Vinsamlegast athugið að þetta efni er eldra en 4 ára.
Fendt E100 Vario vélin sem sögð er koma á markað á næsta ári verður með 22 kílówatta rafmótor, eða sem svarar 65 hestafla vél.
Fendt E100 Vario vélin sem sögð er koma á markað á næsta ári verður með 22 kílówatta rafmótor, eða sem svarar 65 hestafla vél.
Fréttir 3. október 2017

Fendt boðar komu 68 hestafla rafmagnsdráttarvélar 2018

Höfundur: Hörður Kristjánsson
Flestir dráttarvélaframleiðendur í heiminum hafa talið mjög óraunhæft að bjóða upp á vélar sem knúnar væru rafmagni frá rafhlöðum. Ástæðan er þungi rafhlaðanna og léleg ending og þar með knappur vinnslutími. Eigi að síður hyggst Fendt setja á markað fyrstu fjöldaframleiddu rafmagnsdráttarvélina á næsta ári. 
 
Víst er að stórar og öflugar rafknúnar rafhlöðudráttarvélar eru ekki að fara að líta dagsins ljós á næstu misserum. Fendt E100 Vario vélin sem nú er verið a kynna til sögunnar er einungis með 400 volta og 22 kílówatta mótor sem samsvarar 68 hestöflum, að því er fram kemur á vefsíðu Bedre gardsdrift. Rafhlöðurnar eru 650 volta lithium batterí og  100 kílówattstundir (kWh). Endingartími raforkunnar við eðlilega notkun er uppgefinn 4 klukkustundir. Raunhæfur vinnslutími miðað við rafbíla gæti þá trúlega verið nálægt þrem klukkustundum.
 
Allir dráttarvélaframleiðendur hafa með einhverjum hætti stokkið á vinsældavagn vistvænleikans. Hafa þeir keppst við að setja fram sýningareintök af alls konar gripum til að koma sér í vinsældaröðina. Útspil Fendt virðist ekki vera nein undantekning, nema að sagt er að vélin verði komin í fjöldaframleiðslu á næsta ári. Verður dráttarvélin til sýnis á stóru landbúnaðarsýningunni Agritechnica í Hanover í haust. 
 
Fendt stefnir á 20.000 véla framleiðslu
 
Fendt, sem er hluti af AGCO samsteypunni, framleiðir líka Massey Fergusson, Valtra og Challengerer. Fent er þar enginn aukvisi og stefnir hátt með sínar 500 og 700 seríur með GPS og Isobus og jafnvel fjarstýrðar vélar úr 300 seríunni. Á árinu 2016 voru framleiddar 13.667 Fendt dráttarvélar og búist er við að fram­leiðslan nái 15.000 vélum á þessu ári. Nú stefnir Fendt á að ná 20.000 véla markinu á árinu 2020.
Þá hefur Fendt líka verið að kynna vélar af stærri gerðinni í 1000 seríunni, þ.e. Fendt  1038, 1040, 1046 og 1050 Vario. Þetta eru engar smá rellur og með 500 hestafla 6 sílindra, 12,4 lítra Man dísilmótorum. Að eigin þyngd eru þessar vélar hvorki meira né minna en 14 tonn.
 
Það er dálítið örðuvísi um að litast undir húddinu á rafmagnsdráttarvélum en hefðbundnum dísilknúnum vélum. 
 
Ýmsar hugmyndir í gangi
 
Aðrir dráttarvélaframleiðendur hafa m.a. kynnt sparneytnari mótora og tvinnvélar með rafmótorum sem knúnir eru af ljósavél. New Holland kynnti í fyrra fyrstu vetnisknúnu dráttarvélina, New Holland, en hafði áður komið fram með metangasknúna vél sem talin  er mun raunhæfari kostur, ekki síst á bæjum sem eru sjálfir að framleiða gas. Vélin er nánast sem T 6 dísilvélin, en með gasknúnum mótor sem framleiddur er  af FPT International, systurfyrirtæki New Holland. Búið er að gera nokkrar slíkar prufuvélar á síðustu þrem árum og þrautreyna þær við erfiðar aðstæður undir miklu álagi. Fullyrt var að þessi vél næði um 20% sparnaði í eldsneytiskostnaði miðað við sambærilega dísilknúna T6 vél. Nú kynnir New Holland endurbætta vél sem nær enn meiri sparnaði. Þá er ekki síður horft á minni loftmengun og er hún sögð vera 80% minni en í dísilknúnu dráttarvélunum. 
 
Sama má segja um nýju Fendt rafmagnsdráttarvélina. Mörg þýsk bú framleiða gas úr mykju og korni og nota það síðan til að framleiða raforku inn á orkukerfið sem líka mætti nýta við hleðslu á rafgeymum.  
 
Deutz í Þýskalandi lætur allt tal um rafknúnar dráttarvélar sem vind um eyru þjóta og þar á bæ segjast menn einfaldlega vera að horfa raunsæjum augum á málið. Enn sem komið er séu stórar rafknúnar dráttarvélar sem geymi orkuna í rafhlöðum einfaldlega hvorki hagkvæmur né  raunhæfur kostur.
Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...