Vinsamlegast athugið að þetta efni er eldra en 3 ára.
Bíll smáframleiðenda á Norðurlandi vestra. Alls taka þrettán framleiðendur þátt í verkefninu og bjóða varning sinn til sölu í bílnum sem er á ferðinni frá Borðeyri og að Ketilási í Fljótum.
Bíll smáframleiðenda á Norðurlandi vestra. Alls taka þrettán framleiðendur þátt í verkefninu og bjóða varning sinn til sölu í bílnum sem er á ferðinni frá Borðeyri og að Ketilási í Fljótum.
Mynd / Aðsent
Fréttir 10. ágúst 2020

Ekið um með gæðavarning

Höfundur: Margrét Þóra Þórsdóttir
„Það hefur gengið alveg glimrandi vel, viðtökur hvarvetna mjög góðar og við fáum hrós fyrir þetta framtak,“ segir Þór­hildur M. Jónsdóttir, verkefna­stjóri hjá Vörusmiðju BioPol á Skaga­strönd, en hún stýrir verkefninu Framleiðendur á ferðinni sem nú stendur y­fir. 
 
Verkefnið fékk styrk úr Sóknar­áætlun Samtaka sveitarfélaga á Norðurlandi vestra. Ákveðið var í kjölfar kórónuveirufaraldurs á liðnum vetri að styrkja aukalega nokkur verkefni í héraði til að fá hjólin til að snúast hraðar og var verkefnið Smáframleiðendur á ferðinni eitt þeirra sem hlutu styrk.
 
Þórhildur M. Jónsdóttir.
Alls taka þrettán smáfram­leið­endur í landshlutanum þátt í verkefninu í samstarfi við Vörusmiðju BioPol, sem hefur yfir að ráða vottuðu vinnslurými sem margir úr hópi framleiðendanna nýta sér til að útbúa sína vöru. Í boði í bílnum er fjölbreytt gæðavara, grænmeti, blóm, bætiefni, krem og kjöt, blóm og garn svo dæmi séu tekin. Smáframleiðendurnir eru Breiðar­gerði, Gandur, Garð­yrkju­­stöðin Laugamýri, Grill­lausnir Kambakoti, Gróðurhúsið Starra­stöðum, Hraun á Skaga, Kaldakinn ll, Kjötvinnslan Birkihlíð, Pure Natura, Rúnalist, Skrúðvangur og Sölvanes. „Allir þessir framleiðendur vinna með sína frumframleiðslu og hráefni úr heimabyggð. Þeir hafa að leiðarljósi fullnýtingu hráefnis til að skapa gæðavöru,“ segir Þórhildur.
 
Frá Borðeyri að Ketilási
 
Þórhildur segir að verkefnið standi yfir í tvo mánuði, júlí og ágúst, og er fyrirkomulagið þannig að ekið er á milli staða í héraðinu aðra hvora viku. Hver ferð tekur fimm daga, hefst á mánudegi og lýkur á föstudegi, og er staldrað við á tveimur stöðum á hverjum degi, í þrjá tíma í senn. Eftir vikuna hefur bíll því haft viðkomu á tíu stöðum í fjórðungnum, frá Borðeyri í vestri til Ketiláss í Fljótum í austri. Leiðarkerfið er hægt að skoða inni á heimasíðu Vörusmiðjunnar. 
 
„Þetta er mjög mikilvæg leið fyrir þá framleiðendur sem taka þátt til að koma vöru sinni á framfæri, koma framleiðslunni á kortið og gera hana sýnilega. Þetta gerir einnig að verkum að aðgengi að vörunum verður auðveldara og betra en áður. Við erum á ferðinni og komum með vörurnar til fólksins og þannig skapast tengsl á milli framleiðenda og viðskiptavina,“ segir Þórhildur. 
 
 
Grundvöllur fyrir framhaldi?
 
Hún segir að viðbrögð hafi farið fram úr björtustu vonum, fólk kunni svo sannarlega að meta það að fá bíl fullan af alls kyns kræsingum nánast heim á hlað til sín. „Við fengum þennan styrk núna til að halda verkefninu úti í tvo mánuði. Að þeim loknum munum við fara yfir málið, gera tímabilið upp og meta stöðuna. Líklega verður skoðað hvort grundvöllur er fyrir framhaldi, það er ómögulegt að segja fyrir um það núna hvort framhald verði á en hægt að fullyrða að þetta hefur gefið góða raun,“ segir Þórhildur. 
Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...