Vinsamlegast athugið að þetta efni er eldra en 4 ára.
Í úttekt KPMG kemur fram að sláturkostnaður sé á bilinu 150 krónur til 350 krónur á hvert kíló.
Í úttekt KPMG kemur fram að sláturkostnaður sé á bilinu 150 krónur til 350 krónur á hvert kíló.
Mynd / BBL
Fréttir 2. ágúst 2018

Sláturkostnaður á reiki og afkoma af útflutningi óviðunandi

Höfundur: Tjörvi Bjarnason

Skýrsla KPMG um úttekt á afurðastöðvum í sauðfjárframleiðslu kom út í síðustu viku. Í Bændablaðinu er leitað álits Ágústs Torfa Haukssonar, formanns Landssamtaka sláturleyfishafa, Oddnýjar Steinu Valsdóttur, formanns Landssamtaka sauðfjárbænda og Svavars Halldórssonar, framkvæmdastjóra Icelendic Lamb, á því sem kemur fram í skýrslunni um sláturkostnað og útflutning á lambakjöti.

Verðmyndunarferli frá bónda til neytenda ekki skýrt

Tilraunir til þess að meta sláturkostnað virðast ekki hafa skilað ábyggilegum niðurstöðum því í skýrslunni kemur fram að hann sé á bilinu 150 krónur til 350 krónur á hvert kíló. Oddný Steina Valsdóttir, formaður Landssamtaka sauðfjárbænda, segir að það séu vonbrigði. „Við hefðum viljað sjá betri og nákvæmari útreikninga á verðmyndunarferli frá bónda til neytenda en þar er mörgum spurningum ósvarað. Að öðru leyti er hægt að taka undir þær meginlínur sem koma fram í skýrslunni um að hægt sé að ná hagræðingu í afurðastöðvageiranum. Það rímar ágætlega við það sem við höfum haldið fram.“

Ágúst Torfi Hauksson, framkvæmdastjóri Norðlenska og stjórnarformaður Landssamtaka sláturleyfishafa, segir að ekki hafi verið fjallað formlega um skýrslu KPMG á vettvangi sláturleyfishafa. „Skýrslan er um margt áhugaverð en það er kannski ekki margt sem kemur á óvart. Vil þó nefna eitt sem kemur á óvart og ég tel líklegt að sé einhverskonar misskilningur, t.d. ólík framsetning á gögnum, en það er hve mikill munur er á sláturkostnaði, hæsta og lægsta. Mér finnst ólíklegt að þarna sé verið að bera saman sambærilega hluti og að munurinn sé jafn mikill í raun og þarna er sett fram.“

Borgar sig að flytja út kjöt?

Í skýrslunni segir að ekki hafi verið færð sannfærandi rök fyrir því að til séu markaðir þar sem hægt væri að selja íslenskt lambakjöt sem munaðarvöru á hærra verði en almennt gerist á heimsmarkaði.

Svavar Halldórsson, framkvæmdastjóri Icelandic Lamb, segir að víða séu góðir markaðir fyrir íslenskt lambakjöt. Mikilvægt sé að standa vel að markaðssetningu. „Við höfum dæmi eins og Whole Foods og útflutning til Japans þar sem kaupendur eru tilbúnir að greiða hátt verð fyrir íslenskt lambakjöt.“ Svavar leggur líka áherslu á að það verði að gæta þess þegar talað er um meðaltalsverð að sumt af því sem flutt er út eru ódýrir bitar sem ekki seljast hér á landi. „ Fyrir hvern hrygg sem er framleiddur verða líka til slög og frampartar sem þarf að koma í verð.“

Ágúst Torfi telur að við núverandi aðstæður sér æskilegt að draga úr framleiðslu og þar með útflutningi. „Afkoma af útflutningi er óviðunandi og í raun engin. Við þær aðstæður er eðlilegast að minnka framleiðslu og draga úr útflutningi samhliða,“ segir hann.

Skýrslu KPMG er hægt að nálgast í heild sinni hér.

Langflestir íbúar á höfuðborgarsvæðinu
Fréttir 8. febrúar 2023

Langflestir íbúar á höfuðborgarsvæðinu

Samkvæmt tölum Byggðastofnunar fyrir árið 2022 var íbúafjöldi landsins 376.248. ...

Samband neysluverðs og framleiðsluverðs í matvælum
Fréttir 8. febrúar 2023

Samband neysluverðs og framleiðsluverðs í matvælum

Bændur og hinn almenni neytandi hafa lengið staðið bökum saman við að tryggja sa...

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...