Vinsamlegast athugið að þetta efni er eldra en 5 ára.
Kattarfló hefur nú greinst í köttum á höfuðborgarsvæðinu og nú síðast í miðbæ Reykjavíkur. Talið er að útbreiðsla kunni þegar að vera orðin meiri en fólk gerir sér grein fyrir.
Kattarfló hefur nú greinst í köttum á höfuðborgarsvæðinu og nú síðast í miðbæ Reykjavíkur. Talið er að útbreiðsla kunni þegar að vera orðin meiri en fólk gerir sér grein fyrir.
Fréttir 15. mars 2016

Kattarfló greinist á Íslandi

Höfundur: /VH/MAST
Kattarfló greindist á ketti á höfuð­borgarsvæðinu fyrir skömmu. Flóin er ekki landlæg hér á landi en getur valdið bæði dýrum og mönnum miklum óþægindum og jafnvel veikindum. 
 
Matvælastofnun hvetur fólk til að vera á varðbergi gagnvart þessari óværu og leggur áherslu á að reynt verði að uppræta hana.
 
Á heimasíðu Matvælastofnunar 12. febrúar var greint frá því að  dýralæknar á Dýraspítalanum í Garðabæ hafi fengið grun um kattarfló á ketti og sent sýni til greiningar á Tilraunastöð Háskóla Íslands að Keldum, sem staðfesti að um væri að ræða kattarfló, Ctenocephalides felis. 
 
Matvælastofnun hefur haft samband við eiganda kattarins og gefið fyrirmæli um ráðstafanir til að hindra að flærnar breiðist út. Haft verður samband við alla sem vitað er að hafa haft einhver tengsl við viðkomandi kött á undanförnum mánuðum.
 
Hinn 3. mars var síðan birt önnur  tilkynning um að kattarfló hafi greinst á fleiri köttum á höfuðborgarsvæðinu.
 
„Hætt er við að flóin sé útbreiddari en talið hefur verið. Matvælastofnun telur þó mögulegt að uppræta flóna en til þess þarf samstillt átak hunda- og kattaeigenda. Sérstaka smitgát skal viðhafa á dýrasýningum.
Tilkynning um grun barst í síðustu viku frá Dýralæknastofu Dagfinns, sem svo var staðfestur á Tilraunastöð Háskóla Íslands að Keldum. Um var að ræða kött af heimili í miðborg Reykjavíkur, sem fer út að vild. Þegar málið var kannað kom í ljós að eigandi hans hafði farið með hann til dýralæknis oftar en einu sinni á síðasta ári, m.a. vegna kláða og annarra einkenna. Kötturinn fékk meðhöndlun gegn flóm þar sem þetta var á þeim tíma sem fuglaflærnar eru á kreiki. Í ljósi greiningarinnar nú er talið líklegt að hann hafi verið með flær um töluverðan tíma. Af þessu má sjá hversu erfitt getur reynst að finna flærnar og losna við þær.“ 
 
Ekki í fyrsta sinn sem kattarfló greinist hér á landi
 
Kattarfló hefur greinst í stökum tilfellum hér á landi. Hún greindist á hundum á árunum 1980 og 1984 og á innfluttri kanínu í einangrun árið 2012 og innfluttum hundi árið 2013. Í öllum tilvikum náðist að uppræta flóna. 
 
Veldur óþægindum og jafnvel veikindum
 
Kattarflær geta valdið dýrum og mönnum miklum óþægindum og jafnvel veikindum. Hún getur jafnframt borið með sér sýkla sem ekki hafa greinst í dýrum hér á landi og geta valdið veikindum í köttum og jafnframt borist í fólk. 
 
Ef dýrin klóra sér, sleikja eða bíta í húðina meira en venjulega er rétt að skoða feldinn vel. Flærnar eru dökkbrúnar, um 1 til 3 millimetrar að stærð og eru því sýnilegar með berum augum en stundum getur verið erfitt að koma auga á þær og auðveldara að sjá flóaskítinn. 
 
Gott ráð er að setja hvítt handklæði undir dýrið og nudda feldinn eða kemba með flóakambi, ef svört korn falla úr feldinum er hugsanlegt að þau séu flóaskítur. Séu dýrin með fló þarf að meðhöndla þau og samhliða þarf að gera ráðstafanir á heimilinu til að uppræta flærnar. 
 
Egg flónna falla af dýrinu og klekjast út til dæmis í teppum, húsgögnum og glufum í gólfi. Lirfurnar þrífast best við stofuhita og hátt rakastig. Lirfurnar púpa sig eftir nokkra daga og fullorðnar flær koma svo úr púpunum þegar aðstæður eru hentugar, svo sem þegar lifandi dýr eða manneskja er í hæfilegri nálægð.  

Skylt efni: kattarfló

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...