Vinsamlegast athugið að þetta efni er eldra en 1 árs.
Blóðmerahaldið enn
Mynd / Páll Imsland
Lesendarýni 30. maí 2023

Blóðmerahaldið enn

Höfundur: Páll Imsland eftirlaunaþegi.

Nú er blóðmerahaldið aftur komið á dagskrá og nú fyrir tilstuðlan sunnan af meginlandi Evrópu úr innstu kimum ráðsmennsku og stjórnsemi, sem í málinu tekur undir með öfgasamtökum og áróðursmeisturum sem ekki hafa sannleika og sanngirni að leiðarljósi, heldur yfirlýst markmið um að ganga af starfseminni dauðri.

Páll Imsland

Bændur og búalið, dýralæknar og annað fólk sem stendur í og stendur að blóðmerahaldi veit hvað það er að gera í smáatriðum. Það hefur gert þetta aftur og aftur og er hokið af þeirri reynslu sem starfsemin hefur leitt yfir það og leiðbeint því um aðferðir. Þetta fólk veit að hve miklu leyti dýrin þjást við blóðtökurnar og annað stúss í kringum þær. Það veit hveernig sársaukastuðull hrossa er allt annar en manna. Það veit líka hvers þessi hross njóta í staðinn fyrir blóðgjöfina. Það veit að blóðmerahald lýtur sömu lögmálum og annar dýrabúskapur og býr hjá því við þann samanburð.

Lögfræðingar og annað skrifstofulið, sem situr suður á meginlandi Evrópu og semur reglugerðir og dæmir um það eftir hvaða reglum skuli farið og dæmt um húsdýrahald, hefur yfirleitt enga eða harla litla reynslu af húsdýrahaldi og samlífi með hjörðum þeim sem undir búskap standa. Sumt hefur það kannski einhverja reynslu af borgarhundahaldi eða búrfiskabúskap og öðru því dýrahaldi sem ekki lýtur lögmálum lifibrauðs og framleiðslu, þar sem skrifstofustörf standa undir kostnaði og hagnaður er ekki forsenda dýrahaldsins. Það fjallar ekki um málin af eigin reynslu og kunnáttu á dýrabúskap. Það fjallar um málin í samræmi við formfastar klásúlur í lagabálkum og reglugerðum sem orðið hafa til í regluverksverksmiðjum.

Svo er felldur dómur á slíkum forsendum um hvað sé siðlegt og boðlegt í dýrahaldi. Það er gripið fram fyrir hendurnar á þeim sem vitið og reynsluna hafa og völdin tekin af því fólki. Dómsvöldin eru komin í hendurnar á fólki sem ekki hefur reynslu og vit á því sem það dæmir um, en þekkir fastmótaðar og kategórískar reglur sem það og kollegar þess hefur að mestu leyti sjálft sett og það í skjóli reynsluleysis.

Ætlum við að tryggja það að mannkynið eigi bjarta framtíð á jörðinni með þvílíku fyrirkomulagi?

Ætlum við að leggja valdið mótmælalaust í hendurnar á reglugerðarfarganinu fræga?

Ætlum við að dæma vitið og reynsluna úr leik?

Ætlum við í raun að setja formfestuna tekna úr sambandi við vitið í öndvegi lífs okkar?

Ætlum við að selja okkar sjálfstæðu hugsun?

Ætlum við aftur að selja sjálfstæði vort?

Ekki lausn fyrir Landeyjahöfn - Síðari hluti
Lesendarýni 5. júlí 2024

Ekki lausn fyrir Landeyjahöfn - Síðari hluti

Í síðasta eintaki af Bbl. birtist grein um það hvernig öldusveigjan umhverfis Ve...

Dýravelferð og hugmyndafræði einnar heilsu: ábyrgð okkar allra
Lesendarýni 2. júlí 2024

Dýravelferð og hugmyndafræði einnar heilsu: ábyrgð okkar allra

Velferð dýra er ófrávíkjanleg krafa siðmenntaðs samfélags, hvort sem um ræðir gæ...

Framleiðsla og vinnsla búvara falla ekki undir EES-samninginn
Lesendarýni 24. júní 2024

Framleiðsla og vinnsla búvara falla ekki undir EES-samninginn

Fyrir röskum þremur árum ritaði greinarhöfundur þrjár greinar um landbúnað og sa...

Enn af undanþágum búvörulaga og stöðu bænda
Lesendarýni 21. júní 2024

Enn af undanþágum búvörulaga og stöðu bænda

Ágætu bændur. Í Bændablaðinu þann 16. maí sl. reifaði ég í bréfi til ykkar áhygg...

Af heimanautum og sæðinganautum
Lesendarýni 21. júní 2024

Af heimanautum og sæðinganautum

Mikil notkun heimanauta hefur um langa hríð verið eitt helsta umræðuefni og þræt...

Réttindabarátta sjávarbyggða og strandveiðimanna
Lesendarýni 21. júní 2024

Réttindabarátta sjávarbyggða og strandveiðimanna

Strandveiðitímabilið hófst í byrjun maí. Mikil veiði hefur verið enda mikið af f...

Kynding með viðarperlum úr íslensku lerki
Lesendarýni 20. júní 2024

Kynding með viðarperlum úr íslensku lerki

Tandrabretti ehf. hefur undanfarin ár unnið að uppbyggingu á viðarperluframleiðs...

Og svo kom vorið
Lesendarýni 18. júní 2024

Og svo kom vorið

Nú í byrjun júnímánaðar fengu landsmenn yfir sig sannkallað vetrarveður sem varð...

Skammur aðdragandi að sölunni
11. júlí 2024

Skammur aðdragandi að sölunni

Bænder
12. júlí 2024

Bænder

Magnað Landsmót 2024
12. júlí 2024

Magnað Landsmót 2024

Svín og korn
12. júlí 2024

Svín og korn

Hundrað hesta setningarathöfn
12. júlí 2024

Hundrað hesta setningarathöfn