Vinsamlegast athugið að þetta efni er eldra en 7 ára.
Frá afhendingu Colo-Quick broddmjólkurtækjanna ffrá Bústólpa.
Frá afhendingu Colo-Quick broddmjólkurtækjanna ffrá Bústólpa.
Fréttir 2. september 2016

Broddmjólkurtæki með búnaði til gæðamats

Bústólpi gaf nú á dögunum Hvanneyrarbúinu Colo-Quick broddmjólkurtæki til eignar. 
 
Tilgangurinn með Colo-Quick broddmjólkurtækinu er að eiga alltaf tiltæka broddmjólk af háum gæðum til að gefa nýfæddum kálfum. Broddmjólk er með búnaðinum gæðametin eftir burð og aðeins besta mjólkin valin til frystingar og notkunar síðar fyrir nýfædda kálfa.
 
 „Að sögn Egils Gunnarssonar bústjóra hefur tækið mikla þýðingu fyrir Hvanneyrarbúið til að stunda rannsóknir með dýravelferð í huga. ColoQuick tækið auðveldar geymslu og stuðlar að hreinlæti við meðferð brodds ásamt því að gera mönnum kleift að velja einungis gæðabrodd fyrir kálfana. Hvanneyrarbúið hyggst safna ljósbrotsgildum brodds til að meta hver gildin séu fyrir íslenskar kýr. Ljósbrotsgildin verða síðan borin saman við raunmælingar á mótefnum í broddi. Á þann hátt verður hægt að segja til um gæði broddmjólkur úr íslenskum kúm út frá einföldum ljósbrotsmælingum.“
 
Colo-Quick broddmjólkurtækið samanstendur af búnaði til að pakka broddmjólkinni í sérstaka frystipoka, ljósbrotsmæli til að mæla gæði mjólkurinnar, gjafabúnaði og búnaði til afþíðingar á mjólkinni. Afþíðingarbúnaðurinn er einna mikilvægasta tækið, en hér er um að ræða búnað sem tryggir varðveislu á innihaldsefnum (mótefnunum) broddmjólkurinnar við afþíðingu. Með notkun á ColoQuick er tryggt að allir kálfar fái góða broddmjólk sem inniheldur nægjanlegt magn mótefna. Notkun slíks búnaðar er vel þekkt víða erlendis og hefur gefið góða raun.
 
„Broddmjólk inniheldur mótefni (e. Antibodies) sem kálfar geta einungis tekið upp fyrstu klukkustundirnar eftir burð. Nýfæddur kálfur nýtir þessi mótefni til að styrkja ónæmiskerfið og byggir þannig upp mótstöðu gegn sjúkdómum og sýkingum. Þar skipta gæði broddsins miklu máli en því meira sem broddurinn inniheldur af mótefnum því betri áhrif hefur hann á ónæmiskerfið. Gott heilsufar kálfa er forsenda góðs vaxtar og þroska og þar af leiðandi afurða hjá fullorðnum gripum,“ að sögn Jóhannesar Kristjánssonar hjá Landbúnaðarháskóla Íslands á Hvanneyri.

Skylt efni: broddmjólk

Hretið seinkar vorverkum
Fréttir 13. júní 2024

Hretið seinkar vorverkum

Óveðrið sem gekk yfir Norður- og Norðausturland á dögunum hafði aðallega þau áhr...

ESA spyr um óvissuatriði breytinga á búvörulögum
Fréttir 13. júní 2024

ESA spyr um óvissuatriði breytinga á búvörulögum

Í byrjun maí sendi ESA, Eftirlitsstofnun EFTA, erindi til matvælaráðuneytisins þ...

Viðbragðshópur vegna kuldatíðar
Fréttir 13. júní 2024

Viðbragðshópur vegna kuldatíðar

Matvælaráðherra hefur sett á laggirnar viðbragðshóp vegna þeirra erfiðleika sem ...

Bein og langvinn áhrif á búgreinar
Fréttir 13. júní 2024

Bein og langvinn áhrif á búgreinar

Matvælaráðherra stofnaði þann 7. júní sérstakan viðbragðshóp vegna ótíðarinnar á...

Sjálfbærninám á háskólastigi
Fréttir 12. júní 2024

Sjálfbærninám á háskólastigi

Fulltrúar Háskóla Íslands (HÍ) og Hallormsstaðaskóla hafa staðfest samstarfssamn...

Ætla að virkja sólargeisla og senda til jarðarinnar
Fréttir 11. júní 2024

Ætla að virkja sólargeisla og senda til jarðarinnar

Íslenska loftslagsfyrirtækið Transition Labs er komið í samstarf við breska fyri...

Gjaldskráin einfölduð
Fréttir 11. júní 2024

Gjaldskráin einfölduð

Matvælaráðherra hefur undirritað nýja gjaldskrá fyrir eftirlit og önnur gjaldsky...

Staða sníkjuormasýkinga metin
Fréttir 10. júní 2024

Staða sníkjuormasýkinga metin

Kortleggja á stöðu sníkjuormasýkinga hjá íslenskum nautgripum á næstu misserum.