Vinsamlegast athugið að þetta efni er eldra en mánaðar gamalt.
Ný stjórn hjá geitfjárbændum. Brynjar Þór Vigfússon formaður, Jóhanna Bergmann Þorvaldsdóttir, Anna María Flygenring, Hulda Brynjólfsdóttir aramaður og Guttormur Hrafn Stefánsson varamaður.
Ný stjórn hjá geitfjárbændum. Brynjar Þór Vigfússon formaður, Jóhanna Bergmann Þorvaldsdóttir, Anna María Flygenring, Hulda Brynjólfsdóttir aramaður og Guttormur Hrafn Stefánsson varamaður.
Mynd / smh
Fréttir 27. febrúar 2024

Ákall um meiri stuðning

Höfundur: Sigurður Már Harðarson

Deildarfundur geitfjárbænda innan Bændasamtaka Íslands var haldinn 12. febrúar. Ljóst er eftir þann fund að Brynjar Þór Vigfússon, Gilhaga í Öxarfirði, verður áfram formaður deildarinnar.

Jóhanna Bergmann Þorvaldsdóttir, á Háafelli í Hvítársíðu, verður einnig áfram í stjórninni og svo kemur Anna María Flygenring, í Hlíð í Skeiða- og Gnúpverjahreppi, aftur inn í stjórn.

Ein ályktun var samþykkt frá fundinum um að Bændasamtök Íslands í samráði við stjórnvöld vinni saman að því að styrkja framtíð geitastofnsins og geitfjárræktarinnar með fjármagni og stuðningi, ekki einungis í orði heldur einnig á borði. Stjórnvöld hafi undirgengist ýmsar skuldbindingar varðandi verndun stofnsins sem er enn þá talinn í bráðri útrýmingarhættu.

Þannig megi tryggja áframhaldandi þróun búgreinarinnar og framtíðarsýn ræktunarinnar áfram upp úr útrýmingarhættu.

Vonast eftir meiri þátttöku

Brynjar segir að umræður á fundinum hafi verið fjölbreyttar en einskorðast að mestu við innsendar tillögur sem hafi verið unnar upp úr starfi deildarinnar og úr samtölum við geitabændur. Hann segist líta sáttur til síðasta árs í embætti formanns, þó mögulega hafi mátt gera meira.

„Það er von mín að geitabændur fari að láta sig varða meira starf deildarinnar og komi virkari að starfi deildarinnar. Til að deildin geti haldið öflugu starfi gangandi þarf hún að finna fyrir auknum áhuga frá fleiri geitabændum og finna fyrir aðhaldinu frá þeim.

Það er ósanngjarnt að ár eftir ár leggist það á sömu herðar fárra að láta í sér heyra um geitfjárræktina. Því fleiri sameinaðar raddir er líklegra að hærra heyrist frá lítilli grein,“ segir Brynjar.

Greining á tekjum og gjöldum

Hann telur að markverðustu málefni fundarins hafi snúist um mikilvægi þess að greining á tekjum og gjöldum geitfjárræktarinnar fari fram, þar sem lítið sé um haldbær gögn um stöðu þeirra mála.

Hann segir einnig brýnt að halda áfram vinnu með Ráðgjafarmiðstöð landbúnaðarins varðandi kynbótamat og við Heiðrúnu skýrsluhaldsforritið, sem nauðsynlegt sé að koma í rétt horf sem fyrst. Þá liggi mikið á að geitfjárræktin fái aukinn opinberan stuðning þar sem greinin standi gjarnan utan við stuðningskerfið. Huga verði að hvar hún gæti komist að eða vinna að því að nýir stuðningsflokkar verði stofnaðir utan um greinina.

Koma verði á samtali milli deildarinnar og Bændasamtaka Íslands varðandi fjölþættan stuðning við greinina.

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...