Vinsamlegast athugið að þetta efni er eldra en 6 ára.
Systurnar Lilja og Stella Bjarnadætur útskrifuðust saman úr búfræði á dögunum.
Systurnar Lilja og Stella Bjarnadætur útskrifuðust saman úr búfræði á dögunum.
Mynd / Úr einkasafni
Líf og starf 26. júní 2018

Systur meðal útskriftarnema

Höfundur: Bjarni Rúnarsson
Við brautskráningu frá Landbúnaðar­háskóla Íslands þann 1. júní sl. voru meðal útskriftarnema systurnar Lilja Dóra og Stella Dröfn Bjarnadætur. Þær hafa fylgst að í gegnum námið og hjálpast að með þau verkefni sem námið býður upp á og segja það ómetanlegt að hafa stuðning frá hvor annarri. 
 
Systurnar ásamt mökum sínum.
Systurnar eru fæddar og uppaldar á Mannskaðahóli í Skagafirði og höfðu því báðar góðan bakgrunn í búskap áður en þær hófu nám í búfræði. Áður höfðu þær báðar lokið stúdentsprófi frá Fjölbrautaskólanum á Sauðárkróki. Þær hófu svo nám á Hvanneyri ásamt unnustum sínum, þeim Friðriki Andra Atlasyni frá Syðri-Hofdölum í Skagafirði og Jóhannesi Geir Gunnarssyni frá Efri- Fitjum í Vestur- Húnavatnssýslu, sem einnig útskrifuðust nú í vor. 
 
 
Nóg af búfræðingum á Mannskaðahóli 
 
Þess má einnig geta að systir þeirra Lilju og Stellu, Sunna Dís, útskrifaðist einnig frá Hvanneyri árið 2014 ásamt unnusta sínum, Bjarna Salberg Péturssyni. Því ætti ekki að vera vandamál að fá góð ráð við búskapinn á Mannskaðahóli. 
Þær Lilja og Stella kunnu vel við sig á Hvanneyri. „Hvanneyri er náttúrlega æðislegur staður þar sem öllum ætti að líða vel. Námið gaf okkur mjög góðan grunn fyrir framtíðina sem verðandi bændur og mælum við alveg klárlega með þessu námi fyrir alla þá sem hafa áhuga á landbúnaði á einhvern hátt.“ 
 
Gott félagslíf og góðar minningar 
 
Það sem stendur upp úr dvöl þeirra systra á Hvanneyri er hversu gott samfélagið á Hvanneyri sé. Þannig verði Hvanneyri annað heimili þeirra sem þangað fara. Allir séu góðir félagar og vel passað upp á að félagslífið sé fjörugt og skemmtilegt. Minningar þeirra frá dvölinni séu eingöngu góðar og hlýjar. Þær segja að námið sé ekki síður hentugt fyrir stelpur en stráka. „Þetta er ekkert meira nám fyrir stráka en stelpur þar sem við erum sko ekkert minna harðar en þeir!“ 
Í framhaldi af námsdvöl sinni stefna systurnar báðar á að fara inn í búskapinn og gera það sem þeim finnst skemmtilegast að gera. Annars sé góð regla að hugsa bara um einn dag í einu og njóta hvers dags til fulls því lífið sé núna. 
Mögulegur milliliður í kjötinnflutningi
Fréttir 17. júlí 2024

Mögulegur milliliður í kjötinnflutningi

Ýmislegt bendir til þess að fyrirtækið Háihólmi sé milliliður í innflutningi Kau...

Hestamennska gefur lífinu lit
Fréttir 17. júlí 2024

Hestamennska gefur lífinu lit

Það gustaði um hross kennd við Vöðla í Rangárþingi ytra á Landsmóti hestamanna.

Skrifað undir landsáætlun um útrýmingu á sauðfjárriðu
Fréttir 17. júlí 2024

Skrifað undir landsáætlun um útrýmingu á sauðfjárriðu

Skrifað var undir nýja landsáætlun um útrýmingu á sauðfjárriðu í Hörpu á mánudag...

Ársgamall kjúklingur enn í verslunum
Fréttir 16. júlí 2024

Ársgamall kjúklingur enn í verslunum

Þrátt fyrir að meira en ár er liðið frá síðustu sendingu kjúklingakjöts frá Úkra...

Mannelski og sjálfsöruggi gæðingafaðirinn
Fréttir 16. júlí 2024

Mannelski og sjálfsöruggi gæðingafaðirinn

Olil Amble og Bergur Jónsson á Syðri-Gegnishólum hafa náð einstökum árangri í hr...

Ráðuneytið svarar ESA um óvissuatriði
Fréttir 15. júlí 2024

Ráðuneytið svarar ESA um óvissuatriði

Matvælaráðuneytið segir í svari við fyrirspurn ESA, Eftirlitsstofnun EFTA, að sa...

Farsæll áhugaræktandi
Fréttir 15. júlí 2024

Farsæll áhugaræktandi

Þrír synir undan heiðursverðlaunahryssunni Álöfu frá Ketilsstöðum komu fram á La...

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.