Vinsamlegast athugið að þetta efni er eldra en 5 ára.
MAST nær ekki að sinna öllum lögbundnum skyldum sínum
Mynd / BBL
Fréttir 28. mars 2017

MAST nær ekki að sinna öllum lögbundnum skyldum sínum

Höfundur: smh

Skýrslu vegna stjórnsýsluúttektar á Matvælastofnun (MAST) var skilað til atvinnu- og nýsköpunarráðuneytisins í gær. Í skýrslunni kemur  meðal annars fram að MAST nær ekki að sinna öllum lögbundnum skyldum sínum og mikið álag er á stjórnendum og starfsmönnum. Þá starfar stofnunin ekki nægilega vel sem samstillt heild, auk þess sem ímynd stofnunarinnar meðal eftirlitsþega og almennings sé ekki nægilega góð.

Gunnar Bragi Sveinsson, þáverandi sjávarútvegs- og landbúnaðarráðherra síðustu ríkisstjórnar, setti í byrjun desembermánaðar á síðasta ári af staða vinnu á úttekt á starfsemi Matvælastofnunar í kjölfar svokallaðs Brúneggjamáls. Var þeim doktor Ólafi Oddgeirssyni, dýralækni og framkvæmdastjóra ráðgjafarfyrirtækisins Food Control Consultants Ltd. í Skotlandi, og Bjarna Snæbirni Jónssyni stjórnunarráðgjafa falið að gera úttektina.

Var þeim gert að fara yfir verkferla Matvælastofnunar hvað varðar eftirlit með lögum um dýravelferð og matvælaeftirlit, greina starfsaðferðir og bera saman við það sem almennt gerist hjá sambærilegum stofnunum í Evrópu. Í skýrslunni er farið yfir starfsemi MAST, þróun, verklag og lagðar til leiðir til úrbóta. Það kemur fram að stofnunin býr að verðmætum mannauði en styrkja þurfi starf stofnunarinnar, meðal annars með markvissari stjórnun og stefnumótun, skýrari verklagsreglum og betri miðlun upplýsinga. Jafnframt sé þörf á heildstæðri matvælastefnu auk þess sem skipulag matvælaeftirlits sé of flókið.

MAST segir í tilkynningu vegna útgáfu skýrslunnar að stofnunin muni „vinna áfram með tillögur skýrsluhöfunda í skýrsluhöfunda í samstarfi við þriggja manna verkefnisstjórn sem ráðuneytið mun skipa í kjölfarið með það að markmiði að styðja frekar við starfsemi stofnunarinnar. Samhliða þeirri vinnu verður unnið áfram að nýjum lögum um Matvælastofnun sem skilgreina munu betur hlutverk stofnunarinnar, skyldur og heimildir.“

Hægt er að nálgast skýrsluna á vef ráðuneytisins:

Úttekt á Matvælastofnun

Meiri uppskera af gulrótum og kartöflum en minna af rauðkáli
Fréttir 2. desember 2022

Meiri uppskera af gulrótum og kartöflum en minna af rauðkáli

Samkvæmt nýjum uppskerutölum frá garðyrkjubændum í útiræktun grænmetis, varð tal...

Örvar nýr fjármálastjóri Bændasamtaka Íslands
Fréttir 2. desember 2022

Örvar nýr fjármálastjóri Bændasamtaka Íslands

Stefnir í takmarkanir á veiðum grágæsa
Fréttir 2. desember 2022

Stefnir í takmarkanir á veiðum grágæsa

Þar sem fjöldi skráðra grágæsa á talningastöðum á Bretlandseyjum er 30% færri en...

Minkur til Danmerkur
Fréttir 1. desember 2022

Minkur til Danmerkur

Hópur danskra minkabænda, sem kallast Dansk mink, vinnur nú að því að endurvekja...

Frummenn vildu vel steiktan fisk
Fréttir 30. nóvember 2022

Frummenn vildu vel steiktan fisk

Rannsóknir á beinaleifum vatnakarfa sem fundust þar sem í dag er Ísrael benda ti...

Fyrsti rafmagnssteypubíllinn á leiðinni til landsins
Fréttir 30. nóvember 2022

Fyrsti rafmagnssteypubíllinn á leiðinni til landsins

Steypustöðin gekk nýlega frá samningi við steypudælu og -bílaframleiðandann Putz...

Ný sálmabók tekin í notkun
Fréttir 29. nóvember 2022

Ný sálmabók tekin í notkun

Þann 13. nóvember sl. var ný útgáfa sálmabókarinnar tekin í notkun í kirkjum lan...

Fljúgandi bolabítur
Fréttir 28. nóvember 2022

Fljúgandi bolabítur

Skömmu eftir miðja nítjándu öld lýsti Alfred Russel Wallace, sem var samtímamaðu...