Vinsamlegast athugið að þetta efni er eldra en 6 ára.
Haugsuga sem er ekki með neinu drifskafti.
Haugsuga sem er ekki með neinu drifskafti.
Fréttir 4. desember 2017

Ef allir taka þátt í forvörnum næst árangur

Höfundur: Hjörtur L. Jónsson
Í flestum störfum landbúnaðar leynast hættur og til að lágmarka slys og fjárhagslegt tjón þurfa allir að hjálpast að. Ýmis tæki eru notuð við landbúnaðarstörf til að auðvelda og létta þau fjölmörgu störf sem tilheyra landbúnaðarstörfum. Eitt er það tæki sem margir eiga og nota mikið, svokallaðir liðléttingar og eru fjölnota tæki sem gagnast mörgum vel bæði við innivinnu sem útivinnu. 
 
Liðléttingar eru í flestum tilfellum skráðir hjá Vinnueftirlitinu í sambærilegan flokk og gaffallyftarar og eru skoðaðir árlega af Vinnueftirlitinu.
 
Mismunandi búnaður á mörgum mismunandi tækjum
 
Liðléttingar eru mikið notaðir inni í húsum þar sem skepnur eru, en flest eru þessi tæki með dísilvélar sem gefa frá sér mismikinn mengandi útblástur sem er eflaust ekki það hollasta fyrir skepnur sem gefa af sér matarafurðir. 
 
Á öðrum vinnustöðum þar sem t.d. eru notaðir gaffallyftarar og önnur hjálpartæki í vöruhúsum eru þau almennt knúin með rafmagni og í flestum tilfellum með útsláttarrofa til að slá út öllu rafmagni þegar tækið er ekki í notkun. 
 
Eftir hraðyfirferð á flórunni af liðléttingum sá ég dísilknúna liðléttinga sem voru ljóslausir að aftan, án útsláttarrofa fyrir rafmagn og meira að segja án veltigrindar. Eitthvað sem innflytjendur og söluaðilar ættu að huga að þegar tæki eru flutt inn til sölu í gripahúsum. Einnig mætti eflaust uppfæra reglugerð frá Vinnueftirlitinu um hvernig tæki ættu að vera útbúin sem notuð eru á fóðurgöngum og inni í gripahúsum samanber útsláttarrofa fyrir rafmagn og ljósabúnað. Þá mætti líka huga meira að því að rafvæða innihúsatæki til að losna við óæskilegan útblástur frá bensín- og dísilvélum.
 
Innflutningur til sóma sem fleiri innflutningsaðilar ættu að skoða
 
Fjöldi hræðilegra slysa hefur komið frá drifsköftum sem tengd hafa verið í aflúrtak á dráttarvélum. Eflaust eru margir sem bæði þekkja til svoleiðis slysa og geta sagt setninguna:
„Ég var næstum lentur í drifskaftinu.“  
 
Innflutningsfyrirtækið Vallar­braut (sem nýlega skipti um nafn úr Vallarnaut, með vefsíðuna sína www.vallarbraut.is) hefur hafið innflutning á haugsugum sem eru ekki með neitt drifskaft. Gott framtak hjá þeim í Vallarbraut að hugsa til öryggis viðskiptavina sinna (eitthvað sem fleiri fyrirtæki mættu gera). 
 
Haugsugur þessar eru tengdar í glussaúrtakið aftan á dráttarvélunum og eru fullkomlega samkeppnishæfar við aðrar haugsugur (9.500–13.600 lítra, 14 tonna burðarþol og kosta á bilinu 2,4–2,7 milljónir króna). Eftir að hafa skoðað þessar haugsugur má telja víst að glussadrifnum tækjum á markað til landbúnaðarstarfa kemur til með að fjölga í náinni framtíð þar sem þessi búnaður er mun öruggari en drifskaftsknúin tæki sem hafa sína svörtu sorgarsögu hjá mörgum.   
Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...