Vinsamlegast athugið að þetta efni er eldra en 7 ára.
Umræða um egg frá búr­hænum á villigötum
Fréttir 15. september 2016

Umræða um egg frá búr­hænum á villigötum

Höfundur: ehg /landrugsavisen
Undanfarið hafa skapast heitar umræður í Danmörku milli fagfólks annars vegar og verslanakeðja hins vegar um heilnæmi eggja frá búrhænum og nú ber svo við að verslanarisinn REMA 1000 ásamt fleiri verslanakeðjum munu eingöngu selja egg frá lausagönguhænum frá og með 2018. 
 
Þykja mörgum að verslanakeðjurnar hreinlega ásæki bændur með búrhænur og er fagfólk margt hvert hneykslað á umræðunni því ýmis vandamál geta fylgt rekstri með lausagönguhænur. 
 
Fleiri greinar og fréttir hafa birst vegna þessarar umræðu í Danmörku upp á síðkastið og er nú svo komið að fagfólk kallar eftir upplýstari umræðu um muninn á því að halda búrhænur og lausagönguhænur. Nú hefur dagvöruverslunin þar í landi gefið út að eftir 2020 muni ekki verða mögulegt að kaupa egg búrhænsna í matvöruverslunum. 
 
Varúðarráðstafanir mikilvægar
 
Landbrugsavisen skrifaði um málefnið á dögunum og vitnar í Jens Peter Christensen, lektor við Kaupmannahafnarháskóla, sem er sérfræðingur í fiðurfjársjúkdómum. Jens segir skýrt að ekki sé hægt að tala um að ein framleiðsluaðferð sé betri en önnur; „Dýravelferð er ekki eingöngu sólarljós og rými heldur einnig varúðarráðstafanir til að koma í veg fyrir sjúkdóma og háa dánartíðni.“ Það er einmitt há dánartíðni sem er ein af áskorununum hjá framleiðendum með lausagönguhænur og einnig í lífrænni ræktun. Þegar hænurnar eru frjálsar er hætta á að þær komist í snertingu við rándýr og þar af leiðandi sníkjudýr sem er líklegra að geti gerst til dæmis í lífrænni ræktun en þegar um búrhænsni er að ræða. Að auki er sú tilhneiging að kroppa í hver aðra og jafnvel drepa þær veikustu í hópnum útbreitt vandamál í lausagöngu. 
 
Þarf að upplýsa neytendur
 
Jens leggur enn fremur áherslu á að upplýsa þurfi neytendur sem vita ekki alltaf hvað hugtökin þýða eða hvernig hver og ein ræktun fer fram. Það sé ljóst að hærra verð fáist fyrir egg lausagönguhænsna og í lífrænni ræktun en að sú staðreynd megi ekki koma niður á vali neytenda.

Skylt efni: eggjabú | búrhænur | varphænur

Nýir liðsmenn Bændablaðsins
Fréttir 21. júní 2024

Nýir liðsmenn Bændablaðsins

Lesendur hafa kannski tekið eftir nýjum efnisþáttum í blaðinu í vor. Hugarleikfi...

Opnað fyrir milljarða króna fjármögnun
Fréttir 21. júní 2024

Opnað fyrir milljarða króna fjármögnun

Lítil og meðalstór fyrirtæki á Íslandi fá aðgengi að 3,2 milljarða króna fjármög...

Stækka ræktarland og fjölga vörutegundum
Fréttir 20. júní 2024

Stækka ræktarland og fjölga vörutegundum

Hvítlauksbændurnir í Neðri-Brekku í Dölum fengu nýlega tvo styrki úr Matvælasjóð...

Verðlaunuðu góðan árangur
Fréttir 20. júní 2024

Verðlaunuðu góðan árangur

Tabea Elisabeth Schneider hlaut verðlaun fyrir besta árangur á B.S. prófi þegar ...

Fuglum fækkar vegna óveðurs
Fréttir 20. júní 2024

Fuglum fækkar vegna óveðurs

Samkvæmt fuglatalningu varð algjört hrun í fjölda fugla á Norðausturlandi þegar ...

Óhrædd að takast á við áskoranir
Fréttir 19. júní 2024

Óhrædd að takast á við áskoranir

Tilkynnt var um ráðningu Margrétar Ágústu Sigurðardóttur í starf framkvæmdastjór...

Halla færir út kvíarnar
Fréttir 19. júní 2024

Halla færir út kvíarnar

Halla Sif Svansdóttir Hölludóttir, garðyrkjuframleiðandi og eigandi garðyrkjustö...

Sala Búvís stöðvuð
Fréttir 19. júní 2024

Sala Búvís stöðvuð

Samkeppniseftirlitið hefur komið í veg fyrir að Skeljungur kaupi Búvís ehf. þar ...