Heyskapur er víða hafinn og er að hefjast hjá öðrum, en fóðrið er einn mikilvægasti þáttur búskapar með jórturdýr. Gæði gróffóðurs hefur mikil áhrif á afurðir, fóðurkostnað og heilsufar. Árangur í fóðuröflun er samspil margra þátta. Hér verður farið yfir helstu atriði sem gott er að hafa í huga í heyskapnum.
Votheysgeymslur sem opnaðar eru í heitu veðri, t.d. að hausti til (sér í lagi ef stutt er síðan hirt var, eða minna en 6-8 vikur), eykur líkurnar á að hitni í votheysgeymslunni.
Hluti allrar uppskeru af túnum (þurrefni) tapast við slátt og forþurrkun, hirðingu og söxun, í gerjunarferlinu, þegar votheysgeymslur eru opnaðar og áður en fóðrað er. Þurrefnistapið er oft mun meira en við gerum okkur grein fyrir, jafnvel getur þurrefnistap frá því grasið er slegið af rót og þar til gripirnir hafa verið fóðraðir verið um 25%.
