Vinsamlegast athugið að þetta efni er eldra en 5 ára.
Óskar Albertsson, talsmaður handverkstæðisins Ásgarðs í Mosfellsbæ, hvetur fólk til að mæta á jólamarkaðinn í Álafosskvosinni 8. desember.
Óskar Albertsson, talsmaður handverkstæðisins Ásgarðs í Mosfellsbæ, hvetur fólk til að mæta á jólamarkaðinn í Álafosskvosinni 8. desember.
Mynd / HKr.
Fréttir 7. desember 2018

Jólamarkaður hand­verkstæðisins Ásgarðs í Mosfellsbæ haldinn á morgun

Höfundur: Hörður Kristjánsson
Hinn árlegi jólamarkaður hand­verkstæðisins Ásgarðs verður haldinn í Álafosskvosinni laugardaginn 8. desember, en ekki fyrsta laugardag í desember eins og venjan hefur verið. 
 
Óskar Albertsson talsmaður Ásgarðs, segir að ákveðið hafi verið að færa jólamarkaðinn að þessu sinni um eina viku. 
 
„Við erum vön að halda jólamarkaðinn fyrstu helgina í desember. Nú ber þetta upp á 1. desember og þá er svo mikið um að vera vegna 100 ára fullveldishátíðar Íslands. Þess vegna ákváðum við að flytja jólamarkaðinn okkar um eina viku og hafa hann 8. desember. 
 
Unnið úr íslensku hráefni
 
Það er afskaplega notalegt að heimsækja fólkið á hand­verkstæði Ásgarðs í Álafoss­kvosinni. Þar gefst fólki kostur á að kaupa vandaða smíðagripi sem smíðaðir eru af mikilli alúð af starfsfólki staðarins. Unnið er úr náttúrulegum efnivið og nær eingöngu er notaður íslenskur trjáviður.  
 
Ásgarður hand­verkstæði var stofnað 1993 sem sjálfseignar­stofnun og hefur starfsleyfi frá velferðar­ráðu­neytinu sem verndaður vinnustaður. Frá upphafi hafa starfsmenn Ásgarðs lagt áherslu á að hanna og þróa einföld, sterk og skemmtileg leikföng sem eiga sér samsvörun í íslenskum þjóðháttum, hvort sem um er að ræða sjávarútveg, landbúnað, þjóðsögur eða ævintýri. 
 
Opnað klukkan tólf á hádegi
 
Markaðurinn er í smíðahúsinu að Álafossvegi 14, sem venjulega er kallað Bragginn. Þá geta gestir einnig brugðið sér á kaffihlaðborð í húsi sem er þar nokkur skref í burtu, eða í Ásgarði númer 24 við Álafossveg, gegnt Álafoss-versluninni. Markaðurinn verður opnaður klukkan 12 og mun standa til klukkan 5 síðdegis. 
Óskar segir að það sé alltaf góð aðsókn að markaðinum. Síðast hafi nær allt selst upp svo vissara sé fyrir fólk að mæta tímanlega. 
 
„Það eru allir velkomnir og við erum með heitt súkkulaði og svo auðvitað kaffi og kökur,“ segir Óskar Albertsson. 
Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...