Vinsamlegast athugið að þetta efni er eldra en 5 ára.
Kolbrún Sveinsdóttir hjá Matís heldur utan um Making Sense-ráðstefnuna sem fer fram hérlendis í byrjun maí þar sem umræðuefnið mun að mestu snúast um skynfæri okkar og samspil þeirra þegar kemur að matvælum.
Kolbrún Sveinsdóttir hjá Matís heldur utan um Making Sense-ráðstefnuna sem fer fram hérlendis í byrjun maí þar sem umræðuefnið mun að mestu snúast um skynfæri okkar og samspil þeirra þegar kemur að matvælum.
Fréttir 27. apríl 2018

Skynfærin og samspil þeirra í matvælaframleiðslu

Höfundur: Erla Hjördís Gunnarsdóttir

Nordic Sensory Workshop er norræn ráðstefna sem haldin er um það bil annað hvert ár. Að ráðstefnunni standa sérfræðingar á sviði skynmats- og neytendarannsókna á Norðurlöndum og skiptast jafnframt á að halda ráðstefnuna. Hún verður núna haldin í Reykjavík 3.-4. maí og er það Matís sem sér um utanumhald með aðstoð frá norrænum kollegum.


„Skynmat, gæðamál tengd því og neytendamál eru mikilvægur hlekkur í þeirri vinnu sem fer fram i fyrirtækjum sem framleiða og selja neytendavöru. Tilgangur ráðstefnunnar er að tengja betur saman þá sem starfa að þessum málum innan fyrirtækja og vísindafólk ásamt því að gefa fólki tækifæri til að bera saman bækur sínar og kynna sér hvað er helst í deiglunni hverju sinni og hvernig rannsóknir á þessu sviði hafa þróast.

Ráðstefnan nú í maí hefur hlotið yfirskriftina „Making Sense!“ og mun umræðuefnið að mestu snúast um skynfærin okkar og samspil þeirra í tengslum við vöruþróun og matvælaframleiðslu, til dæmis frá rannsóknum á markað,“ segir Kolbrún Sveinsdóttir hjá Matís en norrænir samstarfaaðilar eru frá Svíþjóð Anne Normann og Berit Albinsson, RISE-The Swedish Research Institute, frá Noregi Mats Carlehög, NOFIMA, frá Danmörku Pia Ingholt Hedelund og Tanja Frydenlund Jaedeke, Teknologisk Institut og frá Finnlandi Saara Pentikainen og Raija-Liisa Heinio, VTT-Technical Research Centre of Finland  Ltd.

Gæði svínakjöts og upplifun neytenda

„Það er mikilvægt fyrir fólk sem starfar á þessu sviði, bæði í rannsóknum og iðnaði að hafa vettvang til að hittast, sjá og kynna sér hvað er í gangi, bætt við þekkingu sína og komið sínum áherslum á framfæri, til dæmis með hvað væri gagnlegt að skoða í framhaldinu.

Ráðstefnan er einnig kjörin til að efla tengsl og tækifæri á norrænum slóðum,“ útskýrir Kolbrún og segir jafnframt: „Við reynum að leggja áherslu á Norðurlöndin í heild sinni en í ár verða tveir áhugaverðir fyrirlestrar frá Íslandi sem eru Aðalheiður Ólafsdóttir, skynmatsstjóri Matís, sem mun fjalla um áhrif ólíkrar meðferðar á gæði svínakjöts og upplifun neytenda. Einnig mun Holly T Petty, ráðgjafi hjá Matís fjalla um tæknibyltingar í matvælageiranum með þrívíddartækni.“

Skylt efni: Matvæli

Bæta má orkunýtingu í landbúnaði talsvert
Fréttir 8. desember 2023

Bæta má orkunýtingu í landbúnaði talsvert

Unnt er að spara allt að 1.500 GWst árlega á Íslandi og þar af um 43 GWst í land...

Opnunarhóf í Miðskógi
Fréttir 8. desember 2023

Opnunarhóf í Miðskógi

Byggingu nýs kjúklingahúss í Dölunum er lokið og verður tekið í notkun 1. desemb...

Skilgreina opinbera grunnþjónustu
Fréttir 8. desember 2023

Skilgreina opinbera grunnþjónustu

Unnin hafa verið drög að skilgreiningu á opinberri grunnþjónustu, ásamt greinarg...

Innleiða þarf vistkerfisnálgun
Fréttir 7. desember 2023

Innleiða þarf vistkerfisnálgun

Tímabært þykir að innleiða vistkerfisnálgun á Íslandi með skipulögðum hætti. Fræ...

Verðmætasköpun eykst og mikil sala
Fréttir 7. desember 2023

Verðmætasköpun eykst og mikil sala

Æðarræktarfélag Íslands (ÆÍ) hélt aðalfund að Keldnaholti 18. nóvember. Alls mæt...

Tilraun til að bjarga færeyska hrossakyninu
Fréttir 6. desember 2023

Tilraun til að bjarga færeyska hrossakyninu

Færeyska hestakynið er í útrýmingarhættu en í dag eru til 89 færeysk hross og af...

Nýr stjórnarformaður
Fréttir 6. desember 2023

Nýr stjórnarformaður

Daði Guðjónsson er nýr stjórnarformaður markaðsstofunnar Icelandic Lamb, sem fer...

Margir fengu vel í soðið
Fréttir 6. desember 2023

Margir fengu vel í soðið

Útlit er fyrir að rjúpnaveiði hafi í ár verið allt að 20% meiri en í fyrra. Meða...