Matvælastofnun sviptir bónda á Suðurlandi nautgripum sínum
Höfundur: smh
Matvælastofnun hefur svipt bónda á Suðurlandi nautgripum sínum vegna vanfóðrunar.
Þetta kemur fram í tilkynningu stofnunarinnar sem hún sendi frá sér í dag. Mat hún ástand gripa á mjólkurbýli, við eftirlit 31. janúar og 1. febrúar, það slæmt að aðgerðir þyldu ekki bið.
„Var vörslusvipting því framkvæmd strax að lokinni síðari úttektinni og aðgerðir hafnar til að bæta fóðrun og aðbúnað dýranna. Um 40 nautgripir eru á bænum en senda þurfti átta gripi í sláturhús að lokinni skoðun dýralækna,“ segir í tilkynningunni.
