Íslendingar eru ekki stórtækir í framleiðslu á korni á heimvísu. Eigi að síður hefur íslenskum bændum af eljusemi tekist áratugum saman að framleiða hér ýmsar tegundir af korni, m.a. bygg, hveiti og hafra. Hér er Páll Eggert Ólafsson, bóndi á Þorvaldseyri, að losa úr þreskivél á vagn.
Íslendingar eru ekki stórtækir í framleiðslu á korni á heimvísu. Eigi að síður hefur íslenskum bændum af eljusemi tekist áratugum saman að framleiða hér ýmsar tegundir af korni, m.a. bygg, hveiti og hafra. Hér er Páll Eggert Ólafsson, bóndi á Þorvaldseyri, að losa úr þreskivél á vagn.
Mynd / HKr.
Fréttir 27. janúar 2021

Spáð er 781 milljón tonna hveitiframleiðslu á þessu ári

Höfundur: Hörður Kristjánsson

Samkvæmt spá Efnahagssam­vinnu og þróunar­stofnunarinnar (OECD) og Matvæla- og land­bún­aðar­stofn­unar Sameinuðu þjóð­anna (FAO), þá mun korn­fram­leiðsla í heiminum aukast á árinu 2021 miðað við síðasta ár og fara í tæplega 781 milljón tonna. OECD og FAO gera ráð fyrir að hveitiframleiðslan haldi áfram að aukast á næstu árum og ný framleiðslu­met verði slegin á hverju ári. Þannig fari hveitiframleiðslan í heiminum yfir 800 milljón tonn árið 2024 og verði komin í 838 milljónir tonna árið 2028. Er þetta þvert á spár á undanförnum árum um að samdráttur verði í hveitiframleiðslu og annarri kornrækt vegna hlýnunar jarðar.

Um 60 milljónir tonna af korni eru notuð í bruggun á bjór og víni í heiminum árlega. Hér er Hákon Hermannsson í brugghúsinu Dokkunni á Ísafirði að huga að sinni bjórframleiðslu.

ESB-löndin og Kína framleiða mest af hveiti

Mestu hveitiframleiðsluþjóðir heimsins á síðasta ári, samkvæmt áætluðum tölum á vefsíðu World Agriculture Prodution, voru ESB-þjóðirnar samanlagt með um 143 milljónir tonna. Þá kom Kína með um 135 milljónir tonna, Indland með um 103 milljónir tonna, Rússland með um 77 milljónir tonna, Bandaríkin með tæplega 51 milljón tonna, Kanada með um 34 milljónir tonna, Úkraína með um 28 milljónir tonna og Pakistan var með rúmlega 26 milljónir tonna, Ástralía með um 24 milljónir tonna og Argentína var í tíunda sæti með um 21 milljón tonna.

Spáð um 1,2 milljarða tonna maísframleiðslu í ár

Framleiðsla á öðrum korntegundum hefur einnig verið að aukast og er þar líka búist við áframhaldandi framleiðsluaukningu. Þannig fór framleiðsla á maís í fyrsta sinn yfir einn milljarð tonna á árinu 2013 og verður samkvæmt spám tæplega 1,185 milljarðar tonna á árinu 2021. Er því spáð af OECD og FAO að maísframleiðsla heimsins verði orðin yfir 1,3 milljarðar tonna árið 2028.

Um 304 milljónir tonna af öðru grófu korni

Framleiðsla á „öðru grófu korni“, sem svo er skilgreint í tölum OECD og FAO, nam tæplega 301 milljón tonna á árinu 2020. Er því spáð að framleiðsla á slíku korni muni fara í rúmlega 304 milljónir tonna á yfirstandandi ári.

Korn maltað fyrir framleiðslu á viskíi. Mynd / Whisky Intelligence

Um 60 milljónir tonna af korni fer í vín- og bjórgerð

Framleiðsla á þurrkuðu korni til vín- og bjórgerðar hefur stóraukist, en það er sérstaklega skilgreint í tölum OECD og FAO fyrir utan aðra kornframleiðslu. Þannig var framleiðslan á slíku korni í nærri 59,9 milljónir tonna á síðasta ári og fer yfir 60 milljónir tonna á árinu 2021.

Um 538 milljónir tonna af hrísgrjónum

Hrísgrjónaframleiðsla heimsins nam rúmlega 532 milljónum tonna á árinu 2020 samkvæmt áætluðum tölum. Er því nú spáð að hrísgrjónaframleiðslan fari í tæplega 538 milljón tonn á árinu 2021. Ræktun og framleiðsla á hrísgrjónum hefur verið að aukast jafnt og þétt á liðnum árum og mun halda áfram að aukast samkvæmt spám. Hrísgrjónaframleiðsla heims­ins mun samkvæmt spám fara yfir 578 milljónir tonna árið 2028. /HKr.

Skylt efni: hveiti | hveitiframleiðsla

Líffræðilegur fjölbreytileiki er í húfi
Fréttir 5. mars 2021

Líffræðilegur fjölbreytileiki er í húfi

Dominique Plédel Jónsson, formaður Slow Food samtakana á Norðurlöndunum og fyrrv...

MS ehf. gert að greiða samtals 480.000.000 krónur vegna brota gegn samkeppnislögum
Fréttir 5. mars 2021

MS ehf. gert að greiða samtals 480.000.000 krónur vegna brota gegn samkeppnislögum

MS ehf. talið hafa mismunað viðskiptaaðilum sínum með ólíkum skilmálum í sams ko...

Viðbrögð MS við niðurstöðu Hæstaréttar
Fréttir 5. mars 2021

Viðbrögð MS við niðurstöðu Hæstaréttar

Með dómi Hæstaréttar í máli nr. 26/2020 er leiddur til lykta ágreiningur um túlk...

Lífræn framleiðsla eykst í löndum ESB
Fréttir 4. mars 2021

Lífræn framleiðsla eykst í löndum ESB

Frá árinu 2012 til 2019 var 46% aukning í landsvæði í löndum Evrópusambandsins s...

Bændasamtök Íslands boða til veffundar um mögulegar breytingar á félagskerfi landbúnaðarins
Fréttir 4. mars 2021

Bændasamtök Íslands boða til veffundar um mögulegar breytingar á félagskerfi landbúnaðarins

Stjórn Bændasamtaka Íslands (BÍ) býður bændum til veffundar fimmtudaginn 4. mars...

Orkídea er vettvangur nýsköpunar fyrir matvælaframleiðslu og líftækni
Fréttir 4. mars 2021

Orkídea er vettvangur nýsköpunar fyrir matvælaframleiðslu og líftækni

Síðasta sumar var undirritað samkomulag á milli Landsvirkjunar, Sambands sunnlen...

Góður árangur og bæting í ræktunarstarfinu á milli ára
Fréttir 3. mars 2021

Góður árangur og bæting í ræktunarstarfinu á milli ára

Ár hvert halda búgreinafélög í Austur-Húnavatnssýslu sam­eigin­lega árshátíð fyr...

Mýrdælingar mótmæla harðlega hugmyndum um bann við fýladrápi
Fréttir 3. mars 2021

Mýrdælingar mótmæla harðlega hugmyndum um bann við fýladrápi

Einar Freyr Elínarson, oddviti Mýrdalshrepps, er mjög ósáttur við frumvarp umhve...