Vinsamlegast athugið að þetta efni er eldra en 9 ára.
Engidalur við Skutulsfjörð.
Engidalur við Skutulsfjörð.
Mynd / HKr.
Fréttir 27. janúar 2015

Steingrímur í Efri-Engidal ætlar alla leið með málið

Höfundur: smh
Eins og komið hefur fram í fréttum á undanförnum vikum hefur Steingrímur Jónsson, bóndi í Efri-Engidal í Skutulsfirði, ekki enn fengið skaðabætur frá Ísafirði vegna díoxínmengunar sem varð vart í búfé og mjólk á bænum og er rakið til sorpbrennslu á vegum bæjarins. 
 
Málið komst í hámæli í desember árið 2010 þegar díoxín greindist í mjólk frá bænum. Í kjölfarið, um vorið 2011, var bústofn hans svo felldur; um áttatíu kindur og tuttugu nautgripir. 
 
Steingrímur segist ekki heldur hafa fengið neitt formlegt tilboð frá bænum um skaðabætur, en Fréttablaðið greindi frá því á dögunum að bærinn hefði náð samkomulagi við bændur á tveimur nálægum bæjum, þar sem fella þurfti fé.
 
 „Ég ætla með þetta mál alveg til enda og er með mál í gangi sem bara mjakast rólega áfram. Matsmenn á vegum bæjarins hafa metið hluta af þessum skaða og það má vera að það verði hægt að leysa sauðfjárhlutann með einhvers konar sátt við bæinn. Ég sé þó enga lausn á þessum málum á allra næstu mánuðum.“
 
Er með kominn með 100 fjár
 
„Ég fékk heimild fyrir því frá Matvælastofnun að hefja aftur sauðfjárbúskap og ég hóf búskap aftur í fyrrahaust. Ég hef verið með um 100 fjár í vetur – en ekki nautgripi að svo stöddu. Mér er sagt að sauðfé taki ekki upp mikið díoxín og því sé það óhætt.“
 
Gísli Halldór Halldórsson, bæjarstjóri á Ísafirði, lét hafa eftir sér í viðtali við Fréttablaðið að bærinn viðurkenni ekki skaðabótaskyldu vegna díoxínmengunar frá sorpbrennslunni í Engidal, þótt bærinn ætli að taka þátt í að bæta tjón bænda á svæðinu. Þar segist hann aldrei hafa séð gögn sem sýni fram á díoxínmengun í kjötinu úr Engidal, sem væri marktækt yfir mörkum. Hann viðurkennir þó að sýni af nautahakki hafi verið lítillega yfir öryggismörkum.
 
Ljóst er þó að sýni úr mjólk, nautgripum og sauðfé frá Efri-Engidal hafa öll sýnt díoxínmengun yfir hámarksákvæðum. Það kemur skýrt fram í skýrslu sérfræðihóps MAST, sem fjallaði um áhrif díoxínmengunar á framtíð búskapar í Engidal í Skutulsfirði, og birt var í byrjun 2011. Skýrslan var birt á heimasíðu Matvælastofnunar og hana er enn þar að finna undir mast.is/uploads/document/skyrslur. 
 
Passíusálmar sr. Hallgríms
Fréttir 29. mars 2024

Passíusálmar sr. Hallgríms

Passíusálmarnir verða fluttir í Hallgrímskirkju á föstudaginn langa.

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...