Vinsamlegast athugið að þetta efni er eldra en 8 ára.
VG í Skagafirði lýsir andstöðu við að gengið verði lengra í afnámi tolla
Fréttir 8. október 2015

VG í Skagafirði lýsir andstöðu við að gengið verði lengra í afnámi tolla

Í tilkynningu frá VG í Skagafirði kemur fram að á aðalfundi félagsins þann 7. október 2015, hafi verið lýst andstöðu við að gengið verði lengra í afnámi tolla á  á innfluttar landbúnaðarafurðir án fyrirliggjandi úttektar á áhrifum á íslenska landbúnaðarframleiðslu og án þess að gerður hafi verið nýr búvörusamningur til lengri tíma.

Í tilkynningunni segir ennfremur orðrétt:

Matvælaframleiðsla er ein meginstoð byggðar í Skagafirði. Héraðið er eitt sterkasta mjólkur og kjötframleiðslusvæði landsins. Margvíslegur þjónustuiðnaður hefur byggst upp í kringum matvælaiðnaðinn.  Ferðaþjónusta og matarmenning  er miklvæg grein í örri þróun. Þessar greinar skipta sköpum fyrir búsetu og afkomu íbúa héraðsins.

Fréttir af nýgerðum milliríkjasamningi milli Íslands og Evrópusambandsins (ESB) um viðskipti með búvörur og  niðurfelling tolla  vekja því upp ugg um framtíðarhorfur landbúnaðar og matvælaiðnaðar í Skagafirði. Afnám tolla í þeim mæli sem samningarnir gera ráð fyrir geta haft ófyrirséðar afleiðingar í för með sér fyrir innlendan landbúnað og matvælavinnslu. Samningurinn við ESB virðist  gerður án samráðs  og í algjörri andstöðu við gildandi samninga um starfskilyrði greinarinnar sem og stefnu stjórnvalda um matvælaframleiðslu á Íslandi. Stjórnvöld virðast einnig hafa vanrækt að gera fyrirfram  heildræna úttekt á áhrifum samningsins á vöruframboð  þróun og  samkeppnisstöðu einstakra búgreina til lengri tíma. Atvinnuöryggi og störf  fjölda fólks er sett í uppnám  sem og rekstur afurðastöðva og fyrirtækja í matvælavinnslu, og iðnaði.

Áður en lengra er haldið þarf að meta áhrif á afurðaverð til bænda, líklega þróun á markaðshlutdeild innlendrar framleiðslu og tekjuleg áhrif að teknu tillit til áhrifa aukins markaðsaðgangs. Störf og afkoma fjölda bænda og starfsfólks í úrvinnslugreinum er í húfi.

Aðalfundur VG í Skagafirði skorar því á þingmenn að taka málið upp og staðfesta ekki slíka samninga nú án þess að gengið hafi verið frá nýjum samningum um starfsskilyrði landbúnaðarins til lengri tíma.

Núverandi búvörusamningur rennur út í lok næsta árs. Fyrirkomulag tolla hefur verið hluti slíkra samninga og því eðlilegt að ákvarðanir um breytingar á þeim séu teknar samhliða gerð nýrra langtímasamninga um starfskilyrði landbúnaðar og matvælavinnslu í landinu.

Óska eftir sýnum úr dauðum kálfum
Fréttir 23. júlí 2024

Óska eftir sýnum úr dauðum kálfum

Rannsóknamiðstöð landbúnaðarins, RML, rannsakar nú erfðaorsakir kálfadauða.

Upphreinsun skurða
Fréttir 23. júlí 2024

Upphreinsun skurða

Búnaðarfélag Austur-Landeyja hefur sent sveitarstjórn Rangárþings eystra erindi ...

Sólarsellustyrkir
Fréttir 22. júlí 2024

Sólarsellustyrkir

Orkusetur Orkustofnunar hefur auglýst eftir umsóknum um sólarsellustyrki.

Gæðingafeður og mæður
Fréttir 19. júlí 2024

Gæðingafeður og mæður

Skýr frá Skálakoti átti flest afkvæmi á Landsmóti hestamanna í ár, 31 talsins.

Kúakaup fyrir dómi
Fréttir 19. júlí 2024

Kúakaup fyrir dómi

Kúakaup milli tveggja bænda rötuðu til héraðsdóms á dögunum.

Úthlutun aflamarks
Fréttir 18. júlí 2024

Úthlutun aflamarks

Nýverið fundaði stjórn Byggðastofnunar vegna fyrirhugaðrar úthlutunar sértæks by...

Lóga þarf hrúti
Fréttir 18. júlí 2024

Lóga þarf hrúti

Bóndi þarf að afhenda Matvælastofnun ákveðinn hrút til að kanna útbreiðslu á rið...

Árangurinn kom á óvart
Fréttir 18. júlí 2024

Árangurinn kom á óvart

Fjölskyldan í Strandarhjáleigu í Rangárþingi eystra átti góðu gengi að fagna á n...