Vinsamlegast athugið að þetta efni er eldra en 1 árs.
Örn Karlsson, Sandhóli.
Örn Karlsson, Sandhóli.
Mynd / OAB
Lesendarýni 23. nóvember 2022

Smáframleiðendur slá í gegn á Landbúnaðarsýningunni

Höfundur: Oddný Anna Björnsdóttir, framkvæmdastjóri SSFM/BFB.

Á Landbúnaðar­sýningunni í Laugar­dalshöll þann 14.–16. október sl., sem áætlað er að um 80.000 manns hafi sótt, kynntu hátt í 40 smáframleiðendur vörur sínar yfir helgina.

Oddný Anna Björnsdóttir

Þeir eiga það sameiginlegt að vera félagsmenn í Samtökum smáframleiðenda matvæla (SSFM) og Beint frá býli (BFB), en BFB varð aðildarfélag að SSFM í vor.

SSFM / BFB voru með sameiginlegan bás með fjórtán borðum þar sem hver og einn framleiðandi fékk úthlutað eitt þeirra í einn eða tvo daga svo sem flest hefðu tök á að taka þátt. Við hlið hans var bás Matarkistu Skagafjarðar ásamt Bíl smáframleiðenda á Norðurlandi vestra, þar sem bændur úr Skagafirði, sem allir eru félagsmenn og leigja aðstöðu í Vörusmiðjunni BioPol, kynntu vörur sínar. Félagsmenn voru einnig á bási VOR – lífrænna framleiðenda, Skógræktarfélagsins og svo voru tveir félagsmenn með eigin bás.

Stöðugur straumur sýningargesta var að básunum og var það samdóma álit þeirra sem tóku þátt að afar vel hafi tekist til; salan framar vonum, mikilvæg tengsl mynduð og að sýningargestir hafi verið einstaklega áhugasamir, jákvæðir og hvetjandi. Margir seldu það mikið að gengið var á jólalagerinn og þurftu að láta senda eftir meiri vörum að norðan og víðar.

Smáframleiðsla matvæla er í miklum blóma hér á landi og hafa samtökin því vaxið hratt á undanförnum árum sem sýnir sig meðal annars í því að félagsmenn eru orðnir vel á þriðja hundrað. Vörurnar eru eins fjölbreyttar og framleiðendurnir eru margir og mikið um spennandi nýjungar, m.a. úr vannýttum og nýstárlegum hráefnum.

Nú eru fjölmargir jólamarkaðir um land allt fram undan, þ.m.t. Jólamatarmarkaður Íslands í Hörpunni 17.–18. desember, svo neytendur hafa mörg tækifæri til að nálgast það hnossgæti sem íslenskir matarfrumkvöðlar framleiða, beint frá þeim. Áhugasamir geta einnig pantað vörurnar í gegnum miðla framleiðendanna og nálgast margar þeirra í almennum matvöruverslunum og sérverslunum, þ.m.t. í Matarbúri Krónunnar 15. nóvember–6. desember á Granda, Lindum, Flatahrauni, Mosfellsbæ og Selfossi og á Jólamatarmarkaði Hagkaups 24. nóvember–4. desember í Skeifunni, Smáralind, Garðabæ, Seltjarnarnesi og Akureyri. Eins er hægt að nálgast jóladagatal með 24 vörum smáframleiðenda á Facebook. Listann yfir félagsmenn má finna á vef SSFM og BFB.

Myndir SSFM og BFB frá Landbúnaðarsýningunni má nálgast með því að smella hér.

6 myndir:

Gerist ekkert hjá VG?
Lesendarýni 20. febrúar 2024

Gerist ekkert hjá VG?

Nú á tímum orkuskipta er mikilvægt að næg orka sé til svo hægt verði að halda áf...

Hæ, öll, bestu vetrardekkin eru ónegld!
Lesendarýni 19. febrúar 2024

Hæ, öll, bestu vetrardekkin eru ónegld!

Nú þurfum við ekki lengur að aka á negldum vetrardekkjum til að tryggja öryggi o...

Greiðslumarkskerfið er kúabændum hagfellt
Lesendarýni 16. febrúar 2024

Greiðslumarkskerfið er kúabændum hagfellt

Fyrir nokkrum árum, nánar tiltekið 2016, kom ég að því verki ásamt öðrum að gera...

Eru auðlindir Íslands til sölu?
Lesendarýni 14. febrúar 2024

Eru auðlindir Íslands til sölu?

„Ef virkjað verður meira mun rafmagnið seljast upp. Það verður alltaf umfram eft...

Stefna ungra bænda mörkuð
Lesendarýni 13. febrúar 2024

Stefna ungra bænda mörkuð

Aðalfundur Samtaka ungra bænda (SUB) var haldinn þann 13. janúar síðastliðinn á ...

Grýlan er rammíslensk
Lesendarýni 8. febrúar 2024

Grýlan er rammíslensk

Í skýrslu sem Margrét Einarsdóttir lagaprófessor vann fyrir umhverfis-, orku- og...

Hárkollurnar héngu í garðinum
Lesendarýni 2. febrúar 2024

Hárkollurnar héngu í garðinum

Síðar svartar buxur, stuttar svartar buxur, aðsniðnar svartar buxur. Svartur bóm...

Samtök smáframleiðenda matvæla fjögurra ára
Lesendarýni 30. janúar 2024

Samtök smáframleiðenda matvæla fjögurra ára

Árið 2023 var fjórða starfsár Samtaka smáframleiðenda matvæla (SSFM) og aðildarf...