Vinsamlegast athugið að þetta efni er eldra en 3 ára.
Fyrsti Evrópudagur ullarinnar
Lesendarýni 31. mars 2021

Fyrsti Evrópudagur ullarinnar

Höfundur: Hulda Brynjólfsdóttir

Í Evrópu eru um 70 milljón fjár. Mörg lönd í Everópu standa frammi því að ull sem framleidd er í Evrópu er ekki nýtt í framleiðslu þar sem ull er aðal hráefnið, heldur er það flutt in frá Ástralíu eða Nýja-Sjálandi. Ullin sem kemur af Evrópskum kindum er í mörgum tilfellum einungis nýtt í moltugerð eða henni er hent.

Þessu vilja ullarframleiður breyta og vekja fólk til umhugsunar um hráefnið sem þarna fer til spillis.

Mörg lönd hafa fundið leiðir til að nýta ullina og sumar þjóðir hafa aldrei glatað virðingu þjóðar sinnar fyrir ull. Má þar nefna Ítalíu og Bretland, en á Ítalíu eru margar spunaverksmiðjur sem spinna garn úr þarlendri ull og á Bretlandi þarf ekki annað en að nefna Harris Tweed og þá veit fólk hvað átt er við. En Harris Tweed þykir vandaðasta jakkafataefni sem framleitt er í heiminum og er það gert úr breskri ull. Og á Hjaltlandseyjum, sem eru undan ströndum Skotlands, er löng hefð fyrir flóknu munsturprjóni og fallegum uppskriftum sem gerðar eru fyrir ull og eru geysivinsælar.

Verið er að leita leiða til að gera einangrun fyrir hús úr ull, nota hana í áburð eða til gróðurverndar og fá fólk til að prjóna úr ull sem kemur af fágætum fjárkynjum úr þeirra heimalöndum, en ekki nýta eingöngu ull af fé sem er ræktuð í stórum hópum og þarf að fara langar flutningsleiðir til að komast til Evrópu. Markmiðið er ekki að gera lítið úr ull annars staðar frá, heldur að opna augu fólks fyrir að nýta það betur sem fæst nær heimahögum.

EWE - European Wool Exchange

Hópur fólks úr heilbrigðisgeiranum veitti því eftirtekt að hannyrðir hjálpuðu sjúklingum við að slaka á og einbeita sér betur. Prjónaskapur fékk hægra og vinstra heilahvel til að vinna betur saman og gerðar voru tilraunir með Alzheimer sjúklinga og prjónaskap.

Þessar athuganir leiddi heilbrigðisfólkið að því að ullargarn hentaði best þegar kom að prjónaskap í læknisskyni og fór að velta fyrir sér leiðum til að upphefja þetta frábæra hráefni sem reyndist svona vel.

Stjórnvöld á Kýpur fengu prófessor í skurðlækningum á eftirlaunum (Alberto Costa) til að stýra faglegum hópi fólks þar í landi og vinna úr þeim niðurstöðum sem komu fram og leiða fólk saman til að athuga betur þetta hráefni og kynna það fyrir fleirum. Hann tók eftir því að þegar fólk sem var að koma í aðgerð, tók prjónana sína með sér, þá var það ekki eins stressað og fljótara að jafna sig eftir aðgerðina en hinir sem ekki höfðu neitt með sér. Landbúnaðarráðuneytið á Kýpur styrkir vinnu hans fyrir ullina. 

Hann stofnaði hóp sem spannaði yfir öll þau lönd í Evrópu sem vildu vera með eða höfðu fulltrúa sem var reiðubúinn að tala máli ullar í sínu landi og fékk sá hópur nafnið European Wool Exchange, en skammstöfunin á því orði er EWE. (Ewe er enska orðið yfir kvenkyns kind). 

Sá hópur sameinaðist öðrum hópi sem hefur starfað í nokkur ár og haldið nokkra fundi. En fólkið í honum kemur einnig úr flestum löndum Evrópu og telur til framleiðenda. Meðlimir hans eru ýmist bændur, spunafólk eða fólk sem kemur að framleiðslu ullar á einhvern hátt.

