Vinsamlegast athugið að þetta efni er eldra en 8 ára.
Massey Ferguson á Suðurpólinn
Fréttir 2. janúar 2015

Massey Ferguson á Suðurpólinn

Höfundur: Hjörtur L. Jónsson

Ferð Massey Ferguson á Suðurpólinn, sem fjallað var um í Bændablaðinu 6. nóvember, gekk vonum framar og eftirfarandi tilkynning frá hópnum barst hinn 9. desember:

„Klukkan er 2:30 að morgni 9. desember. Eftir 17 daga ferðalag og 2.500 kílómetra akstur erum við núna stödd við röndóttu súluna sem markar sjálfan Suðurpólinn. Það er ótrúlegt á að horfa, en á Suðurpólnum stendur núna rauð Massey Ferguson dráttarvél! Við erum í skýjunum yfir að hafa náð markmiði okkar og þakklát öllum þeim sem aðstoðuðu okkur við að ná hingað.“ 

Skiptust á að keyra í 23 tíma á sólarhring

Hugmyndina að ferðinni átti Manon Ossevoort sem ók vélinni. Hana hafði lengi dreymt um að aka á dráttarvél „á enda heimsins“. Þessi 38 ára leikkona hafði áður lagt að baki um 38 þúsund kílómetra á dráttarvél, frá heimili sínu í Hollandi þvert yfir Evrópu og Afríku. Með hjálp Massey Ferguson tókst henni nú að ljúka þessum lokalegg ferðarinnar.

Leiðin á Suðurpólinn var mjög erfið. Leiðangursmenn óku dráttarvélinni í 23 klukkustundir í senn og stoppuðu aðeins stutta stund til að sinna viðhaldi og skipta um ökumann áður en lagt var í hann aftur. Dráttarvélin og bílarnir sem henni fylgja hafa því í raun verið í gangi stanslaust frá því að leiðangurinn lagði af stað frá Novo á strönd Suðurskautslandsins þann 23. nóvember síðastliðinn. Á leiðinni á Suðurpólinn var ekið yfir svæði sem voru mjög erfið yfirferðar, til dæmi mikil sprungusvæði. Kuldinn fór mest í 56 stiga frost og á tímabili duttu öll fjarskipti út vegna sólstorms.

Arctic Trucks skipulagði ferðina á Suðurpólinn

Í símaviðtali við Guðmund Guðjónsson, verkefnisstjóra Suðurskautsverkefna hjá Arctic Trucks, sagði hann að ferðin hefði gengið nánast án bilana og óhappa, en í upphafi ferðarinnar þegar frostið var sem mest hrukku í sundur boltar í fjöðrunarbúnaðinum á húsinu í dráttarvélinni.

Stoppað var í sólarhring á Suðurpólnum þar til haldið var til baka sömu leið, og er gert ráð fyrir að enn fljótlegra verði að keyra til baka í hjólförunum eftir dráttarvélina og bílana.  Dráttarvélinni til halds og trausts eru tvær AT44 6X6 Arctic Trucks bifreiðar.

Skylt efni: Tæki

Hagnaðurinn 67,1 milljón króna á síðasta ári
Fréttir 20. mars 2023

Hagnaðurinn 67,1 milljón króna á síðasta ári

Aðalfundur ÍSTEX var haldinn í kjölfar búgreinaþings deildar sauðfjárbænda og að...

Sjaldan launar kálfurinn kjöteldið
Fréttir 17. mars 2023

Sjaldan launar kálfurinn kjöteldið

Á nýafstöðnu búgreinaþingi samþykkti deild nautgripabænda ályktun þar sem bent e...

Tryggja þarf að gripir með verndandi arfgerðir verði ekki skornir niður
Fréttir 17. mars 2023

Tryggja þarf að gripir með verndandi arfgerðir verði ekki skornir niður

Búgreinadeild sauðfjárbænda hjá Bændasamtökum Íslands samþykkti tillögu á nýliðn...

Fagþing sauðfjárræktarinnar
Fréttir 17. mars 2023

Fagþing sauðfjárræktarinnar

Fagþing sauðfjárræktarinnar 2023 verður haldið í Ásgarði á Hvanneyri fimmtudagin...

Sauðfjárbændur vilja fjölga ullarflokkum
Fréttir 16. mars 2023

Sauðfjárbændur vilja fjölga ullarflokkum

Á búgreinaþingi deildar sauðfjárbænda á dögunum var tillaga samþykkt þar sem því...

Niðurfelling gripagreiðslna á mjólkurkýr
Fréttir 16. mars 2023

Niðurfelling gripagreiðslna á mjólkurkýr

Nautgripabændur vilja greiðslur fyrir framleiðslutengda liði mjólkur. Í ályktun ...

Jarfi frá Helgavatni besta nautið
Fréttir 16. mars 2023

Jarfi frá Helgavatni besta nautið

Jarfi 16016 frá Helgavatni í Þverárhlíð í Borgarfirði hlaut nafnbótina besta nau...

Kalla eftir breytingum á varnarhólfum
Fréttir 15. mars 2023

Kalla eftir breytingum á varnarhólfum

Á þingi búgreinadeildar sauðfjárbænda hjá BÍ var samþykkt sú tillaga að stjórn d...