Vinsamlegast athugið að þetta efni er eldra en 5 ára.
Landbúnaðarráðherra segir þjóna litlum tilgangi að auka fjárveitingar til sauðfjárræktarinnar
Mynd / HKr.
Fréttir 20. júlí 2017

Landbúnaðarráðherra segir þjóna litlum tilgangi að auka fjárveitingar til sauðfjárræktarinnar

Höfundur: VH & TB

Þorgerður Katrín Gunnarsdóttir landbúnaðarráðherra segir að núverandi landbúnaðarkerfi sé ekki að skila tilætluðum árangri í sauðfjárrækt, hvorki fyrir bændur né neytendur. Því þjóni litlum tilgangi að auka fjárveitingar til greinarinnar.

Á fundi með Þorgerði Katrínu Gunnarsdóttur 3. júlí síðastliðinn lögðu Bændasamtök Íslands og Landssamtök sauðfjárbænda fram minnisblað með tillögum til úrbóta vegna bágrar stöðu sauðfjárræktar í landinu vegna birgðasöfnunar og slæmrar markaðsstöðu sauðfjárafurða um þessar mundir.

Svar ráðuneytisins

Í svarbréfi ráðuneytisins dagsettu 11. júlí síðastliðinn segir meðal annars að ráðuneytið hafi fullan skilning á erfiðri stöðu framleiðenda sauðfjárafurða og sé reiðubúið að eiga viðræður við samtökin um öll möguleg ráð til að koma til móts við þessar aðstæður, innan þess ramma sem gildandi búvörusamningar segja. Þeir rammi í megindráttum þau framlög til landbúnaðar sem Alþingi hefur ákveðið. Í samtölum við forustu bænda hefur ráðherra undirstrikað mikilvægi þess að koma til móts við bændur þannig að það skili öflugri sauðfjárrækt til lengri tíma og betra umhverfi til neytenda.

Forystumönnum bænda var brugðið við þessi viðbrögð og furða sig á því að ráðherra leggi ekki meira til málanna en fram kemur í bréfinu.

Kerfið er ekki að skila árangri

Þorgerður Katrín Gunnarsdóttir landbúnaðarráðherra sagði í samtali við Bændablaðið að hún hefði fullan skilning á slæmri stöðu sauðfjárbænda í landinu en að eins og staðan sé í dag sé um offramleiðslu á sauðfjárafurðum að ræða og slíkt gangi ekki til lengdar.

„Að mínu mati þjónar litlum tilgangi að auka fjárveitingar til markaðssetningar á lambakjöti miðað við óbreytt kerfi. Núverandi kerfi er ekki að skila þeim árangri sem til stóð og ekki að skila því sem það á að gera beint til sauðfjárbænda eða neytenda. Þetta þyrfti endurskoðunarnefndin meðal annars að fara yfir. Fjárhagsrammi þessa málaflokks er samkvæmt fjárlögum 2017 fullnýttur en rétt er að geta þess að til viðbótar því sem bundið er til markaðssetningar á lambakjöti í búvörusamningnum samþykkti Alþingi 100 milljónir króna til markaðsstarfs. Einnig ákvað framkvæmdanefnd um búvörusamninginn að setja vannýttar beingreiðslur, einnig að fjárhæð 100 milljónir króna, í markaðsmál. Því hefur í raun verulegum fjárhæðum verið bætt í markaðsstarf fyrir lambakjöt.

Ég tel að við eigum að leggja aukna áherslu á innanlandsmarkað þegar kemur að markaðssetningu lambakjöts og markaðssetja það í frekari mæli fyrir ferðamenn sem hingað sækja. Ég hef einnig sagt að ég muni beita mér fyrir því að gera búvörusamninginn „framhlaðinn“ ef það má vera til þess að bæta þá erfiðleika sem við stöndum frammi fyrir.“

Að sögn Þorgerðar Katrínar er samtali við Bændasamtök Íslands og Landssamtök sauðfjárbænda um alvarlega stöðu sauðfjárræktar í landinu engan veginn lokið og leita verði allra leiða til að bæta stöðu greinarinnar, til skemmri og lengri tíma litið.

Mikil vonbrigði segir formaður LS

Oddný Steina Valsdóttir, formaður Landssamtaka sauðfjárbænda, tekur djúpt í árinni í viðtali við Bændablaðið þar sem hún segir stöðuna alvarlega og að tíminn til að leita lausna sé að renna út. Það séu mikil vonbrigði að hið opinbera virðist ætla að bregðast við þessar fordæmalausu aðstæður.

„Þótt svörin valdi vonbrigðum þá er hins vegar óþolandi og í raun mjög alvarlegt að ráðherra skuli draga bændur á svörum, í fjóra mánuði, og leggja til grútmáttlausar aðgerðir sem eru á engan hátt fallnar til að takast á við þann vanda sem við blasir. Þennan tíma hefði mátt nýta svo miklu, miklu betur,“ segir Oddný Steina Valsdóttir, formaður Landssamtaka sauðfjárbænda. 

Minnisblað LS og BÍ - pdf

Svarbréf ráðherra - pdf

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...