Vinsamlegast athugið að þetta efni er eldra en 6 ára.
Þýskur Eicher – varð indversk- finnsk-amerískur
Á faglegum nótum 13. júlí 2017

Þýskur Eicher – varð indversk- finnsk-amerískur

Höfundur: Hörður Kristjánsson

Í þorpinu Forstern, nærri München í Bæjaralandi í Þýskalandi, var fyrsta Eicher dráttarvélin smíðuð árið 1930. Það var Eicher Diesel 22PSI – 1939. Dró hún nafn sitt af þúsundþjalasmiðnum Albert Eicher. Var þetta upphafið að umfangsmiklum rekstri Eicher Forstern og Dingolfing verksmiðjanna.

Áður en hafist var handa við framleiðsluna voru gerðar margvíslegar tilraunir og sótt um einkaleyfi á fjölmörgum hlutum. Var smíðin á fyrstu  Eicher vélinni í raun þróuð upp úr gamalli þriggja hjóla dráttarvél og sjálfvirkri sláttuvél. 
Það voru bræðurnir Joseph og Albert Eicher sem lögðu grunninn að þessari framleiðslu, Þeir voru fæddust og ólust upp í landbúnaði í Þýskalandi. Áhugi þeirra á landbúnaði kallaði fram hugmyndir að margvíslegum búnaði til að létta mönnum vinnuna í landbúnaði.
Árið 1949 komu þeir fram með dráttarvél sem var með loftkældum mótor sem skoraði hátt í þessum geira.

Stofnaði fyrirtæki á Indlandi

Árið 1959 var stofnað fyrirtækið Eicher Tractor Corporation of India Private Ltd. Var það í samvinnu við Goodearth Company í Nýju-Delí á Indlandi sem stofnað var sem dreifingar- og þjónustufyrirtæki árið 1948. Kom þá fram 1959 módelið af Eicher ED3 dráttarvélinni. 
Selt til TAFE

Hóf fyrirtækið framleiðslu á indverskri útgáfu af Eicher dráttarvélum árið 1960. Var þessi dráttarvélaframleiðsla síðar seld til fyrirtækisins Tractors And Farm Equipment Ltd (TAFE) í Chennai á Indlandi sem enn framleiðir Eicher dráttarvélar.
Frá 1965 hefur Eicher Tractor Corporation eingöngu verið í eigu indverskra hluthafa. Massey Ferguson keypti 30% hlut í þýska fyrirtækinu Eicher árið 1970. Voru þýsku eigendurnir svo keyptir út úr fyrirtækinu árið 1973. Í framhaldinu framleiddi fyrirtækið síðan undir nafninu Eicher Gootearth og síðan eingöngu Eicher. Í framhaldinu var nafninu breytt í Eicher Valtra og síðan Euro Power.
Árið 2005 seldi Eicher Motors Ltd. dráttarvélahlutann, Tractors & Engines, til TAFE og úr varð dótturfélagið TAFE Tractors And Farm Equipment Ltd.

Í eigu Valtra

Dráttarvélar af gerðinni Eicher Valtra og Ero Power eru sömu vélarnar og hafa verið seldar sem Eicher 6100 sem allar eru smíðaðar samkvæmt framleiðsluleyfi frá hinum finnska dráttarvélaframleiðanda.

Í eigu AGCO

Valtra, sem er hluti af AGCO samsteypunni (Agricultural quipment manufacturer), sem er með höfuðstöðvar í Duluth í Georgíu í Bandaríkjunum sem er nú orðinn aðaleigandi að dráttarvélarfyrirtæki sem upprunnið er í Bæjaralandi.

Afsprengi úr Deutz

AGCO var stofnað 1990 þegar yfirmaður hjá Deutz-Allis keypti samnefnt fyrirtæki í Bandaríkjunum af móðurfélaginu Klöckner-Humboldt-Deutz í Þýskalandi sem átti Deutz-Fahr dráttarvélamerkið.

Skylt efni: Gamli traktorinn

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...