Vinsamlegast athugið að þetta efni er eldra en 3 ára.
Jóhann R. Skúlason á hinum tignarlega Finnboga frá Minni-Reykjum.
Jóhann R. Skúlason á hinum tignarlega Finnboga frá Minni-Reykjum.
Mynd / BBL
Fréttir 6. ágúst 2019

Íslendingar efstir í fjórgangi

Höfundur: Ritstjórn

Íslenska landsliðið í hestaíþróttum átti góðan dag í Berlín þegar keppni í hringvallargreinum hófst með fjórgangi.

Jóhann R. Skúlason reið á vaðið og var fyrstur Íslendinga í braut á hinum tignarlega Finnboga frá Minni-Reykjum. Þeir áttu góða sýningu sem setti þá í 2.-3. sætið með 7,43 ásamt hinni norsku Christinu Lund á Lukku-Blesa frá Selfossi. Ásmundur Ernir Snorrason var lengi vel inni í A-úrslitum líka með Fræg frá Strandarhöfði, en þeir enduðu í 6. sæti sem þýðir að þeir fara í B-úrslit en þar eru þeir sigurstranglegir af allt gengur upp.

Efstur eftir forkeppni var Árni Björn Pálsson á Flaumi frá Sólvangi með 7,67 en þeir áttu jafna og góða sýningu, en geta þó enn bætt í. Þau Bernarnd Podlech og Lisa Drath frá Þýskalandi riðu sig líka inn í A-úrslit og aðeins þrjár kommur skilja 2. og 3. sætið frá því 4. og 5. svo í raun er allt opið fyrir úrslitin um helgina. 

Tvö íslensku ungmennanna sem kepptu í fjórgangi komust einnig í úrslit, þau Ásdís Ósk Elvarsdóttir og Koltinna frá Varmalæk sem varð önnur með 6,80 og Hákon Dan Ólafsson á Stirni frá Skriðu sem varð fjórði með 6,67. Heilt yfir góður dagur fyrir íslenska liðið þó ekki kæmust allir í úrslit.

Jakob einbeitir sér að slaktaumatöltinu

Jakob Svavar Sigurðsson afskráði sig úr fjórgangnum með Júlíu frá Hamarsey, en þau urðu m.a. Íslandsmeistarar í þeirri grein árið 2017 og töldust líkleg til afreka, ekki síst sem hugsanlegir samanlagðir fjórgangs sigurvegarar. Jakob hefur líka orðið Íslandsmeistari bæði í tölti T1 og slaktaumtölti T2 á Júlíu, en ekki má keppa í tveimur töltgreinum á sama móti og hefur hann ákveðið að einbeita sér að slaktaumatöltinu. Gangi vel hjá Jóhanni í töltinu er hann hins vegar líklegur kandidat í samanlagðan fjórgangs sigurvegara en það kemur í ljós að þegar forkeppni í tölti lýkur. 

Kynbótahrossin lækkuðu öll

Fimm vetra hryssur og stóðhestar voru sýnd í reiðdómi í kvöld, skemmst er frá því að segja að þar lækkuðu hrossin öll og sum umtalsvert, en yfirlit er enn eftir og því möguleiki á að þau hækki sig að nýju. 

Fylgist með á FB-síðu Bændablaðsins

Á morgun verður keppt í fimmgangi, auk þess sem sex og sjö vetra gömul kynbótahross verða sýnd í dómi. Við munum halda áfram að fylgjast með á HM og bendum jafnframt á Facebook-síðu Bændablaðsins þar sem birtast myndbrot af mótinu.

 

Skylt efni: HM í Berlín 2019

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...