Vinsamlegast athugið að þetta efni er eldra en 6 ára.
Stefnt að gjaldtöku á bílastæðunum við Seljalandsfoss og Skógafoss
Fréttir 3. mars 2016

Stefnt að gjaldtöku á bílastæðunum við Seljalandsfoss og Skógafoss

Höfundur: Magnús Hlynur Hreiðarsson
„Á þessu stigi getum við ekki svarað því þó að við stefnum að því. Til þess að þetta sé möguleiki verður samstaða að ríkja meðal landeigenda en við erum landeigendur við  Seljalandsfoss ásamt með fjórum jörðum  við Seljaland.
 
Við Skóga eru þetta héraðsnefndirnar tvær, Vestur-Skaftfellinga og Rangæinga, þannig að þar koma fimm sveitarfélög að málinu. Við þurfum líka að færa til og laga bílastæði við fossana, það er væntanlega forsenda þess að geta hafið gjaldtöku,“ segir Ísólfur Gylfi Pálmason, sveitarstjóri Rangárþings eystra, þegar hann var spurður hvort það ætti að fara að taka upp gjaldtöku á bílastæðunum fyrir ferðamenn við Seljalandsfoss og Skógafoss, sem báðir eru staðsettir í Rangárþingi eystra. Sveitarfélagið hefur verið í sambandi við fyrirtæki sem sérhæfa sig í búnaði varðandi gjaldtöku á bílastæðum,  salernum og þess háttar.  Við Seljalandsfoss hefur verið rætt um að gjaldtakan  verði hugsanlega í höndum heimamanna, þ.e. að landeigendur sjái um þennan þátt ferðaþjónustunnar.
 
Ekki hlynntur skoðunargjöldum
 
En hvað með Ísólf Gylfa sjálfan, vill hann sjá gjaldtöku við ferðamannastaði í sveitarfélaginu?
„Ég vildi gjarnan komast hjá því að innheimta einhvers konar skoðunargjöld. Hins vegar er mikill átroðningur við þessa staði, við rekum salerni o.þ.h. sem er kostnaðarsamt og engin ástæða að reka frítt fyrir ferðamenn. Sjálfur hefði ég kosið að þessi gjöld væru inni í farmiðanum til  Íslands eða einhvers konar borgar- eða landsgjald eins og þekkist víða í útlöndum.“ Rætt hefur verið um samræmda gjaldtöku á ferðamannastöðum í Rangárþingi eystra en út á hvað gengur sú hugmynd?
 
„Við höfum verið á sameiginlegum fundum með ferðaþjónustuaðilum sem eru við Suðurströndina. Það er afar æskilegt að þetta sé með sama eða svipuðum hætti alls staðar. Við  erum líka á Kötlu jarðvangssvæði og þetta eru alls konar vangaveltur sem hafa komið upp.
 
Auðvitað er líka ákveðin skylda sem liggur á ferðaskrifstofum og rútu­fyrirtækjum sem koma með gestina á þessa fjölförnu staði. Flestar nýjar rútur eru með salernisaðstöðu sem einhverjir fullyrða að lítið séu notaðar, það þarf líka að vera aðstaða til þess að tæma þau ferðaklósett,“ segir Ísólfur Gylfi. 
Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...