Vinsamlegast athugið að þetta efni er eldra en 3 ára.
Guðfinna Harpa Árnadóttir, bóndi á Straumi í Hróarstungu, var kjörinn nýr formaður Landssamtaka sauðfjárbænda (LS). Kosið var á milli þriggja frambjóðenda á aðalfundi LS. Í framboði voru auk Guðfinnu Hörpu þeir Trausti Hjálmarsson, bóndi í Austurhlíð 2, o
Guðfinna Harpa Árnadóttir, bóndi á Straumi í Hróarstungu, var kjörinn nýr formaður Landssamtaka sauðfjárbænda (LS). Kosið var á milli þriggja frambjóðenda á aðalfundi LS. Í framboði voru auk Guðfinnu Hörpu þeir Trausti Hjálmarsson, bóndi í Austurhlíð 2, o
Mynd / smh
Fréttir 11. apríl 2019

Trúir því að hægt sé að styrkja rekstrargrundvöll sauðfjárbúa

Höfundur: smh

Guðfinna Harpa Árnadóttir, bóndi á Straumi í Hróarstungu, var kjörinn nýr formaður Landssamtaka sauðfjárbænda (LS) á aðalfundi samtakanna á Hótel Sögu á föstudaginn. 

Kosið var á milli þriggja frambjóðenda í fyrstu umferð; þeirra Trausta Hjálmarssonar, bónda í Austurhlíð 2, og Sigurðar Þórs Guðmundssonar í Holti, auk Guðfinnu Hörpu. 

Í seinni umferð var kosið á milli þeirra Guðfinnu Hörpu og Sigurðar Þórs þar sem þau hlutu flest atkvæði í fyrstu umferð og hlaut Guðfinna þá 23 atkvæði en Sigurður 15 og einn skilaði auðu.

Jákvæð merki á mörkuðum

Guðfinna Harpa starfar hjá Ráðgjafarmiðstöð landbúnaðarins og hefur áður starfað hjá Búnaðarsambandi Austurlands. Hún segir að í stuttu máli sé það hennar skoðun að jákvæð merki séu varðandi horfur á lambakjötsmörkuðum og þar af leiðandi verð til bænda en staðan sé þó enn þá mjög viðkvæm. „Allir þeir sem þar koma að þurfa því áfram að vanda til verka þannig að vel takist til. Þegar bilið á milli afurðaverðs og framleiðslukostnaðar verður svo mikið sem það hefur verið undanfarin haust er mjög mikilvægt að ná kröftugum viðsnúningi þannig að hægt sé að styrkja á ný rekstrargrundvöll búanna. Ég trúi því að það takist þar sem við sauðfjárbændur framleiðum frábært hráefni, spennandi markaðsverkefni eru í gangi og þrýstingur vegna framleiðslumagns fer minnkandi.“

Fyrirliggjandi stór verkefni

„Fyrst mun ég þurfa að setja mig hratt inn í hin ýmsu verkefni samtakanna þar sem ég hef ekki áður setið í stjórn en þar er ég heppin að hafa öfluga stjórnarmenn og framkvæmdastjóra mér innan handar,“ segir Guðfinna Harpa um sín fyrstu verk í embætti. „Fyrir liggja stór verkefni og má sem dæmi nefna áframhaldandi átak í markaðsmálum sauðfjárræktarinnar, endurskoðun rammasamnings um almenn skilyrði landbúnaðar, verkefni tengd umhverfismálum svo sem kolefnisjöfnun greinarinnar og efling grasrótar landssamtakanna.“

Nýja stjórn Landssamtaka sauðfjárbænda skipa auk Guð-finnu Hörpu þeir Gunnar Þórarinsson, Þóroddsstöðum, Böðvar Baldursson, Ysta-Hvammi, Trausti Hjálmarsson, Austurhlíð 2 og Einar Guðmann Örnólfsson, Sigmundarstöðum, sem kemur nýr inn í stjórn í stað Þórhildar Þorsteinsdóttur, Brekku.

Miðaldaminjar fundnar í Grímsey
Fréttir 17. maí 2022

Miðaldaminjar fundnar í Grímsey

Nú er unnið að undirbúningi kirkjubyggingar í Grímsey en smíði hennar mun hefjas...

Fjórtán ára meðhjálpari í Saurbæjarkirkju
Fréttir 17. maí 2022

Fjórtán ára meðhjálpari í Saurbæjarkirkju

Tryggvi Sveinn Eyjólfsson er yngsti meðhjálpari landsins því hann er aðeins 14 á...

Uppbygging hringrásarhagkerfis Mývatnssveitar
Fréttir 17. maí 2022

Uppbygging hringrásarhagkerfis Mývatnssveitar

Fyrir nokkru var undirrituð samstarfsyfirlýsing á milli Skútu­staða­hrepps og Pl...

Nesbú með nýtt lífrænt hænsnahús í Flóanum fyrir 18 þúsund fugla
Fréttir 16. maí 2022

Nesbú með nýtt lífrænt hænsnahús í Flóanum fyrir 18 þúsund fugla

Nesbú á Vatnsleysuströnd er þessa dagana að taka í notkun nýtt og glæsilegt lífr...

Kolvetnasnauðu Queen Anne kartöflurnar fá góðar viðtökur
Fréttir 16. maí 2022

Kolvetnasnauðu Queen Anne kartöflurnar fá góðar viðtökur

Nýverið kom á markað kartaflan Queen Anne frá Þórustaða Kartöflum sem hefur mun ...

Arfgerðin T137 finnst á Botnum og reynist útbreidd á Árskógsströndinni
Fréttir 16. maí 2022

Arfgerðin T137 finnst á Botnum og reynist útbreidd á Árskógsströndinni

Arfgerðar­greiningar á príon­próteini (PrP) kinda eru nú í fullum gangi. Að sögn...

„Ég hef lagt niður vopnin“
Fréttir 13. maí 2022

„Ég hef lagt niður vopnin“

Sigríður Jónsdóttir bóndi og fjölskyldan í Arnarholti í Biskups­tungum ætla að h...

Kúabændur misvel í stakk búnir til að bregðast við versnandi rekstrarhorfum
Fréttir 13. maí 2022

Kúabændur misvel í stakk búnir til að bregðast við versnandi rekstrarhorfum

Herdís Magna Gunnarsdóttir, bóndi á Egilsstöðum á Fljóts­dalshéraði, var kjörin ...