Vinsamlegast athugið að þetta efni er eldra en 6 ára.
Grænmetisgarður. Úr bæklingi sem gefinn var út fyrir keppnina.
Grænmetisgarður. Úr bæklingi sem gefinn var út fyrir keppnina.
Fréttir 29. janúar 2015

Sigurður Helgason lenti í 8. sæti í Bocuse d’Or

Höfundur: smh

Sigurður Helgason, yfirmatreiðslumeistari á Grillinu á Hótel Sögu, lenti í 8. sæti í Bocuse d’Or, en tilkynnt var um úrslitin í gær. Sigurður var fulltrúi Íslands í þessari óopinberu heimsmeistarakeppni matreiðslumanna.

Sigurður Helgason.

Bændablaðið heyrði hljóðið í Sigurði þegar hann var nýkominn til Lyon í Frakklandi þar sem keppnin fór fram. Var þá mikill hugur í íslenska hópnum og stóðu vonir jafnvel til að komast á verðlaunapall. Ljóst er þó að Sigurður getur ágætlega við unað þar sem 24 þjóðir tóku þátt í keppninni.

Noregur hlaut gullverðlaun, Bandaríkin fengu silfur og Svíþjóð brons.

Þess má geta að Ísland hefur ævinlega verið á topp tíu frá því að fyrst var tekið þátt í þessari keppni árið 1999.

Hér á eftir fer viðtali við Sigurð þegar hann var nýkominn til Lyon í Frakklandi þar sem keppnin fór fram.

Sigurður og fylgdalið hans lentu í Frakklandi 22. janúar og voru með um eitt tonn af búnaði og hráefni meðferðis. Blaðamaður heyrði í Sigurði þegar hann var nýlentur og var hljóðið mjög gott í honum. „Við erum mjög vel stemmdir og spenntir. Þessi dagur fer nú bara allur í að koma farangrinum á keppnisstað. Fyrir utan ýmiskonar búnað erum við með um 15-200 kíló af matvælum. Það er allskyns grunnhráefni og sósugrunnar en aðalhráefnið sem allir eiga að elda, franskan vatnaurriða og perluhænu, fáum við afhent á staðnum. Grænmetið fyrir fiskréttinn þarf ég að sækja á markað daginn fyrir keppnina og við fáum hálftíma til að velja það. Grænmetið með kjötinu get ég algjörlega valið sjálfur. Ég fór þá leið að nota íslenskt yfirbragð á réttina mína; ég nota reyk, villt ber sem ég tíndi í sumar og eru frostþurrkuð til að nota utan á kjötið. Þar eru meðal annars aðalbláber og einiber. Svo nota ég aðrar villtar jurtir, til að mynda hreindýramosa sem ég nota bæði í matinn og fyrir útlitið.

Við leggjum líka mikið upp úr útlitinu á réttunum og þar er plattinn auðvitað undirstaðan í framreiðslunni á kjötréttinum. Plattinn er 90 sentimetrar í þvermál og á hann fara 12 skammtar. Mikið var lagt í hönnun og smíði hans; þar sem hugmyndin var að reyna að einhverju leyti að endurskapa náttúru Íslands. Innblásturinn kom meðal annars frá íslensku stuðlabergi. Inni á plattanum hefur verið mótað lítið grill úr því sem líkist stuðlabergsstrendingum. Þar ofan í set ég kol og birki og framkalla reyk til að gefa réttinum aukin áhrif. Allt þetta útheimtir gríðarlega skipulagningu og tímastjórnun.

Þráinn Freyr Vigfússon er þjálfari Sigurðar og þrír aðstoðarmenn eru með í för; Hinrik Örn Lárusson (Grillinu), Karl Óskar Smárason (Vox) og Rúnar Pierre Heriveaux (Lava í Bláa Lóninu ) en hann aðstoðar Sigurð í keppniseldhúsinu á sjálfum keppnisdeginum 27. janúar. „Við myndum góða liðsheild og ég er mjög heppinn með þá aðstoðarmenn sem eru með mér. Við erum eiginlega sex manna lið því Sturla Birgisson fór með okkur út sem dómari. Þetta er orðið mjög reynslumikið lið sem stendur að baki íslenska þátttakandanum hverju sinni og við stefnum á að ná góðum árangri – vonandi alla leið upp á pall.

3 myndir:

Skylt efni: Bocuse d’Or

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...