Vinsamlegast athugið að þetta efni er eldra en 2 ára.
Massey Ferguson hefur verið meðal mest seldu dráttarvéla á Íslandi um árabil.
Massey Ferguson hefur verið meðal mest seldu dráttarvéla á Íslandi um árabil.
Fréttir 24. júní 2020

Valtra-umboðið verður hjá Aflvélum á Selfossi og Ferguson hjá Jötni

Höfundur: Hörður Kristjánsson
Eftir að Jötunn Vélar á Selfossi komst í þrot og eftir kaup Aflvéla á þrotabúinu hafa verið uppi vangaveltur um hvar umboðin fyrir Valtra og Massey Fergusson dráttarvélarnar myndu lenda. Um feita bita er að ræða þar sem þessar tegundir hafa verið meðal vinsælustu dráttarvéla landsins um langt skeið, eða samanlagt um 50% markaðshlutdeild.
 
Samkvæmt heimildum Bænda­blaðsins hafa mörg fyrirtæki sýnt þessum merkjum áhuga, en Valtra og Massey Ferguson eru í eigu alþjóðlega fyrirtækjarisans AGCO.  
 
Aflvélar komu snemma að borðinu og var áherslan að sögn forsvarsmanna félagsins frá upphafi  að halda þessum umboðum á Selfossi. Einnig að halda í starfsmenn sem viðað hafa að sér umtalsverðri reynslu og þekkingu í þjónustu og sölu á þessum tegundum, bæði á vélum og varahlutum.
 
Valtra hefur eins og Massey Ferguson verið meðal mest seldu dráttarvéla á Íslandi.
 
Búið að skrifa undir samninga við AGCO
 
Friðrik Ingi Friðriksson, forstjóri Aflvéla, segir að niðurstaðan af viðræðunum hafi verið sú að gengið hefur verið frá samningum við AGCO um að Aflvélar munu vera umboðsaðili Valtra dráttarvéla með aðsetur á Gagnheiði 35 Selfossi. Einnig hafi verið gengið frá samningum um umboðið fyrir Massey Ferguson dráttarvélar og heyvinnutæki, en þau verða seld undir merki Jötuns á Austurvegi 69, Selfossi, en Jötunn er nú í eigu Aflvéla. 
 
Þjónustumiðstöð AGCO
 
Þá hefur verið gengið frá því að varahluta- og aukahlutaþjónusta verður sameiginleg fyrir Valtra og Massey Ferguson í nýrri AGCO þjónustumiðstöð að Austurvegi 69. Vilja því nýir umboðsaðilar bjóða núverandi og væntanlega viðskiptavini hjartanlega velkomna.
 
AGCO er risi á dráttarvélamarkaðnum
 
AGCO var stofnað 1990 þegar yfirmenn í Deutze-Allis keyptu bandaríska hlutann af landbúnaðar­tækjaframleiðslu félagsins af móðurfélaginu Klöckner-Humbolt-Deutz eða KHD í Þýska­landi. Þýska félagið átti firmamerkið Deutze-Fahr. KHD hafði eignast hlut í bandaríska landbúnaðartækjaframleiðandanum Allis-Chalmers fimm árum áður. 
 
Nýja félagið sem varð til við kaupin á eignarhlutnum af KHD hét upphaflega Gleaner-Allis Corporation eða GAC, en var síðan breytt í Allis-Gleaner Corporation, eða AGCO. Framleiðslulínan á Deutze-Allis dráttarvélum fékk þá nafnið AGCO-Allis. 
 
Í mars 1991 keypti AGCO Hesston Corporation, en það fyrirtæki átti 50% hlut í Case International sem nú er hluti af CNH Global sem á m.a. New Holland. 
 
Árið 1993 fékk AGCO dreif­ingar­rétt á Massey Ferguson á heimsvísu. Þá eignaðist AGCO McConnel Tractors árið 1994, en það fyrirtæki framleiddi Massey Ferguson dráttarvélarnar. 
 
Margvísleg fyrirtækjakaup komu svo í kjölfarið. Þar má m.a. nefna kaupin á Challenger dráttarvélunum frá Caterpillar árið 2002 og kaupin á dráttarvélaframleiðandanum Valtra af Kone Group í Finnlandi árið 2004. 
Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...

Stakkhamar 2 skýst upp á toppinn yfir afurðahæstu kúabúin miðað við meðalnyt
Fréttir 26. janúar 2023

Stakkhamar 2 skýst upp á toppinn yfir afurðahæstu kúabúin miðað við meðalnyt

Stakkhamar 2 í Eyja- og Miklaholtshreppi á Snæfellsnesi hefur skotist á toppinn ...

Niðurtröppun greiðslumarks að hefjast
Fréttir 25. janúar 2023

Niðurtröppun greiðslumarks að hefjast

Niðurtröppun á greiðslumarki í sauðfjárrækt hefst á þessu ári, samkvæmt núgildan...

Úrræði sem eigi að nýtast ungum bændum
Fréttir 24. janúar 2023

Úrræði sem eigi að nýtast ungum bændum

Ungir bændur hafa verið að kalla eftir því að þeir geti nýtt öll fasteignakaupsú...

Útgáfa fyrstu vottuðu kolefniseininganna
Fréttir 23. janúar 2023

Útgáfa fyrstu vottuðu kolefniseininganna

Yggdrasill Carbon hefur fengið útgefnar fyrstu íslensku vottuðu kolefniseiningar...

Vinnsla á próteini úr grasi
Fréttir 20. janúar 2023

Vinnsla á próteini úr grasi

Þörf heimsins fyrir prótein er alltaf að aukast og sífellt er leitað leiða til a...

Smitvarnir áréttaðar
Fréttir 20. janúar 2023

Smitvarnir áréttaðar

Í ljósi útbreiðslu bráðsmitandi afbrigðis af fuglaflensu H5N1 sá Eigenda- og ræk...

Hnökrar hjá þvottastöðinni í ullarþurrkun og -móttöku
Fréttir 19. janúar 2023

Hnökrar hjá þvottastöðinni í ullarþurrkun og -móttöku

Á undanförnum vikum hafa hnökrar verið á ullarþurrkun í ullarþvottastöðinni á Bl...