Vinsamlegast athugið að þetta efni er eldra en 4 ára.
Þverpólítískur starfshópur skipaður um orkustefnu fyrir Ísland
Fréttir 8. maí 2018

Þverpólítískur starfshópur skipaður um orkustefnu fyrir Ísland

Þórdís Kolbrún Reykfjörð Gylfadóttir, ferðamála-, iðnaðar- og nýsköpunarráðherra, hefur skipað starfshóp með aðkomu allra þingflokka til að vinna orkustefnu fyrir Ísland.

Í tilkynningu frá atvinnu- og nýsköpunarráðuneytinu kemur fram að þess sé vænst að tillaga hópsins verði lögð fram til umræðu á Alþingi í byrjun árs 2020.

Tilkynning ráðuneytisins fer hér á eftir:

„Kveðið er á um gerð langtímaorkustefnu í stjórnarsáttmála ríkisstjórnarinnar. Tillaga Þórdísar Kolbrúnar um tilhögun verkefnisins var samþykkt í ríkisstjórn þann 19. janúar sl. og í kjölfarið var óskað eftir tilnefningum í starfshópinn.

„Það er mikilvægt og metnaðarfullt markmið að ná breiðri pólitískri samstöðu um langtímaorkustefnu fyrir Ísland. Ef vel tekst til gæti niðurstaðan orðið eins konar þjóðarsátt um orkumál sem hægt verður að byggja á til langrar framtíðar,“ segir Þórdís Kolbrún. „Verkefnið er spennandi og ég bind vonir við að okkur takist að sameinast um tilgang og markmið í orkumálum, þjóðinni til heilla. Ég óska öllum fulltrúum í starfshópnum velfarnaðar og tel að þau séu öfundsverð af verkefninu þótt það verði krefjandi.“

Miðað er við að orkustefnan verði sett til 20-30 ára og sæti endurskoðun á nokkurra ára fresti. Þættir sem horfa skal til eru meðal annars:

  • Áætluð orkuþörf til langs tíma
  • Hvernig tryggja megi raforkuframboð fyrir almenning og atvinnulíf
  • Orkuöryggi heimila og fyrirtækja um land allt
  • Sjálfbær nýting orkuauðlinda
  • Áframhald orkuskipta og aukið hlutfall endurnýjanlegra orkugjafa í orkubúskapnum
  • Nýsköpun í orkumálum
  • Aukið afhendingaröryggi raforku á landsvísu
  • Hvernig treysta megi flutnings- og dreifikerfi raforku
  • Auknar rannsóknir, m.a. varðandi nýja orkukosti
  • Útflutningur hugvits og þekkingar á sviði orkumála
  • Efling samráðs vegna framkvæmda á fyrri stigum og opið aðgengi að ákvarðanatöku
  • Efling samkeppni á raforkumarkaði
  • Samspil orkumála við ímynd Íslands, markaðssetningu og tengsl við lykilatvinnugreinar
  • Framlag orkumála til loftslagsmála og samspil við alþjóðlegar skuldbindingar um loftslagsmál
  • Að hámarka samfélagslegan ávinning af nýtingu orku
  • Tekjustreymi af orkuinnviðum, að arður af nýtingu orkuauðlinda renni til þjóðarinnar og tekið sé tillit til nærsamfélaga
  • Fyrirkomulag gjaldtöku í tengslum við nýtingu orkuauðlinda í opinberri eigu
  • Viðbrögð við náttúruvá og tenging við almannavarnir
  • Hugmyndir um útflutning raforku um sæstreng
  • Stuðningur stefnunnar við atvinnustefnu og samspil við lykilatvinnugreinar
  • Stuðningur stefnunnar við byggðastefnu og jákvæða byggðaþróun til lengri tíma
  • Möguleikar nýrrar tækni m.a. á sviði vindorku, djúpborunar og sjávarfallaorku

Starfshópinn skipa:

  • Guðrún Arnbjörg Sævarsdóttir, formaður
  • Páll Jensson, varaformaður
  • Albertína F. Elíasdóttir, tilnefnd af þingflokki Samfylkingarinnar
  • Árni V. Friðriksson, tilnefndur af þingflokki Miðflokksins
  • Halla Signý Kristjánsdóttir, tilnefnd af þingflokki Framsóknarflokksins
  • Kolbeinn Óttarsson Proppé, tilnefndur af þingflokki Vinstrihreyfingarinnar - græns framboðs
  • Kristín Vala Ragnarsdóttir, tilnefnd af þingflokki Pírata
  • Njáll Trausti Friðbertsson, tilnefndur af þingflokki Sjálfstæðisflokksins
  • Ólafur Ísleifsson, tilnefndur af þingflokki Flokks fólksins
  • Þorsteinn Víglundsson, tilnefndur af þingflokki Viðreisnar
  • Brynhildur Davíðsdóttir, tilnefnd af umhverfis- og auðlindaráðuneytinu
  • Harpa Þórunn Pétursdóttir, tilnefnd af atvinnuvega- og nýsköpunarráðuneytinu
  • Magnús Júlíusson, tilnefndur af fjármála- og efnahagsráðuneytinu
  • Ólafur Kr. Hjörleifsson, tilnefndur af samgöngu- og sveitarstjórnarráðuneytinu
  • Starfsmaður hópsins er Erla Sigríður Gestsdóttir sérfræðingur í atvinnuvega- og nýsköpunarráðuneytinu.

Lagt er fyrir starfshópinn að hafa víðtækt samráð í störfum sínum, kalla eftir hugmyndum við upphaf starfs og leggja drög að langtímaorkustefnu fram í opið umsagnarferli þar sem öllum gefist færi á að senda inn athugasemdir og tillögur. Að lokinni úrvinnslu verði tillaga starfshópsins lögð fram á Alþingi til umræðu, eins og áður segir, í ársbyrjun 2020.“

Skylt efni: orkumál | orkustefna

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...