Vinsamlegast athugið að þetta efni er eldra en 2 mánaða.
Útboðsverð á tollkvótum fyrir innflutning á nautakjöti, svínakjöti og alifuglakjöti lækkaði við síðustu úthlutun. Hækkun varð á jafnvægisverði á pylsum, reyktu og söltuðu kjöti, ostum og ystingum.
Útboðsverð á tollkvótum fyrir innflutning á nautakjöti, svínakjöti og alifuglakjöti lækkaði við síðustu úthlutun. Hækkun varð á jafnvægisverði á pylsum, reyktu og söltuðu kjöti, ostum og ystingum.
Mynd / Eiliv Aceron
Fréttir 18. janúar 2024

Áframhaldandi rýrnun tollverndarinnar

Höfundur: Guðrún Hulda Pálsdóttir

Minni eftirspurn og lægra jafnvægisverð í útboði á tollkvótum vegna innflutnings á landbúnaðarafurðum frá Evrópusambandinu komu Margréti Gísladóttur, framkvæmdastjóra Samtaka fyrirtækja í landbúnaði, nokkuð á óvart.

„Við erum að sjá töluverðan samdrátt í eftirspurn í öllum flokkum í þessu útboði miðað við fyrri tvö útboð og jafnvel lengra aftur. Í nautakjötinu sem dæmi var eftirspurnin rétt rúmlega 40% af því sem hún var síðast og útboðsverðið fer niður í 1 kr/kg.

Til samanburðar hefur verðið verið að meðaltali um 471 kr/kg frá því samningurinn tók gildi í maí 2018. Það þýðir einfaldlega að þessi 348 tonn af nautakjöti koma nær án nokkurra gjalda inn til landsins.

Ástæða minni eftirspurnar er líklega minna verðbil á innlendri framleiðslu og innfluttri vöru að viðbættum tollum, sem sýnir einfaldlega áframhaldandi rýrnun tollverndarinnar. Þar eru margir áhrifaþættir; svo sem gengisþróun og framleiðslukostnaður. En það segir sig sjálft að á verðbólgutímum rýrnar tollur sem lagður er á sem krónutala á kíló,“ segir Margrét.

Jafnvægisverð á alifuglakjöti úr 507 í 9 krónur

Líkt og Margrét nefnir lækkar jafnvægisverð í öðrum flokkum líka samkvæmt niðurstöðu útboðsins. Þannig fengu tíu fyrirtæki innflutningskvóta fyrir 350 tonn af svínakjöti á 368 kr/kg, þetta verð var 553 krónur í fyrra.

Tíu fyrirtæki fá úthlutað tollkvótum fyrir innflutningi á alifuglakjöti fyrir 587 kr/kg, en þetta verð var 620 kr í fyrra. Þá er einnig sérstaklega úthlutaður kvóti fyrir innflutning á lífrænt ræktuðu alifuglakjöti, og fengu fjögur fyrirtæki úthlutað 100 tonnum fyrir 9 kr/kg. Þetta verð var 507 kr. í fyrra.

Hækkun á jafnvægisverði átti sér stað í vöruflokkunum „Kjöt og ætir hlutar af dýrum, saltað í saltlegi, þurrkað eða reykt“, „Ostar og ystingar“, „Pylsur og þess háttar vörur úr kjöti“ og „Annað kjöt .., unnið eða varið skemmdum“.

Fleiri tollkvótum úthlutað

Matvælaráðuneytið tilkynnti ekki eingöngu um niðurstöður útboða á tollkvóta vegna innflutnings á landbúnaðarafurðum frá Evrópusambandinu.

Á sama tíma var einnig tilkynnt um niðurstöðu úthlutunar á tollkvótum á landbúnaðarafurðum frá Bretlandi fyrir allt árið 2024. Þar skiptu sex fyrirtæki með sér kvótum fyrir innflutning á 30 tonnum af ostum og ystingum og 18,3 tonnum af unnu kjöti. Danól ehf. fékk þar úthlutað langmest, eða nær 34 tonnum.

Sex fyrirtæki flytja inn blóm

Þá fá fyrirtækin Nathan & Olsen ehf. og Innes ehf. tollkvóta vegna innflutnings á smurostum frá Noregi samtals 12 tonn en til úthlutunar voru þó 13 tonn.

Einnig birtust þá niðurstöður á úthlutun á tollkvótum vegna innflutnings á blómum fyrir fyrstu sex mánuði ársins 2024.

Samasem ehf., Garðheimar-Gróðurvörur ehf., Grænn markaður, Blómabúð Akureyrar ehf. og Krónan ehf. skiptu með sér þeim kvótum.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...

Staða framkvæmdastjóra BÍ auglýst innan tíðar
Fréttir 11. apríl 2024

Staða framkvæmdastjóra BÍ auglýst innan tíðar

Vigdís Häsler hefur látið af störfum sem framkvæmdastjóri Bændasamtaka Íslands. ...

Erfiðara verður að fá sphagnum og innfluttur jarðvegur CE-vottaður
Fréttir 11. apríl 2024

Erfiðara verður að fá sphagnum og innfluttur jarðvegur CE-vottaður

Búast má við að innflutningur á mómosamold (sphagnumríkri mold) fari minnkandi á...