Vinsamlegast athugið að þetta efni er eldra en 4 ára.
Birna Lárusdóttir stýrir uppgreftrinum í Ólafsdal og er hér liggjandi fyrir miðju með teymi sínu. Frá vinstri eru þau Lísbet Guðmundsdóttir, Hulda Björk Guðmundsdóttir, Howell Magnus Roberts, Birna Lárusdóttir, Stefán Ólafsson og Hólmfríður Sveinsdóttir.
Birna Lárusdóttir stýrir uppgreftrinum í Ólafsdal og er hér liggjandi fyrir miðju með teymi sínu. Frá vinstri eru þau Lísbet Guðmundsdóttir, Hulda Björk Guðmundsdóttir, Howell Magnus Roberts, Birna Lárusdóttir, Stefán Ólafsson og Hólmfríður Sveinsdóttir.
Mynd / Fornleifarannsóknir í Ólafsdal
Fréttir 16. júlí 2018

Eitt besta dæmið um vel varðveitt menningarlandslag á Íslandi

Höfundur: smh
Fornleifauppgröftur hófst fyrir skemmstu innarlega í Ólafsdal í Gilsfirði, þar sem rannsaka á skála frá 9. eða 10. öld sem uppgötvaðist í dalnum síðasta sumar. 
Minjavernd stóð þá fyrir fornleifaskráningu vegna áforma um uppbyggingu á húsum frá tímum fyrsta búnaðarskóla Íslands sem rekinn var í dalnum á árunum 1880–1907.  
 
Staðarins hvergi getið
 
Að sögn Birnu Lárusdóttur fornleifafræðings, sem nú stýrir uppgreftrinum ásamt Howell M. Roberts í sex manna teymi, var verið að skrá, mæla upp og ljósmynda minjar þegar starfsmenn urðu varir við að það mótaði fyrir einhverju á loftmynd inni í dalnum.  „Við ákváðum að kanna málið og þá blasti skálinn við, ásamt fleiri rústum sem eru líklega níu til tíu. Staðarins virðist hvergi getið í heimildum og virðist almennt ekki hafa verið þekktur,“ segir Birna.
 
Nýleg loftmynd af skálanum, en einhverjar uppgötvanir eru gerðar á hverjum degi.  Þarna má til dæmis sjá litla viðbyggingu syðst á vesturhlið – og inngang sem er að koma í ljós norðar á sömu hlið.
 
 
„Uppgröfturinn núna er fjármagnaður af Fornminjasjóði og Minjavernd, unninn af Fornleifastofnun Íslands og snýst fyrst og fremst um skálann sem er rúmlega 20 m langur, svona í meðallagi miðað við þá skála sem við þekkjum. Hann er vel varðveittur og ber merki þess að hafa verið endurbyggður og lagfærður, sem bendir til þess að fólk hafi búið þarna einhverja áratugi að minnsta kosti myndi ég giska á. Við erum í raun komin stutt og ekki komin niður á gólflög, en í þeim finnst mest af gripum og gjarnan fleira sem er mjög mikilvægt. Við höfum verið fimm til sex á svæðinu og verðum alls í fjórar vikur í sumar, en verkefnið er til þriggja ára.“
 
Ljósi varpað á búskaparhætti
 
„Já, það væri spennandi að geta varpað ljósi á búskapinn sem þarna var rekinn,“ segir Birna spurð um hvort von sé til þess að hægt sé komast að raun um búskaparhætti fólksins sem þarna bjó á landnámstíma. „Enda er Ólafsdalur höfuðból landbúnaðarframfara á 19. öld og væri ekki leiðinlegt að geta skyggnst aðeins aftur í tímann og skoða þróun landbúnaðar allt frá landnámi.  
Ummerki um ræktun eru ekki óalgeng í svona rannsóknum, þá helst þannig að fræ finnst þegar gólflög eru greind rækilega og þá eru byggfræ algengust. 
Svo stendur til að skoða sögu gróðurfars í dalnum með sýnatöku úr mýrum þar sem frjókorn eru greind. Þá ættum við að geta séð til dæmis hvort þar hefur verið birkiskógur við landnám, en einnig hvort og hvernig gras og aðrar fóðurjurtir hafa síðan breiðst út með tilkomu mannsins.
Annað sem gæti varpað ljósi á búfjárrækt eru útihúsin sem eru þarna í kring, ekki ósennilegt að búfénaður hafi verið hýstur í einhverjum þeirra þótt þarna gætu líka verið hús á borð við smiðjur og jarðhýsi. 
Það væri líka spennandi að finna öskuhaug með beinum sem gætu varpað ljósi á búfjárhald en við höfum ekki rekist á hann ennþá – mér skilst að bein varðveitist oft ekki vel í jarðlögum á þessu svæði,“ segir Birna.
 
Á þessari mynd sjást ýmis ummerki frá tímum búnaðarskólans (1880–1907) í heimatúninu; túngarðar, nátthagar, beðasléttur og skurðir. Líkur eru til að þúsund ára búskaparsögu sé að finna í Ólafsdal.
 
Endalausir möguleikar á rannsóknum á svæðinu
 
Birna segir að það sem sé kannski það flottasta við Ólafsdal í heild sinni sé hið ótrúlega vel varðveitta menningarlandslag, sem sé aðallega frá tímum búnaðarskólans. „Að finna svona fornar rústir á yfirborðinu er ansi flott viðbót. Með uppbyggingu Minja­verndar á húsunum gæti þetta orðið eitt allra besta dæmi sem við höfum um menningarlandslag á Íslandi – og þetta er auðvitað höfuðból landbúnaðarsögunnar; ekki bara á 19. öld heldur allt frá landnámi.   Það eru því endalausir möguleikar á rannsóknum á svæðinu.“ 
 

3 myndir:

Skylt efni: fornminjar

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...