Vinsamlegast athugið að þetta efni er eldra en 7 ára.
Drukknun hrossa í Bessastaðatjörn ekki rakið til vanrækslu
Fréttir 13. janúar 2015

Drukknun hrossa í Bessastaðatjörn ekki rakið til vanrækslu

Höfundur: smh
Matvælastofnun hefur lokið rannsókn á drukknun 12 hrossa í Bessastaðatjörn 20. desember síðastliðinn. Að mati stofnunarinnar er slysið ekki rakið til vanrækslu umráðamanna á reglum um velferð hrossa.
 
Matvælastofnun rannsakaði aðbúnað og umhirðu hrossa í beitarhólfi á vegum hestamannafélagsins Sóta á Álftanesi, sem telst vera ábyrgðaraðili hrossanna í þessu tilviki.  
 
Í tikynningu Matvælastofnunar segir:
Alls höfðu 55 hross verið sett í beitarhólfið til haustbeitar frá 1. september 2014 og var venjan að smala hrossunum síðasta laugardag fyrir jól á hverju ári. Framkvæmd var skoðun á 14 hrossum sem deilt höfðu beitarhólfinu með hestunum sem drápust til að meta ástand hrossanna. Ástand hrossanna gaf ekki til kynna að skort hafi á beit, vatn eða næringu fyrir hrossin í beitarhólfinu.
 
Sunnan megin í landinu er trjábelti og gamlar mannvistarleifar (stórar tóftir) nálægt hliðinu við sjóinn að vestanverðu. Náttúrulegt skjól er því til staðar í beitarhólfinu en skv. reglugerð nr. 910/2014 um velferð hrossa skulu hross sem ganga úti geta leitað skjóls fyrir veðri og vindum.
 
Skylt er skv. sömu reglugerð að hafa eftirlit með útigangi hrossa að lágmarki einu sinni í viku en auk þess er kveðið á um aukið eftirlit t.d. við slæmar veðuraðstæður. Að sögn forráðamanna Sóta er litið til hrossanna á 3 – 8 daga fresti yfir beitartímann af hálfu hestamannafélagsins Sóta auk þess sem eigendur líta af og til eftir hestum sínum. Fyrir smölun 20. desember hafði verið litið til hrossanna 13. og 14. desember skv. upplýsingum Sóta. Þá voru öll hrossin í haganum og ekkert óeðlilegt að sjá að mati þeirra sem kíktu á hrossin.
 
Alla jafna standa hestar í góðu ástandi vel af sér óveður að vetrarlagi og er fáheyrt að slys af þessum toga eigi sér stað. Óljóst er hvað hefur valdið því að hrossin ráku út á ísinn en svo virðist sem að hættulegar aðstæður hafi skapast við það að tjörnina lagði, með ótraustum ís snævi lögðum, samhliða miklu veðuráhlaupi á dimmasta tíma ársins. Hins vegar verður ekki séð að umráðamenn dýranna hafi gerst brotlegir á ákvæðum reglugerðar um velferð hrossa. Matvælastofnun hefur birt skýrslu um niðurstöður rannsóknarinnar sem er aðgengileg hér að neðan.

Skylt efni: hross | aðbúnaður | umhirða

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...