Vinsamlegast athugið að þetta efni er eldra en 3 ára.
Mikil ásókn er í nýjar íbúðir sem verið er að byggja í hverfinu við Lónsbakka.
Mikil ásókn er í nýjar íbúðir sem verið er að byggja í hverfinu við Lónsbakka.
Mynd / MÞÞ
Fréttir 26. janúar 2021

Íbúar í Hörgársveit verði um 900 innan fárra ára

Höfundur: Margrét Þóra Þórsdóttir

Gert er ráð fyrir að íbúum í Hörgársveit fjölgi um 200 til 250 íbúa á ári næstu árin. Íbúar Hörgársveitar eru nú um 650 talsins, en verið er að byggja upp íbúðahverfi við Lónsbakka sem miðar að því að íbúum fjölgi umtalsvert á næstu árum. Þá er einnig verið að byggja á öðrum svæðum í sveitarfélaginu og hugur stendur því til þess að íbúar verði um 900 talsins innan fárra ára.

„Þessari fjölgun þarf að mæta með uppbyggingu innviða og er stækkun leikskólans Álfasteins dæmi þess. Nú eru 45 börn í leik­skólanum og strax í vor verða þau komin yfir 50 og mun fjölga jafnt og þétt. Leikskólinn er fullsetinn og verður það þar til byggingu nýrrar deildar verður lokið í mars en með henni getum við mætt fjölguninni sem fram undan er,“ segir Snorri Finnlaugsson sveitarstjóri í áramótapistli sínum.

Leikskólinn Álfasteinn í Hörgársveit er fullsetinn og verður það þar til byggingu nýrrar deildar verður lokið í mars.

Skólastarfið hjartað í samfélaginu

Hann segir að mikil ásókn sé í þær nýju íbúðir sem verið er að byggja, m.a. á Lónsbakka, og virðist fólk kunna vel að meta umhverfið og það orðspor sem fer af góðu sveitarfélagi sem vel hlúi að menntun og uppeldismálum. Nemendur í Þelamerkurskóla eru nú 67 og mun þeim fjölga talsvert frá árinu 2023 og svo jafnt og þétt ef áætlanir ganga eftir. „Skólastarf Álfasteins og Þelamerkurskóla er hjartað í samfélaginu, öflugt og gott og mörgum öðrum til eftirbreytni,“ segir Snorri. Íbúar í Hörgársveit fá afhent árskort í sund án endurgjalds og segir sveitarstjórinn það vera hluta af góðum lífsgæðum.

Sterk staða

Þrátt fyrir áhrif af völdum kórónu­veirunnar hafi sveitarfélaginu tekist að halda í fjárhagslega sterka stöðu sína. „Við nutum þess að hafa ekki skuldsett okkur síðustu ár þrátt fyrir uppbyggingu og áttum orðið í sjóði sem við gátum nýtt til að mæta bæði tímabundnum áföllum í rekstri og haldið áfram framkvæmdum og heldur bætt í ef eitthvað var,“ segir Snorri og bætir við að tekjur hafi vissulega lækkað, einkum í kringum sundlaugina sem var lokuð svo vikum skipti á árinu.

Engin ný lán voru tekin á árinu þrátt fyrir um 100 milljón króna framkvæmdir. Á næsta ári er hins vegar gert ráð fyrir lántökum til að halda áfram uppbyggingu, til að fjölga íbúðum og íbúum og fá þannig fleiri til að standa undir framtíðarrekstri sveitarfélagsins.
Á liðnu sumri störfuðu um 30 námsmenn á aldrinum 13 til 25 ára hjá sveitarfélaginu við að fegra sveitarfélagið en eitt verkefnanna var að handgera nýjan göngustíg í kringum Hjalteyrartjörn. 

Skylt efni: Hörgársveit

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...

Áhyggjur af myglu, tollum og garðyrkjunámi
Fréttir 27. febrúar 2024

Áhyggjur af myglu, tollum og garðyrkjunámi

Deildarfundur garðyrkjubænda innan Bændasamtaka Íslands var haldinn 12. febrúar ...