Vinsamlegast athugið að þetta efni er eldra en 3 ára.
Kristján Þór Júlíusson fundar með Vytenis Andriukaitis, framkvæmdastjóra Evrópusambandsins (ESB) á sviði heilbrigðis og matvæla.
Kristján Þór Júlíusson fundar með Vytenis Andriukaitis, framkvæmdastjóra Evrópusambandsins (ESB) á sviði heilbrigðis og matvæla.
Mynd / Stjórnarráðið
Fréttir 29. mars 2019

Kristján Þór kynnti kröfur um innflutt alifuglakjöt fyrir ESB

Höfundur: smh

Á vef Stjórnarráðs Íslands (stjornarradid.is) er greint frá fundi sem Kristján Þór Júlíusson sjávarútvegs- og landbúnaðarráðherra átti í gær með Vytenis Andriukaitis, framkvæmdastjóra Evrópusambandsins (ESB) á sviði heilbrigðis og matvæla. Meðal fundarefna var að kynna kröfur Íslands um innflutt alifuglakjöt sem verða í frumvarpi um innflutning á ófrystu kjöti, eggjum og ógerilsneyddum mjólkurafurðum til Íslands.

Megintilgangur fundarins var að ræða stöðu mála varðandi frumvarp ráðherra og dóma EFTA-dómstólsins og Hæstaréttar Íslands sem hafa komist að þeirri niðurstöðu að núgildandi leyfisveitingakerfi og frystiskylda brjóti gegn skuldbindingum Íslands gagnvart EES-samningnum.

Sömu kröfur til innflutts og innlendrar framleiðslu

„Kristján Þór vísaði á fundinum til þess að frumvarp um að afnema leyfisveitingakerfið hefði verið lagt fram á Alþingi. Þá gerði hann grein fyrir þeim ráðstöfunum sem íslensk stjórnvöld munu grípa til samhliða afnámi leyfisveitingakerfisins, m.a. þá kröfu að innflutt alifuglakjöt fullnægi sömu kröfum og gerð hefur verið til innlendrar framleiðslu undanfarna tvo áratugi. Í þeirri kröfu felist að framleiðandi/innflytjandi sýni fram á með vottorði eða öðrum hætti að ómeðhöndlað alifuglakjöt sé ekki mengað af kampýlóbakter. Með þessu ætli íslensk stjórnvöld að tryggja sterka stöðu Íslands þegar kemur að vörnum gegn kampýlóbakter-sýkingum.

Styrkja samstarf Íslands og Evrópusambandsins

Kristján Þór vísaði til þess á fundinum að sjúkdómastaða íslenskra búfjárstofna sé sérlega góð í samanburði við önnur ríki. Jafnframt gerði hann grein fyrir átaki íslenskra stjórnvalda til að draga úr útbreiðslu sýklalyfjaónæmra baktería á Íslandi sem hófst í febrúar sl. Þá sammæltust Kristján Þór og Vytenis Andriukaitis um að styrkja samstarf Íslands og Evrópusambandsins varðandi aðgerðir gegn bæði kampýlóbakter og sýklalyfjaónæmum bakteríum.

Kristján Þór fundaði einnig með fulltrúm frá Eftirlitsstofnun EFTA um fyrrgreint frumvarp og kynnti þær ráðstafanir sem gripið verður til,“ segir á vef Stjórnarráðsins.

Skynjaði skilning á stöðu Íslands

Haft er eftir Kristjáni Þór að hann hafi skynjað skilning á stöðu Íslands á fundunum. „Það hefur verið forgangsverkefni stjórnvalda í þessu máli að standa við alþjóðlegar skuldbindingar en á sama tíma að tryggja öryggi matvæla og dýraheilbrigði. Það er jafnframt mikilvægt að gera Evrópusambandinu og Eftirlitsstofnun EFTA grein fyrir þeim ráðstöfunum sem við ætlum að grípa til, enda allra hagur að við getum átt uppbyggilegt samstarf um farsæla lausn þessa máls.“

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...

Samdráttur í sölu á fræi
Fréttir 8. júní 2022

Samdráttur í sölu á fræi

Samkvæmt lauslegri könnun Bændablaðsins er búið að flytja inn rúm tvö tonn a...

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu
Fréttir 8. júní 2022

Aðstaða bænda og fyrirtækja í landbúnaði á Íslandi er lakari en í öðrum ríkjum Evrópu

Rúmlega tuttugu íslensk fyrirtæki sem tengjast landbúnaði og matvælaframleiðslu ...