Vinsamlegast athugið að þetta efni er eldra en 8 mánaða.
Sóknarfæri fólgin í því að auka samstarfið
Fréttir 12. september 2023

Sóknarfæri fólgin í því að auka samstarfið

Höfundur: Þórdís Anna Gylfadóttir

Nýlega kynnti Áslaug Arna Sigurbjörnsdóttir háskóla-, iðnaðar- og nýsköpunarráðherra áætlanir um aukið samstarf og mögulega sameiningu Háskólans á Hólum og Háskóla Íslands.

Hólmfríður Sveinsdóttir, rektor Háskólans á Hólum, segir spennandi tíma fram undan.
Mynd / Gunnhildur Gísladóttir

Talið er að það séu sóknarfæri í því að auka samstarfið og með þeim hætti verði hægt að auka gæði námsins og efla samkeppnishæfni íslenskra háskóla.

Við Háskólann á Hólum er boðið upp á nám á þremur sérsviðum – hestafræði, ferðamálafræði ásamt námi í fiskeldis-, sjávar- og vatnalíffræði. Í frétt Morgunblaðsins er greint frá því að fiskeldis- og fiskalíffræðideild ásamt ferðamáladeild Háskólans á Hólum hafa nú í haust þegar hafið samstarfið með sameiginlegum námsbrautum með Háskóla Íslands. Þá hefur hestafræðideild hafið samstarf um uppbyggingu rannsókna á íslenska hestinum með Keldum - tilraunastöð Háskóla Íslands í meinafræði. Með auknu samstarfi fær Háskóli Íslands einnig viðurkenningu á fræðasviði auðlinda og búvísinda, sem þá hefur skort hingað til.

Fyrirhugað samstarf

Rektor Háskólans á Hólum, Hólmfríður Sveinsdóttir, var tekin tali og spurð um fyrirhugað samstarf við Háskóla Íslands. „Það sem um ræðir er aukið samstarf milli háskólanna. Við horfum til erlendrar fyrirmyndar þar sem háskólasamstæður eru vel þekktar og hafa gefið góða raun. Til að taka af allan vafa þá mun Háskólinn á Hólum halda sínu sjálfstæði áfram og sinni starfsemi og sérþekkingu sem hér er. Stóra verkefnið fram undan verður að útfæra nákvæmlega með hvaða hætti aukin tengsl og formlegt samstarf skólanna verður.“

Aðspurð hver tilgangurinn sé með samstarfi skólanna segir Hólmfríður að samstarfið snúist um að auka gæði námsins með því að bjóða upp á fjölbreyttara nám og efla upplifun nemenda. „Ég trúi því að með auknu samstarfi munum við geta boðið upp á fjölbreyttari námsleiðir, betri aðstöðu til náms og rannsókna og öflugri stuðning við starfsfólk og nemendur skólans. Það mun skila sér í fleiri nemendum og fjölbreyttari rannsóknum. Auk þess munu tengingar milli landsbyggðar og höfuðborgar sem og tengingar milli háskóla og atvinnulífs eflast. Það hefur verið ein af sérstöðum Háskólans á Hólum hversu góðar og öflugar tengingar skólinn hefur haft við atvinnulíf þeirra námsbrauta sem hér eru kenndar.“

Spennandi tímar fram undan

Hólmfríður segir spennandi tíma fram undan og ljóst sé að aukið samstarf við Háskóla Íslands muni opna margar dyr. „Með auknu samstarfi getum við t.d. aukið framboð af þverfaglegu námi innan fræðasviða skólans en einnig boðið upp á frekara nám og sérhæfingu á meistarastigi fyrir þá sem hér útskrifast. Það eru t.d. möguleikar að útvíkka nám í kennslufræðum innan reiðkennslunnar, efla nám í viðskiptagreinum innan allra sérsviða Háskólans á Hólum og skoða tækifæri til náms og rannsókna á heilbrigðisvísindasviði í samstarfi við sérsvið skólans.“ Í því sambandi greinir Hólmfríður frá áhugaverðri rannsókn sem nýlega fór í gang og ber heitið „samhæfing barns og hests“ þar sem skoðað er hvort mögulegt sé að meta líffræðilegar og sálrænar breytingar á börnum sem umgangast hesta.

Fræðasvið fá styrki

Fyrr á þessu ári hlaut Háskólinn á Hólum þrjá stóra styrki úr „Samstarfi Háskóla“ sem er sjóður sem háskóla-, iðnaðar- og nýsköpunarráðuneytið setti á laggirnar til að efla samstarf milli háskóla á Íslandi. Öll fræðasvið Háskólans á Hólum hlutu styrk. Ferðamálafræðin hlaut styrk til að efla nám í ferðamálafræði á ensku í samstarfi við Háskóla Íslands. Fiskeldis- og fiskalíffræðin hlaut styrk til að setja á laggirnar nám og rannsóknir í sjálfbæru lagareldi í samstarfi við alla opinberu háskólana ásamt fleirum. Hestafræðideildin hlaut styrk til að byggja upp Akademíu íslenska hestsins sem hefur það að markmiði að efla rannsóknir á íslenska hestinum.

Hestafræðideildin leiðir verkefnið en samstarfsháskólarnir eru Landbúnaðarháskóli Íslands og Keldur - tilraunastöð Háskóla Íslands í meinafræði. Í viljayfirlýsingu um aukið samstarf og mögulega sameiningu Háskólans á Hólum og Háskóla Íslands, sem rektorar háskólanna tveggja og ráðherra skrifuðu undir í ágúst sl., er gert ráð fyrir að núverandi kennslu- og rannsóknaaðstaða á Hólum verði gerð upp ásamt því að reist verði sérhæft kennslu- og rannsóknahúsnæði á Sauðárkróki sem myndi m.a. hýsa rannsóknir og kennslu í sjálfbæru lagareldi en slíkt húsnæði er ekki til staðar á Íslandi í dag.

Að lokum segir Hólmfríður: „Ég er sannfærð um að fjölbreytni í námsleiðum, rannsóknum og staðsetningu skólanna (dreifbýli - þéttbýli) sem og aukin tengsl skólanna við samfélag og atvinnulíf muni vega þungt í að tækla áskoranir framtíðarinnar eins og fæðuöryggi, umhverfismál og byggðarþróun.“

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...

Drómasýki í hrossum
Fréttir 13. maí 2024

Drómasýki í hrossum

Drómasýki er vaxandi vandamál í íslenskri hrossarækt. Til stendur að stofna star...