Þessir tveir hópar hafa nú sameinað krafta sína að hluta og ætla til dæmis að standa fyrir fyrsta Evrópudegi ullarinnar. Hann fer fram 9. apríl 2021 og mun þar eitt og annað skemmtilegt fara fram og verður það flest allt á netinu.

Ísland er ekki undanskilið í þessu starfi og tekur þátt eins og fleiri þjóðir Evrópu. (sjá mynd: Kort af Evrópu sem sýnir lönd sem taka þátt í Evrópudegi Ullarinnar)

Hvað gerist á Evrópudegi Ullarinnar?

Sjónvarpsstöð í Róm á Ítalíu mun verða með beint streymi frá Evrópudegi ullarinnar 9. apríl og byrjar útsending kl. 9 að íslenskum tíma og ljúka kl. 15:00. Þjóðirnar sem taka þátt senda myndbönd til Rómar og verða þau send út í streyminu. Fyrri hluti útsendingarinnar verður á ítölsku, enda sendingin þaðan, en síðan mun hún færast yfir á ensku, svo að sem flestir geti fylgst með og skilið það sem fram fer.

Í öllum þeim löndum sem eiga fulltrúa í öðrum hvorum hópnum munu verða viðburðir sem annað hvort fara fram á netinu eða í litlum hópum. Covid-19 hefur að sjálfsögðu áhrif þarna eins og annars staðar og takmarkar stærðir hópanna. En hvatt verður til þess að á Facebook, Instagram, Twitter og víðar verði settar inn upplýsingar um sauðfé og ull og ullargarn eða aðrar vörur úr ull. Fólk mun prjóna, spinna, vefa, hekla, sauma, þæfa eða hvaðeina sem því hugnast að gera með ull þennan daginn, segja frá því á sínu svæði og láta þannig ull umvefja Evrópu.

Við bjóðum ykkur að vera með og prjóna úr íslenskri ull og þannig vekja okkur öll til umhugsunar um að það er oft nær en við höldum, það besta sem við eigum.

Frá aðalfundum skógarbænda
Lesendarýni 20. maí 2024

Frá aðalfundum skógarbænda

Aðalfundur Félags skógarbænda á Suðurlandi (FsS) var haldinn á Hótel Stracta lau...

Undanþágur búvörulaga og staða bænda
Lesendarýni 16. maí 2024

Undanþágur búvörulaga og staða bænda

Ágætu bændur. Rétt fyrir páska voru samþykktar á Alþingi breytingar á búvörulögu...

Endurheimt vistkerfi á landi og ferskvatnslíf
Lesendarýni 10. maí 2024

Endurheimt vistkerfi á landi og ferskvatnslíf

Með vorinu vaknar náttúran til lífs enn á ný og fólk flykkist út til að njóta he...

Kjósum forseta með þekkingu á landbúnaði
Lesendarýni 9. maí 2024

Kjósum forseta með þekkingu á landbúnaði

Þann 1. júní nk. fara fram forsetakosningar og ljóst að kjósendur geta valið á m...

Skattaívilnanir í skógrækt
Lesendarýni 8. maí 2024

Skattaívilnanir í skógrækt

Í marsmánuði var hin árlega fagráðstefna Skógræktar á Íslandi haldin.

Dásamlega íslenska sveitin
Lesendarýni 6. maí 2024

Dásamlega íslenska sveitin

Þegar maður kemst á miðjan aldur, þá staldrar maður aðeins við og veltir fyrir s...

Hafa skal það sem sannara reynist
Lesendarýni 1. maí 2024

Hafa skal það sem sannara reynist

Í Bændablaðinu 11. apríl sl. er heilsíðuviðtal við hjónin á Syðri-Fljótum í Meða...

Mótmæli bænda í ESB: hvað býr að baki?
Lesendarýni 29. apríl 2024

Mótmæli bænda í ESB: hvað býr að baki?

Undanfarna mánuði hafa bændur í Evrópu efnt til mikilla mótmæla um alla heimsálf...