Vinsamlegast athugið að þetta efni er eldra en 8 ára.
Aukinn stuðningur vegna nýtingar ræktunarlands
Á faglegum nótum 10. nóvember 2016

Aukinn stuðningur vegna nýtingar ræktunarlands

Höfundur: Borgar Páll Bragason fagstjóri í nytjaplöntum hjá RML
Á sama tíma og stuðningur til landbúnaðar hefur farið lækkandi hefur stuðningur til jarðræktar aukist. Þó svo að umfang hans sé enn tiltölulega lítið í heildarstuðningnum þá virðist stuðningur til landbúnaðar vera að þróast í þessa átt.
 
Til dæmis var 8 milljónum varið til kornræktar samkvæmt búnaðarlagasamningi árið 2000 og hámarksframlag á bú var 30 þúsund en samkvæmt nýgerðum rammasamningi verður stuðningur til jarðræktar á næsta ári 369 milljónir og rennur stuðningurinn til bænda sem eru með korn-, gras- eða grænfóðurrækt, eða með útiræktað grænmeti. Á síðustu árum hefur stuðningur til jarðræktar því margfaldast og reglurnar víkkast út.
 
 
Almennt þekkja bændur vel núverandi stuðningsfyrirkomulag jarðræktarstyrkja enda er það síðan árið 2008 sem framlagið einskorðaðist ekki eingöngu til kornræktar heldur komu þá einnig  framlög til gras- og grænfóðurræktar úr mjólkur- og sauðfjársamningi og bættust við stuðning til kornræktar úr búnaðarlagasamningi. Meðal annars vegna þessara jarðræktarstyrkja hafa bændur á undanförnum árum uppfært eða fengið teiknað nýtt túnkort, þar sem það er ein forsenda fyrir styrkveitingu að hafa tiltekna ræktun kortlagða. 
 
Með nýjum rammasamningi landbúnaðarins er komin ný tegund af styrkjum, eða svokallaðar landgreiðslur, og strax á næsta ári á að verja 247 milljónum til þeirra og árið 2020 nemur upphæðin 342 milljónum. Þessari upphæð skal varið út á ræktað land sem er uppskorið til fóðuröflunar. 
 
Þó svo að ekki sé búið að gefa út reglugerð varðandi fyrirkomulag og afgreiðslu þessa stuðnings er ljóst að bændur verða að hafa hnitsett túnkort og skráningar á ræktun og uppskeru þurfa að rata inn í jarðræktarskýrsluhaldsforritið, Jörð.is.
 
Ljóst er að nokkuð vantar enn upp á að bændur eigi viðurkennt túnkort og færi upplýsingar um ræktun og uppskeru í Jörð.is. Það er því mikilvægt að bændur kynni sér málið og verði með allt sitt á hreinu strax á næsta ári.
 
Ráðgjafarmiðstöð land­búnaðarins mun þjónusta bændur í þessu sem öðru og meðal annars er ráðgert að halda námskeið í Jörð.is í vetur.
Tíu birkiskógar skuli njóta verndar
Fréttir 4. júlí 2025

Tíu birkiskógar skuli njóta verndar

Land og skógur hefur gefið út fyrstu skrána um sérstæða eða vistfræðilega mikilv...

Súlur 2025 komnar út
Fréttir 4. júlí 2025

Súlur 2025 komnar út

Tímaritið Súlur kom út á dögunum. Súlur er ársrit Sögufélags Eyfirðinga og hefur...

Metfjöldi gesta á Skógardeginum mikla
Fréttir 4. júlí 2025

Metfjöldi gesta á Skógardeginum mikla

Nýr Íslandsmeistari í skógarhöggi og fleiri keppnisgreinum var krýndur í Hallorm...

Útvarp Bændablaðið: Samruni Arla og DMK gefur möguleika á gríðarlegri hagræðingu
Fréttir 4. júlí 2025

Útvarp Bændablaðið: Samruni Arla og DMK gefur möguleika á gríðarlegri hagræðingu

„Kannski sýnir þessi samruni hversu gríðarlega stærðarhagkvæmni er í söfnun og v...

40 þúsund notendur í 24 löndum
Fréttir 4. júlí 2025

40 þúsund notendur í 24 löndum

Smáforritið HorseDay fagnaði þriggja ára afmæli í síðasta mánuði en forritið hef...

Búgreinar misháðar loftslagsbreytingum
Fréttir 4. júlí 2025

Búgreinar misháðar loftslagsbreytingum

Hitabylgjan hér á landi í maí hefði ekki orðið jafnmikil og raun bar vitni nema ...

Ný stefna um líffræðilega fjölbreytni
Fréttir 3. júlí 2025

Ný stefna um líffræðilega fjölbreytni

Í Samráðsgátt stjórnvalda eru nú til umsagnar drög að stefnu um líffræðilega fjö...

Hættir með Klausturkaffi í árslok
Fréttir 3. júlí 2025

Hættir með Klausturkaffi í árslok

Veitingahúsið Klausturkaffi í Skriðuklaustri í Fljótsdal fagnar 25 ára afmæli í ...