo smám saman og lítillega í 34 kýr.“

Ætlum að framleiða að lágmarki 800 þúsund lítra

„Við lögðumst svo fljótlega yfir það að koma saman viðskiptaáætlun fyrir kaupunum á þessu fjósi og innréttingum – og það hefur svo allt gengið eftir varðandi fjármögnunina. Það munar miklu að taka við slíku fjósi umfram það að byggja nýtt frá grunni. Við byrjuðum að innrétta í desember síðastliðnum og erum svo farin að mjólka nú í febrúar. Það að byggja fjós tekur að lágmarki eitt og hálft ár – og framkvæmdartíminn getur verið erfiður. Það hefði verið galið að sleppa svo góðu tækifæri,“ segir Brynjar.

Þegar blaðamaður heimsótti Refsstaði um miðjan febrúar, var þar einn mjaltarþjónn, en að sögn Brynjars munu þeir verða tveir innan tíðar. Þá hafa þau keypt flórsköfuþjark með vatnsúðakerfi og legubásadýnur og er útlit fyrir að fjósið muni allt verða hið prýðilegasta í nánustu framtíð. 

„Stefnan er að vera með um 120 mjólkandi kýr, en núna erum við komin með 40. Vonandi líður ekki á löngu þar til við verðum farin að fullnýta húsið. Þetta er farið að virka vel hjá okkur núna þannig að við getum farið á fullt í það núna að ganga frá lausum endum og fylla fjósið. Við munum kaupa kýr af ýmsum þeim sem eru aflögufærir. Þegar við verðum komið í fulla framleiðslu ætlum við að framleiða um 800 þúsund lítra á ári, eða ekki undir því. Núna erum við með rúma 100 þúsund lítra kvóta,“ segir Brynjar.

5 myndir:

Skylt efni: Fjós | Refsstaðir

Tilraun til að bjarga færeyska hrossakyninu
Fréttir 6. desember 2023

Tilraun til að bjarga færeyska hrossakyninu

Færeyska hestakynið er í útrýmingarhættu en í dag eru til 89 færeysk hross og af...

Nýr stjórnarformaður
Fréttir 6. desember 2023

Nýr stjórnarformaður

Daði Guðjónsson er nýr stjórnarformaður markaðsstofunnar Icelandic Lamb, sem fer...

Margir fengu vel í soðið
Fréttir 6. desember 2023

Margir fengu vel í soðið

Útlit er fyrir að rjúpnaveiði hafi í ár verið allt að 20% meiri en í fyrra. Meða...

Sala á 3.357 ærgildum
Fréttir 5. desember 2023

Sala á 3.357 ærgildum

Á innlausnarmarkaði með greiðslumark í sauðfé, sem haldinn var 15. nóvember, bár...

Sæðingar verða niðurgreiddar
Fréttir 5. desember 2023

Sæðingar verða niðurgreiddar

Sæðingar verða niðurgreiddar til að innleiða verndandi arfgerðir gegn riðu.

Íslenskir verðlaunahestar í útlöndum
Fréttir 4. desember 2023

Íslenskir verðlaunahestar í útlöndum

Sjö stóðhestar, fæddir á Íslandi en staðsettir erlendis, uppfylltu viðurkenningu...

Aðgerðaráætlun í loftslagsmálum
Fréttir 4. desember 2023

Aðgerðaráætlun í loftslagsmálum

Bændasamtök Íslands senda frá sér í næstu viku aðgerðaráætlun með umfjöllun um a...

Heitt vatn finnst á Ströndum
Fréttir 1. desember 2023

Heitt vatn finnst á Ströndum

Heitt vatn fannst nýlega við borun á Drangsnesi á Ströndum.