Vinsamlegast athugið að þetta efni er eldra en 3 ára.
Sláandi dæmi um vanrækslu við sjóflutninga búfjár er frá því í nóvember á síðasta ári þegar þegar rúmverskt flutningaskip Queen Hind lagðist á hliðina og sökk eftir að það lagði frá bryggju.Mynd / Animals Inrernational
Sláandi dæmi um vanrækslu við sjóflutninga búfjár er frá því í nóvember á síðasta ári þegar þegar rúmverskt flutningaskip Queen Hind lagðist á hliðina og sökk eftir að það lagði frá bryggju.Mynd / Animals Inrernational
Fréttir 3. júní 2020

14.600 kindur drukknuðu

Höfundur: Vilmundur Hansen

Samkvæmt nýrri skýrslu framkvæmda­stjórnar Evrópu­sam­bandsins er dýravelferð veru­lega ábótavant þegar kemur að sjóflutningum lifandi búfjár frá Evrópusambandinu.

Sláandi dæmi um vanrækslu af þessu tagi er frá því í nóvember á síðasta ári þegar um 14.600 sauðfjár drukknaði þegar rúmverskt flutningaskip, Queen Hind, lagðist á hliðina og sökk skömmu eftir að það lagði frá bryggju. Við nánari rannsókn á slysinu kom í ljós að búið hafði verið til falskt millidekk í lest skipsins til að fjölga gripum sem hægt væri að flytja. Rúmenía er stærsti útflytjandi lifandi búfjár í Evrópu og mest er flutt út þaðan til landanna fyrir botni Miðjarðarhafs og til Sádi-Arabíu.

Búfjárflutn­ingar á sjó fá falleinkunn í nýrri skýrslu fram­kvæmda­stjórnar Evrópu­sam­bands­ins.

Margar milljónir dýra á ári

Á hverju ári eru fleiri milljón lifandi búfjár, nautgripa, sauðfjár og geita, flutt sjóleiðina frá löndum Evrópu­sambands­ins og mest af dýr­unum fer til Mið­Austurlanda og norðanverðrar Afríku. Samkvæmt skýrslunni, Welfare of Animals Trans­ported by Sea, hafa einungis 25% flutninga­skip­anna leyfi til búfjár­flutninga eða með leyfi frá löndum utan Evrópu­sambandsins og áhafnarmeðlimir sjaldnast þjálfaðir til að huga að vel­ferð dýranna. Mörg flutninga­skip sem taka að sér búfjárflutninga eru upphaf­lega hönnuð til að flytja bíla og því ekki búin nauðsynlegum búnaði til að brynna eða skola undan dýrunum.

Í skýrslunni kemur fram að framkvæmd flutninganna sé oft illa skipulögð, ekki sé gert ráð fyrir að dýrin þurfi oft að þola mikla hita við flutningana og að fóður og vatnsgjöf sé iðulega í lág­­marki. Í skýrsl­unni er einnig gagn­rýnt að ekkert opin­bert eftirlit sé með meðferð meðan á flutn­ingunum stend­ur og ekk­ert sé vitað um afdrif eða meðferð þeirra á áfangastað.

Afleit skipulagning og takmörkuð ábyrgð

Fram kemur að vegna slæmrar skipulagningar hafi farmar með lifandi búfé verið sent á ranga áfangastaði og að upp hafi komið tilfelli þar sem ekki hafi verið gert ráð fyrir að dýrin þyrftu vatn eða fóður á leiðinni.

Einnig er gagnrýnt að óvíst er hver ber ábyrgð á dýrunum á ólíkum stigum flutninganna, móttöku eftir flutninga á landi, lestun, velferð meðan á sjóflutningunum stendur, móttöku á áfangastað og eftirfylgni.

Einungis sex af þrettán stærstu útskipunarhöfnum lifandi búfjár eru sagðar hafa viðunandi aðstöðu við eða í nágrenni hafnanna til að taka á móti stórum förmum dýra til að hleypa þeim frá borði til að fóðra þau, gefa vatn og leyfa dýrunum að hvílast.

Írland og Portúgal eru þau lönd sem sögð eru standa sig hvað velferð dýranna í flutningum varðar þótt víða hefði mátt gera betur.

Bæta má orkunýtingu í landbúnaði talsvert
Fréttir 8. desember 2023

Bæta má orkunýtingu í landbúnaði talsvert

Unnt er að spara allt að 1.500 GWst árlega á Íslandi og þar af um 43 GWst í land...

Opnunarhóf í Miðskógi
Fréttir 8. desember 2023

Opnunarhóf í Miðskógi

Byggingu nýs kjúklingahúss í Dölunum er lokið og verður tekið í notkun 1. desemb...

Skilgreina opinbera grunnþjónustu
Fréttir 8. desember 2023

Skilgreina opinbera grunnþjónustu

Unnin hafa verið drög að skilgreiningu á opinberri grunnþjónustu, ásamt greinarg...

Innleiða þarf vistkerfisnálgun
Fréttir 7. desember 2023

Innleiða þarf vistkerfisnálgun

Tímabært þykir að innleiða vistkerfisnálgun á Íslandi með skipulögðum hætti. Fræ...

Verðmætasköpun eykst og mikil sala
Fréttir 7. desember 2023

Verðmætasköpun eykst og mikil sala

Æðarræktarfélag Íslands (ÆÍ) hélt aðalfund að Keldnaholti 18. nóvember. Alls mæt...

Tilraun til að bjarga færeyska hrossakyninu
Fréttir 6. desember 2023

Tilraun til að bjarga færeyska hrossakyninu

Færeyska hestakynið er í útrýmingarhættu en í dag eru til 89 færeysk hross og af...

Nýr stjórnarformaður
Fréttir 6. desember 2023

Nýr stjórnarformaður

Daði Guðjónsson er nýr stjórnarformaður markaðsstofunnar Icelandic Lamb, sem fer...

Margir fengu vel í soðið
Fréttir 6. desember 2023

Margir fengu vel í soðið

Útlit er fyrir að rjúpnaveiði hafi í ár verið allt að 20% meiri en í fyrra. Meða...